Markos 10:22 - Northern Tepehuan Bible

²² Dai mai bhaigïrhi go kïïrhi kaïkai aatagidï Suxi. Mos soi gï ïrhiatugai jii ïgai abhiadïrï tïtïitoitai buxtuidadï. Gï bidakami ïgai kaxkïdï.

Tepehuan Northern: Diuusi ñiooquidʌ utuducami oodamicʌdʌ

²² Dʌmos aidʌsi caʌ ʌcʌʌli imaasi aliʌ soigʌʌli dai imʌcai soigʌʌliatugai aliʌsi ʌrgʌvidacamicatadai ʌgai cascʌdʌ.

Markos 10:22 Referans Kwoze

Lukas 12:15

Daidi bhodïrï potïtïdai Suxi go gaa, —Gïn nukadabïrai dai mai koimudadï tutiaka tomarhi ïmo ixtumaxikïdï. Daiñi— itïtïdai. —Tomaxi kïïga gï bidakagi ïmo odami gobai mai itïiya ïrhidi sai kïïgakïrï oidaka agai— itïtïdai.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

Efesios 5:5

Ïïmo óídakami ïmadï boona jaa ix makïdï maiti ïr kunadï tomarhi oñigadï dai ïgamutïrïga ïgai ïpï. Ix makïdï pomaaxi ibuayi bamioma namïga ïrhidi ixtumaxi biaka ïrhiada ïgai dai Diuxi gia mai namïga ïrhidi ïgai. Ix makïdï pomaaxi ibuayi xadïrï gïn aïna xi gïn tïanïdagi Diuxi dai Suxi Kristo. ¡Mai ïmadï darakamu ïgai tomarhi ïmo imidagai di! Gobai kïïga maatiga maaxi.

2 Korintios 7:10

Daiñi, xïïxkadï gïr aiyagi go soi ïrhiaragai ix makïdï Diuxi ipïrhidi xi taatagi aatïmï, xïïxkadï soi gïr ïrhiadagi aatïmï tïtïitoitai go soimaaxkami ix makïdï idui aatïmï tudu, gobai gïr soikïi sai ïma dukai gïr tïtïïgitoagi aatïmï. Gïr soikïi gobai tudu sai kïïgakïrï bubuakïna aatïmï go soimaaxkamiañdïrï dai xadïrï soi gïr ïrhidiña aatïmï ka kïïgakïrï bubuakïkai. Dïï gia xorai soi gï ïrhiadagi ix dukai soi gïn ïrhidiña go óídakami ix makïdï mai buaboitudai mai ïma dukai gïn tïtïïgitokatai tudu, aidï gia go soi ïrhiaragai maiti ibuayi soiñi dai bhaiyoma ïr mukigami dukai ibhïadï bïïtarï.

Lukas 18:23

Dai soi gï ïrhi go kïïrhi kaïkai ix kaiti go Suxi. Kïïga gï bidaka ïgai kaxkïdï.

Mataibo 19:22

Dai soi gïrhi go kïïrhi kaïkai ix kaiti go Suxi maigobai jii abhiadïrï. Kïïga gï bidakatadai ïgai tudu dai maiti ipïrhidi xi gamaakadagi buxtuidadï go soititigami bïïtarï.

Mataibo 13:22

—Dai go ïxtokai ix makïdï basoi sïïxidakami saagida surhi ïr ïpïan dukami go odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïiña. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama. Dai kaxkïdï ïgai bïïtarï ka maiti ibuayi soiñi go ñoki ïpï ix makïdï kaïkana ïgai—.

Markos 6:26

Baidi go Rey sïïrhikïdï soi gï ïrhi. Dïï mos kaxi gï baasa ïgai gï bapaida buitapi, kaxkïdï biakatadai ix maakiagi.

Mataibo 27:3

Dai aidïxi ka máí go Udaxi sai ka bhai duitadai ñoki go dudunukami sai mua agai go Suxi saidi soi gï ïrhi ïgai. Ïgai gatïïgitadai tudu. Soi gï ïrhi ïgai dai ïma dukai gï tïgito. Dai bhïkai ïgai go maitïki ix tukïdï gatïïgitadai ïgai Suxi dai mïï aa noraida agai go tïtïanïdamigadï go dadaxdadami ïmadï go gaa bhaitï gukakamigadï go judidiu. Ïmokobhai dan bhaibuxtama plata tuminxikatadai gobai.

Markos 10:21

Dai Suxi oigïda tïï go kïïrhi daidi potïtïdai, —Aidï gia mosïkaxi biïga pïxi gaagaragi gï buxtuidaga dai óídagi go tuminxi go soi titiigami pai gï biidakagi aapi aïkai Diuxi ïmadï tïbagiïrï. Poduñi aapi dai gokiïrï dibia dai gin oijada— itïtïdai Suxi.

Markos 10:23

Suxi aipako nïnïaba daidi potïtïdai mamaatïrdami, —Gia xijaiga gïn bipidakami bïïtarï urabakagi Diuxi aaduñdï xako Diuxi kïïgakïrï tïanïi dai nukadai— itïtïdai.