Lukas 9:8 - Northern Tepehuan Bible

⁸ Jaa pokaitiña saidi ïr go Elias dai sai ka dibiatadai ïpamu. Dai jaa pokaitiña saidi ïr ïmadutai go ïïki óídakami ix makïdï ñokiturhiña Diuxi dai sai gï duakatutadai ïpamu.

Tepehuan Northern: Diuusi ñiooquidʌ utuducami oodamicʌdʌ

⁸ Dai aa pocaititadai saidʌ ʌrʌEliiasicaru Diuusi ñiooquituldiadamigadʌ daidʌ maasitu. Dai aa pocaititadai saidʌ ʌrʌmoco ʌʌquidʌ Diuusi ñiooquituldiadamigadʌ dai duaaca.

Lukas 9:8 Referans Kwoze

VUAANA 1:21

Daidi ix makïdï Jerusalenañdïrï dada dai gatïkakaimi itïtïdai aidï, —¿Borai aapi aidï?— itïtïdai. ¿Aapi pïxi ïr go Eliaskaru?— itïtïdai. —Cho— itïtïdai Juan. —¿Aapi pïxi ïr go aagadami Diuxi ñokidï ix makïdï nïnïraka aatïmï judidiu?— itïtïdai go gaa. —Cho— itïtïdai Juan. —Aanï maiti ïr ïgai— itïtïdai.

Lukas 9:19

Dai mamaatïrdamigadï potïtïdai, —Jaa pokaiti pïsaidi ïr go Juan ix makïdï bapakonaiña odami, dai jaa pokaiti pïsaidi ïr go Elias, dai jaa pokaiti pïsaidi ïr ïmo ñokituldiadamigadï Diuxi dai sai mutadai aapi ïïki dai xibi ka duaka ïpamu— itïtïdai.

Markos 8:28

Tai go mamaatïrdami potïtïdai, —Ïïmoko pokaiti pïsaidi ïr go Juan ix makïdï bapakonaiña odami dai jaa pokaiti pïsaidi ïr Eliaskaru, dai jaa pokaiti pïsaidi ïr ïmo ñokituldiadamigadï Diuxi— itïtïdai.

Markos 6:15

Dai jaa ikaitiña, —Elias ïrhi aanï ïgai ix makïdï maaxi aagaiña Diuxi ñokidï— ikaitiña. Dai jaa ikaiti, —Ïmo aagadami Diuxiañdïrï ñoki ïgai ïpïan dukami ix makïdï oidakana ïïki— ikaiti ïïmoko.

Mataibo 17:10

Daidi go baika mamaatïrdamigadï ix makïdï oiditadai potïtïdai go Suxi, —Kïïga maatï aatïmï sai aapi Suxi ïr go otosadï Diuxi ix makïdï nïnïrakatadai aatïmï judidiu ïïki abhiadïrï. Dïï gia pokaitiña go tïtïïgiadami sïïrhikami sai gï agaitadai xi dibiagi go Elias ïpïgioma xi aapi. ¿Ix tuixi pokaiti ïgai?— itïtïdai.

Mataibo 16:14

Dai mamaatïrdamigadï potïtïdai, —Ïïmoko pokaitiña pïsaidi ïr go Juankaru ix makïdï bapakonaiña odami dai jaa pokaiti pïsaidi ïr go Eliaskaru, dai jaa pokaiti pïsaidi ïr go Jeremiaskaru xiïpï ïmai ñokituldiadamigadï Diuxi— itïtïdai.