Lukas 6:44 - Northern Tepehuan Bible

⁴⁴ Bïïxi uxi gï maatï ibhiadïrï tudu. Dukami, maiti gï yoobai igoxi xiïpï uba uparaiñdïrï di.

Tepehuan Northern: Diuusi ñiooquidʌ utuducami oodamicʌdʌ

⁴⁴ Vʌʌsi uusi gʌmaatʌ iibiadʌrʌ. Maitavʌyoovai iigosi tomali uuvasi uupariaiñdʌrʌ.

Lukas 6:44 Referans Kwoze

Santiago 3:12

Dai podukai ïpï, ¿Bhai ix ïmo igoxi dïïdï ibhiatana olibo? ¿Dai ïmo uba dïïdï ix bhai ibhiatana igoxi? Xadïrï. Dai xako busanïdagi sudagi ix makïdï mai kïïgadu iiyagi bïïtarï xadïrï ami busaiña sudagi kïïgadukami ïpï. Dai pomaaxi gïr ñoki ïpï. Maiti gï agai sai gïr ñoki saagida busiagi toma lachi soimaaxkami tudu.

Mataibo 12:33

—Daiñi— itïtïdai. —Bïïxi uxi gï maatï ix bhai kïïgadu nïiditai ibhiadï— itïtïdai Suxi. —Ix kïïgadukagi ïmo uxi kïïgadukami ibhiatai ïpï tudu. Dïï gia ix mai kïïgadukagi gobai mai kïïgadukami ibhiatai ïpï.

Udaxi 1:12

Go tïtïïgiadami yaatagi ïgai ïr ïmo xaïraragai gïn bïïtarï gïn saagida darakatai ïgai xïïxkadï ibuadagi aapimï ïmo urabaragai kuadagaikïdï. Ïpïan dukami gobai xïïxkadï gïr yukuxi sarabidikagi tukuragai. Xaïraraga gobai tudu. Go kïkïïrhi ïgai bhaibitukami gakuadana gïn urabaragïrï tudu dai mai buamï gïn ïrhidi ïgai ix gïn tïgitokagi ix tuma bïïtarï go urabaragai. Mosïkaxi ïïgi bïïtarï buamï ïrhidi ïgai tudu. Maiti ibuayi ïgai soiñi jaa bïïtarï tudu. Ïpïan dukamikana ïgai iikomai ix makïdï bhïï aimïrai ïbïrhi dai mai dukitudai oidigi. Dai ïpïan dukami ïgai uxi ix makïdï ka bainkumi dai mai taataka dai mai ibhiatai ka gakixakai gobai ïpï. ¿Tumaxi ïr soiñikana ïgai tudu?

Mataibo 7:16

—Kïïga maatïkamu aapimï xorai go bupuirumadami óídakami nïiditai ix tumaxi buayi ïgai. Daiñi, go naana maaxi sïïxidakami uxi ix makïdï oidaga oidigana gobai mai ibhiatai uba xiïpï igoxi ¿aba?

Mataibo 7:20

Pomaaxi gobai, kïïga gï maatï ix bhai kïïgadu ïmo uxi nïiditai ibhiadï dai podukai ïpï gï maatï ïmo tïtïgiadami ñoki ix bhai kïïgadu ïpï nïiditai bïïxi ixtumaxi buayi ïgai ix bhai kïïgadu— itïtïdai.