Lukas 8:41 - Northern Tepehuan Bible

⁴¹ Dai ami dibia ïmo kïïrhi Jairo tïgidukami. Ïgai ïr ïmo gabhaitïkïakami kiupaigadïrï go judidiu ami. Dai totonakïdï kïkiba ïgai Suxi buidïrï dai daañimi sai imïna kiidïrï.

Tepehuan Northern: Diuusi ñiooquidʌ utuducami oodamicʌdʌ

⁴¹ Tai ami divia ʌmo cʌʌli Jairo tʌʌgiducami ʌgai ʌrtʌaanʌdamicatadai quiuupaigadʌrʌ judidíu dai gʌtootonacʌdʌ cʌquiva ʌSuusi vuidʌrʌ dai daañimi sai imʌʌna quiidiamu.

Lukas 8:41 Referans Kwoze

Hechos 18:8

Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

Hechos 13:15

Daidi go bhaitï gukakïdï ami kiupiïrï nïnïidi ojadï Moises dai aagidi odami ix kaiti gobai ïmadï ojadï jaa aagadami Diuxi ñokidï. Dai bhodïrï báí ïgai go Pabora ïmadï Bernabe daidi itïtïdai, —Gïr dadidakami aapimï, dai ix biakagi aapimï ïmo abïnakidaragai maaxi gïr aaduñi bïïtarï abïr aagada gobai dai abïnakiada gïr aaduñi— itïtïdai.

Lukas 13:14

Dïï gia go tïanïdami kiupaigadïrï judidiu ami dakatadai dai bhamu nïiditai sai go Suxi duaditadai go oki ibhïxtaragai tasïrï. Saapatokotadai aidïxi duadi ïgai tudu. Daidi go tïanïdami kiupiana potïtïdai go odami, —Aapimï odami, kïïga bia aatïmï oigaragai xi naadami tasai aatabuadagi dai ibhïxtaragai tasïrï gia cho. Gï agai tudu xi dadiagi aapimï dai gïn duduadadagi ïmai tasïrï mai xu xi ibhïxtaragai tasïrï— itïtïdai.

Lukas 8:49

Dai kia aatagaitadai Suxi go oki ïmadï mai kia aïkai ïgai kiidïrï go Jairo xako kaatï maradï kokokatai. Kia aatagaitadai ïgai tudu bai ami ayi ïmo kïïrhi imïdami kiiyañdïrï go Jairo. Dai ami buidïrï ayi ïgai Suxi ïmadï Jairo dai potïtïdai ïgai go Jairo, —Ka ugidagai gï maara— itïtïdai. —Ka maiti gï agai xi soi buadagi go Mamaatïtuldiadami— itïtïdai.

Apokalipsis 5:8

Dai bhïkai ïgai go libro bai go maakoba duduakakami ixtumaxi ïmadï go ïmokobhai dan maakoba bhaitï gukakami bïïxkatai buidïrï kuiki xadutudaitai. Bïïxkatai daagïka ibakarui harpa tïgidukami ixtukïdï ibadagi. Dai daagïi oro ajasokorhi ïpï susudakami kubhimadarhi xigian ubadami ix makïdï ajïi Diuxi buitapi ïpïan dukai xi buaboitudadami daanïdaradï ajïi Diuxi buitapi ïpï. Podukai go kubhimadarhi ïr ïpïan dukami go daañigai ix makïdï aïjïiña Diuxi.

Hechos 18:17

Bhodïrï bhakoi bïïxi óídakami ami dai bhïiyi ïgai go judidiu kiupaigadïrï bhaitï kïakami. Sóstenes tïgidukana go bhaitï kïakami ïgai, dai go óídakami bhïkai dai anaaxi dunukami buitapi gïikakarai. Daidi go dunukami Galión mos nïidi dai mai buamï ïrhidi.

Hechos 9:38

Dai ami Jopañdïrï miadïga Lidiamu xako dakatadai Piduru aidï. Dai go buaboitudadami máí ix ami dakatadai Piduru dai otoi goka kïkïïrhi sai mïï aagidana go Piduru sai otoma dibiana.

Lukas 5:8

Daidi go Ximuñi Piduru ïmadï bïïxkatai ix makïdï ïmadï darakatadai duduadimu. Mai tïtïgaitadai ïgai ixtumaxi gïn tïtïgitoagi nïiditai xïï kïï mui bui ïgai batopa. Dai go Ximuñi totonakïdï kïkiba buidïrï Suxi daidi potïtïdai, —Gin Tïanïdamiga, gin oigïdañi dïï maiti gï agai xi tami gin ïmadï dakagi aapi. Imimudai aapi bhaiyoma tabhaidïrï. Arhiïxi ïr soimaaxi ibuadami aanï di— itïtïdai.

VUAANA 11:21

Dai go Maruta itïtïdai go Suxi mïï buidïrï aïkai, —Aapi Gïr Nukadakami, ix tanai dakamudai aapi baasïkioma aidï gia mai mukimudai gin xiixi.

Lukas 8:42

Karhioga mutadai maradï kaxkïdï. Dai ïmadugatadai maradï go kïïrhi ïmo arhi oki parï bhaibuxtama dan goka umigi biakami. Dai Suxi oi go kïïrhi dai jaa mui odami oi ïpï dai asta gïixakami iimïi ïgai mos ïï muidukatai.