Markos 12:15 - Northern Tepehuan Bible

¹⁵ —¿Gï agai tïxi tïïgidagi go kuota, ix cho ïpï?— itïtïdai ïgai go Suxi. Dïï mos go Suxi kïï maatï ix mos yaatabogan dukai ñokai ïgai. Daidi potïtïdai aidï, —¿Tui mïxi gin buirumada ïrhidi?— itïtïdai. —Bhaigobai abïr buapa ïmo tuminxi, nïida iñagai ix maaxi— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁵ Dʌmos ʌSuusi maatʌcatadai ismosvuiirumada ʌliditadai ʌgai daidʌ itʌtʌdai: ―Aapimʌ aagai ʌmo istumaasi dai ʌma maasi ivueeyi. ¿Tuimʌsidʌ giñvuiirumada ʌlidi? Giñtʌʌgidavurai ʌmo tumiñsi ismaacʌdʌcʌdʌ gaaa namʌquidi aapimʌ ʌcuota nai nʌida aanʌ ―astʌtʌdai.

Markos 12:15 Referans Kwoze

Apokalipsis 2:23

Dai kodamu aanï ix makïdï ïïgidi aatagidï ïpï. Aidï gia bïïxi go buaboitudadami ix makïdï aipakoga gïn ïmpaidiña maatï nïijadamu sai aanï bïïxi maatï ixtumaxi tïtïitoi odami dai ixtumaxi ibuada ïrhidiña ïpï. Dai maatïkamu ïgai xi aanï maakimu ixtumaxi ajïakagi bïïxi odami. Gobai ïr go ñoki ix makïdï bia aanï go soimaaxi ibuadami bïïtarï.

Hebreos 4:13

Mai tipu ixtumaxi ïxtokikagi Diuxi buitapi tudu. Bïïxi aïkatai mos maaxiko kaatïkana Diuxi buidïrï. Dai ïgai buitapi bia aatïmï xi aagadagi ix tumaxi dui aatïmï tami idi oidigi daama.

1 Korintios 10:9

Dai maiti gï agai ix ojorhituda aatïmï Gïr Nukadakami ïpï nïida ïrhiditai sa bhai mai bhaamukana soimaaxi ibuadatai aatïmï. Podui muidutai gïr aaduñi ïïki dai kaxkïdï koi kïkïkai kookoyi.

Hechos 5:9

Daidi go Piduru itïtïdai aidï, —¿Ix tuixidï pomaaxi gïn tïïtïitoi aapi ïmadï Ananias dai pomaaxi yaatagidi Diuxi Ibhïadï? Kiidañdïrï imïi gïgïrhi ix makïdï bhïkai gï kuna dai yaasa. Dai xibi aapi gï bhïkia agai ïpï— itïtïdai go Piduru.

VUAANA 21:17

Dai bhodïrï ïpamu potïtïdai ïgai, —Aapi Ximuñi ix makïdï ïr Juan maradï ¿Gin oigïdai pïxi?— itïtïdai. Baikojo podukai tïkakai go Suxi go Piduru dai kaxkïdï soi gï ïrhi go Piduru daidi itïtïdai ïgai go Suxi, —Aapi gin Tïanïdamiga kïï maatï bïïxi aïkatai. Dai kïïga maatï aapi ix aanï gï oigïdai— itïtïdai. Daidi go Suxi itïtïdai, —Kïïga saadaka gin sosoiga kañiru— itïtïdai.

Lukas 20:23

Dïï gia go Suxi máí sai ïgai buirumada ïrhiditadai daidi potïtïdai,

Markos 10:2

Dai ami dada ïïmadutai go Fariseos agaikïdï dai naana tïkakaimi go Suxi sai bhai tïïgana ixtukïdï gïpiïrï buajagi. Daidi ikaitimi ïgai, —¿Bhai ix ïr sïïrhi xi ïmo kïïrhi dagitoagi oñigadï?— astïkakai.

Mataibo 22:18

Daidi Suxi kïï maatï sai gïpiïrï daituda ïrhidi ïgai dai pokaiti. Daidi potïtïdai ïgai, —Aapimï kïï tutiakami dukai gïn dadasai dai mai kïï tutuiga aapimï. ¿Tui mïxi gin buirumada ïrhidi gïpiïrï gin daituda ïrhiditai go gïï dunukami buidïrï?— itïtïdai.

Mataibo 20:2

Dai tïï ïgai chïki aatabuadami dai bhai dui ïgai ïmadï dai aagidi xïïxi aa namïida agai ïmo tasai aaduindagai bïïtarï. Dai bhodïrï otoi ïgai ïxikamiana saidi gamo aataduna ïgai.

Markos 12:14

Mïï dada ïgai xako daja go Suxi daidi potïtïdai, —Maatïtuldiadami, kïï maatï aatïmï sai go ïïgi buaboi ñoki aagai aapi. Kïï tuiga aapi dai ïmadugan dukai nïidi aapi odami tomaxi ïr gïn bipidakami xi ïr soi titiigami ïpï. Aapi maatïturhiña odami sai maatïkana ïgai Diuxi tïgibudadï, kaxkïdï gï tïkaka rïrhidi ixtumaxi— itïtïdai. —¿Bhai ix ïr sïïrhi xi tïïgidagi aatïmï go kuota ix makïdï gïr tanïi go Rey César tïgidukïdï?— itïtïdai.

Markos 12:16

Mïtai buapi Suxi ïmo tuminxi. Dai Suxi potïtïdai, —¿Borï modï dai borï tïtiaradï bia go tuminxi?— itïtïdai. Daidi go gaa potïtïdai aidï, —Go gïï Rey César tïgidukïdï modï bia gobai ïmadï tïtiaradï— itïtïdai.

VUAANA 8:6

Potïtïdai ïgai nïidana sa tïna go Suxi. Nïida ïrhiditadai ix bhai ïïgiadamu Suxi go Moises sïïrhikamigadï. Dai ix mai ïïgiada ïgai aidï gia biaka agaitadai ïgai ixtukïdï gïpiïrï buajagi, kaxkïdï potïtïdai. Dïï go Suxi mos kuiki dai gaojai masabigadïkïdï dïbïrapi.