Lukas 7:34 - Northern Tepehuan Bible

³⁴ —Dai Aanï Ix Makïdï Kïïrhi Busai gia kïïga kuadana dai yïïdana. Dai nïidiña aapimï ixtumaxi ibuadana aanï dai soi dukai gin nïidiña ïpï. Pokaitiña aapimï sai aanï bhaibitukami kuadana dai sai iitoraga aanï dai sai urapïkïiña aanï naana maaxi soimaaxi ibuadami. Sai asta urapïkïiña aanï taanïdami kuota. Po kaitiña aapimï soi dukai gin nïiditai tudu.

Tepehuan Northern: Diuusi ñiooquidʌ utuducami oodamicʌdʌ

³⁴ Dai diviacai aanʌ ismaacʌdʌ viaa ʌmo sʌʌlicami dai gacueeyi dai gayʌʌyi mai pocaiti ansaidʌ ʌrtuu naacʌdami daidʌ ʌriitʌracami, dai ansaidʌ ʌraduñdʌ tumiñsi vuudami dai ʌmaicʌʌga ivuaadami.

Lukas 7:34 Referans Kwoze

Lukas 15:2

Dai kaxkïdï soi kaitiña bïïxi go fariseos ïmadï tïtïgiadami sïïrhikami dai ñokaiña ïgai Suxi bui daidi ikaitiña, —Daiñi, go Suxi mai kïïga ibuayi. Uurapïkïi gobai soimaaxi ibuadami di— ikaitiña.

VUAANA 12:2

Dai ami Betaniïrï pogïdui ïmo kuadagai Suxi bïïtarï. Bai Maruta ïgai ix makïdï gabhii bai mesa buidïrï daiba ïpï go Lasaro.

Lukas 19:7

Daidi tïïgakai go odami sai go Suxi gï urhiñda agai kiidïrï go Zakeo sai bïïxkatai ïgai soi kaitimi daidi ikaiti, —Daiñi, ïmo soimaaxi ibuadami kiidïrï gï urhi gobai. Maiti gï agai xi pobuada Suxi. Go Zakeo ïr ïmo taanïdami kuota di— ikaitimi mai bhai gïn ïrhiditai ïgai Suxi bui.

Lukas 14:1

Ïmo imidagai jii go Suxi kiidïrï ïmo bhaitï kïakamigadï go fariseos dai ïmadï gaugi agai. Dai ix makïdï ami darakatadai kïïga nukadatadai go Suxi as tuma duna. Gaagaitadai ïgai ixtukïdï gïpiïrï bupadagi kaxkïdï.

Lukas 7:36

Daidi ïmadutai go fariseos báí go Suxi sai kiidïrï gaugana ïmadï jaa bapaidarxikami. Dai go Suxi jii kiidïrï go fariseo dai ami ïmo arhi mesa buidïrï gai daiban dui dai gakuayi.

Lukas 5:29

Daidi gokiïrï Lebi idui kiidïrï ïmo gïdukami kuadagai Suxi bïïtarï dai báí kïïga mui odami. Dai ami dada mui taanïdami kuota ïmadï jaa óídakami ïpï dai ïmadï gakuadatadai ïgai go Suxi.

Mataibo 9:11

Dai ami darakatadai ïïmoko ïpï ix makïdï ïr gatïtïïgiadami sïïrhikami daidi ïr fariseos. Dai nïiditai ïgai sai Suxi ïmadï gakuayi soimaaxi ibuadami sai potïtïdai ïgai go mamaatïrdamigadï Suxi, —¿Tuixidï urapïkïi gïn amu galtutiakami odami dai asta gakuayi ïgai ïmadï?— itïtïdai ïgai.

VUAANA 2:2

Dai Suxi ïmadï go bhaibuxtama dan goka mamaatïrdamigadï bapaidarxikatadai dai iji ïpï.

Lukas 11:37

Daidi natokai Suxi go aatagi sai ïmo fariseo báí kiidïrï sai ugana ïgai ïmadï. Dai jii go Suxi dai mesa buidïrï daiba.

Mataibo 5:46

—Gin aaduñi, ¿Ix oigïdadagi aapimï mosïkaxi go óídakami ix makïdï kïïga gïn oigïdai bhai ix buimu aapimï ïmo maitïki podukai ibuadatai? Xadïrï. Daiñi, go taanïdami kuota kabami ïr soimaaxi ibuadami dai asta ïgai oigïdai aaduñdï ix makïdï aadïrï oigïdai tudu. Dai aanï aagai sai aapimï gï agai sai oigïdada asta gïn buidïrï bïïtïkamiga— itïtïdai.

Mataibo 11:19

—Dai aanï ix makïdï ïr otosadï Diuxi dai ïmo kïïrhi busai gia kïïga gakuadana dai gayïdana. Dai nïidiña aapimï ixtumaxi ibuadana aanï dai soi dukai gin nïidiña ïpï. Pokaitiña aapimï sai aanï bhaibitukami gakuadana dai sai iitoraga aanï dai sai urapïkïiña aanï naana maaxi soimaaxi ibuadami. Saidi asta urapïkïiña aanï taanïdami kuota tudu. Po kaitiña aapimï soi dukai gin nïiditai. Dïï gia tomaxi soi dukai gïr nïidi aapimï aanï ïmadï Juan bïïxkïrï kïïga ïr soiñi gïr tïgibudaga. Xorai oijadagi gïr tïgibudaga kïïga maaxitudamu saidi ïr soiñi gobai tudu— itïtïdai Suxi go odami.

Lukas 7:33

—Daiñi— itïtïdai. —Go Juan dibia dai mai kuadana kuadagai ix makïdï kuayiña jaa. Ïma maaxi kuadana ïgai. Dai maiti yïïyiña ïgai idagai nabaamudakami ïpï. Dai nïidiña aapimï ixtumaxi ibuadana ïgai dai pokaitiña aapimï sai bia ïmo diabora tïañikarudï— itïtïdai.

Lukas 7:35

Daiñi go Juan mai yïïdana bino toma lïïchi dai soi dukai nïidiña aapimï. Dai aanï gia yïïyi dïï bïïxkïrï soi dukai gin nïidi aapimï ïpï. Dïï tomaxi soi dukai gïr nïijadagi aapimï bïïxkïrï kïïga ïr soiñi gïr tïgibudaga. Dai xorai oijadagi gïr tïgibudaga kïïga maaxitudamu ïpï sai gïr tïgibudaga kïïga ïr soiñi— itïtïdai Suxi go odami.