Markos 10:52 - Northern Tepehuan Bible

⁵² Daidi go Suxi potïtïdai aidï, —Ka bhaiga aapi pïx imiagi— itïtïdai. —Kïï buaboitu aapi kaxkïdï ka duayi gï nïadaga— itïtïdai. Mos potïi go Suxi tai go kïïrhi nïnïaba dai ka mos boiyamu oi ïgai go Suxi.

Tepehuan Northern: Diuusi ñiooquidʌ utuducami oodamicʌdʌ

⁵² Taidʌ ʌSuusi itʌtʌdai: ―Casi aapi istutuidi isimʌdagi, giñvaavoitu aapi cascʌdʌ canʌnʌaava ―astʌtʌdai. Mospotʌi ʌgai taidʌ ʌcʌʌli istui isnʌnʌaavagi, dai oí ʌSuusi voiyamu.

Markos 10:52 Referans Kwoze

Mataibo 9:22

Dai gokiamako nïnïaba go Suxi daidi potïtïdai, —Bhai gï ïrhiada aapi oki. Ka kïïga buaboitu aapi dai kaxkïdï ka duayi aapi— itïtïdai. Dai mos potïkai Suxi otoma duayi go oki.

Lukas 7:50

Daidi Suxi potïtïdai go oki, —Kïïga buaboitu aapi dai kaxkïdï ka kïïgakïrï gï busaitu Diuxi. Ka maiti buamï ïrhiada aapi tudu— itïtïdai.

Markos 8:25

Taidi Suxi noonobikïdï ïpamu taata bupuidï go kïïrhi dai go kïïrhi kïïga gï tïgito nïidi dai xibi gia ka bhai gï dui nïadagadï dai bïïxi aïkatai nïidi kïïga.

Markos 5:34

Taidi Suxi potïtïdai go oki, —Sogigi aapi— itïtïdai. —Gin buaboitu aapi kaxkïdï duayi. Xibi imïdañi dai mai buamï ïrhiatuda, ka maiti gï oidamu ïpamu go kokodagai— itïtïdai Suxi go oki.

VUAANA 9:32

Daiñi, aidï abhiadïrï ix Diuxi idui oidigi mai taadaga ix oidakagi ïmoko ix makïdï duduadagi bupuidï odami ix makïdï busaikai abhiadïrï mai nïadana, dïï go Suxi gia gin duadi.

Mataibo 15:28

Daidi Suxi potïtïdai, —Agia kïïga aagai aapi oki. Kïïga buaboitudai aapi tudu— itïtïdai. —Ka busaimu go Diabora tïañikarudï ix makïdï gï maara ïrana dajatadai— itïtïdai. Dai aidïpïrï ka kïïga duayi maradï go oki.

Hechos 26:18

Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

Markos 1:31

Bai ïgai miadïrï kïïkiba xako kaatï go oki dai nobiañdïrï bhïiyi dai bañigi. Mos podui ïgai dai ka dagito go toiñdagai dai go oki kaxi gï aagakai bhibhi go Suxi ïmadï aaduñdï.

Mataibo 21:14

Dai bhodïrï mui odami mai nïadami dai ix makïdï mai bhaigakatadai imidagai mïï ayi xako dajatadai Suxi go gïï kiupiana baidi ïgai duduadi.

Mataibo 12:22

Ïmo imidagai go óídakami buapi Suxi ïmo kïïrhi biakami ïmo tïañikarudï go diabora ïrana. Go kïïrhi mai nïadatadai dai mai bhaigakatadai ñokadagi ïpï. Dai Suxi duadi ïgai dai kïïga ño ïpamu dai kïïga nïnïaba.

VUAANA 9:39

Daidi Suxi itïtïdai, —Aanï dibia tami oidigi daama dai ïjïkobai dasa iñagai odami ix makïdï mai maatï Diuxi ïmadï ix makïdï gia maatï ïgai. Ix makïdï mai maatï Diuxi ïr mai nïadami gï dukamikana dai aanï dibia dai kïïga nïadatuda iñagai sai kïïga maatïkana Diuxi. Dïï gia ix makïdï pobïnïrhidi ix ka kïïga nïayi dai kïïga maatï Diuxi ïgai gia maatïtuldamu aanï sai maatïkana ix maiti ïr buaboi ix maatï ïgai Diuxi— itïtïdai Suxi.

Mataibo 11:5

—Aagidabïrai tudu sai aanï ka duduadi odami ix makïdï mai nïayitadai dai xibi ka kïïga nïayi. Dai ix makïdï gogobikïitadai ka kïïga aimïrai. Dai ix makïdï biakatadai lepra ka kïïga duayi ïpï. Dai ix makïdï mai bhaigakana ix kaïkagi ka kïïga kaï ïpï. Dai aagidabïrai ïpï sai ka duduakaturhi aanï koidadï. Dai sai aanï aiturhiña go bhai ïrhiaragai aatagi go soititigami. Podukai maatïkamu go Juan xorai aanï— itïtïdai.

Lukas 9:48

Daidi potïtïdai Suxi go mamaatïrdami, —Gïn aagidamu aanï xorai bamioma ïr gïdukïdï Diuxi bïïtarï. Daiñi, aanï podukai nïidi sai aanï gin xadutuadan buayi odami ix makïdï kïïga xadutuadagi jaa ix makïdï bamioma maiti ïr tïtïanïdami. Ix xadutuada ïgai ïmo arhi gïrhi dukami idi ix makïdï tami gin abhana kïïka, aanï podukai nïidi sai aanï gin xadutudai ïgai pobuadatai. Dai xorai gin xadutuadagi ka xadutudai gin Oga ix makïdï gin otoi ïpï. Gobai maatiga maaxi. Daiñi, gï agai sai maatïka aapimï sai Diuxi bïïtarï bamioma ïr gatïanïdami odami ix makïdï jaa mai tïanïdami dukai nïidi— itïtïdai.

Mataibo 8:3

Daidi go Suxi taata nobikïdï daidi potïtïdai, —Ipïrhidiana ix gï duadiagi aapi. Xibi an aagai sai duadïna aapi— itïtïdai. Mos potïi Suxi bai amaxi kïïga duayi go kïïrhi.