Lukas 9:45 - Northern Tepehuan Bible

⁴⁵ Dai go mamaatïrdami ïmo xijiakami ñoki dukai kaï ixtumaxi aagidi Suxi dai mai máí ix tïiya ïrhidi. Mai maakiarxikatadai ïgai oigaragai ix maatï kaïkagi kaxkïdï. Dai duduadikoi ïgai xi tïkakagi go Suxi ix tïiya ïrhidi gobai potïkai ïgai sai gï agai xi gï tïgituldagi.

Tepehuan Northern: Diuusi ñiooquidʌ utuducami oodamicʌdʌ

⁴⁵ Dʌmos ʌmamaatʌrdamigadʌ maimaatʌ caʌcatadai istumaasi aagidi ʌgai, maimaaquiarsicatadai ʌgai oigaragai ismaatʌ cajiagi cascʌdʌ, dai ʌgai duduaadicuitadai isaagidagi sai cʌʌga aagidana isducatai maatʌ cajiagi ʌgai istumaasi aagaitadai ʌgai.

Lukas 9:45 Referans Kwoze

Lukas 18:34

Dïï gia go mamaatïrdami mai maatï kaï. Ïgai bïïtarï mai maatigian kaiti go aatagi aagaitai ïgai ixtumaxi daibuña agai amïï Jerusalenïrï. Mai máí ïgai ix tïiya ïrhidi.

VUAANA 12:16

Dai podukai baa go Suxi Jerusalenïrï ix dukai ojixikatadai ïïki. Dïï go mamaatïrdamigadï mai máí ix ka poduitadai ïgai ix dukatai ojixikatadai. Mai máí ïgai asta gokiïrï aidïxi gï maaxitu Suxi xïïxi ïr gïdukami gï duakatudakai ïgai. Aidï gia gïn tïgito ïgai go ojai dai gïn tïgito ix rey dukai miadïgi ïgai go Suxi. Dai aidï gia máí ïgai ix Suxi iduitadai ixdukatai ojixikatadai.

Lukas 2:50

Dïï gia dïïdïdï mai maatï kaï ixtumaxi aagida ïrhiditadai Suxi.

Markos 9:32

Dai go mamaatïrdami mai maatï kaï aatagidï daidi gatïkaka ïrhidi dïï mos dodorhi bii ïgai duduadimukatai.

VUAANA 14:5

Dai go Tomás itïtïdai, —Gin Tïanïdamiga, ¡Tomarhi mai maatï aatïmï xako imi agai aapi! ¿Dukatai maatïkana aatïmï go boi?— itïtïdai.

VUAANA 12:34

Daidi go odami itïtïdai aidï, —Aidï gia maiti ïr Diuxi otosadï aapi ¿aba? Ka pokaiti aapi sai muki agai dai kïïga maatï aatïmï sai go ojaïrï ix makïdï gïr biturhi Diuxi ami aagai sai bïïxkïrï bïïtarï oidaka agai go Ga Tïanïdami ix makïdï kïïgakïrï odami busi agai. Kaxkïdï xadïrï ïr ïgaikana aapi. ¿Tuixidï pokaiti aapi sai aapi ïr ïgai, muki agaitai aapi? ¿Xorai gï aagai ïïgi aapi tudu?— itïtïdai go odami.

Markos 9:10

Kaxkïdï go ix makïdï oiditadai go Suxi mai aagidi tomarhi ïmadutai dïï mos ïïgi gïn tïkakaiña ïgai aipako ix tïiya ïrhidi Suxi potïkai ïgai ix duaka agai.

Mataibo 16:22

Daidi go Piduru ïkobai busaitu go Suxi dai potïtïdai, —Cho, xadïrï po gï duñagi aapi gin Tïanïdamiga. Xadïrï dagitona Diuxi sai pogïduna ix dukatai aagai aapi— itïtïdai.

Lukas 9:46

Daidi ïmo imidagai go mamaatïrdamigadï Suxi aipakoga gïn ñokiditadai aagaitai sa xorai ïgaiñdïrï bamioma gatïanïda agai.

Mataibo 17:22

Ïmo imidagai gïn ïmpagi Suxi ïmadï mamaatïrdamigadï Galileana darakatadai ïgai daidi Suxi potïtïdai aidï sai, —Aanï ïr Diuxi otosadï ix makïdï ïmo kïïrhi busai dai gin tïïgida agai ïmoko saidi gin bhïna gin buidïrï bïïtïkamiga

VUAANA 4:33

Daidi go mamaatïrdami ïïgi gïn tïkakaimi aipako daidi ikaitimi, —¿Ïmai ix tudu buapidi ix tuma ugia gobai?— ikaitimi.