Lukas 6:37 - Northern Tepehuan Bible

³⁷ Daidi Suxi oi aatagidï dai potïtïdai go odami, —Maiti abïr dudunukami duu gïn ïrhiada ïïgi aapimï aagaitai xorai kïï ibuayi dai xorai mai kïï ibuayi. Dai abïr mai aagada xorai ajïga ïmo gïgïbidaragai ïpï. Ix mai pobuadagi aapimï aidï gia Diuxi mai po kaitidamu ïpï sai mai kïïga buayi aapimï. Dai maiti pokaitadamu ïgai ïpï saidi gïn ajïga gïgïbidaragai. Ix oigïldada aapimï jaa xïïxkadï soi gïn buidadagi ïgai aidï gia Diuxi gïn oigïldadamu ixtumaxi idui aapimï Diuxi bui ïpï— itïtïdai.

Tepehuan Northern: Diuusi ñiooquidʌ utuducami oodamicʌdʌ

³⁷ Maitavʌr pocaitiada: “Dañi tʌʌ soimaasi idui ʌgai”, mʌsimaipovʌntʌtʌadamu aapimʌ ʌʌpʌ. Maitavʌr pocaitiada siʌrgʌpiʌr caatʌcami ʌgai mʌsimaipovʌntʌtʌadamu aapimʌ ʌʌpʌ. Oigʌldiadavurai aa mʌsaapimʌ gʌnoigʌldiadamu ʌʌpʌ.

Lukas 6:37 Referans Kwoze

Efesios 4:32

Daiñi, Suxi Kristo bhai dui gïr bïïtarï kaxkïdï Diuxi soi gï ïrhidi gïr nïiditai dai gïr oigïrhi. Xibi aapimï abïr kïï tutiaka jaa bïïtarï ïpï daidi abïr soi gïn ïrhiada nïiditai. Daidi abïr oigïrhiada ïpï ïpïan dukai xi Diuxi gïr oigïrhi.

Santiago 5:9

Gin aaduñi, maiti abïr naana kaï nïijada gïn aaduñi Diuxi amadïrï. Ix pobuadagi aapimï aidï gia Diuxi aagada agai sai mai kïïga ibuayi aapimï. Gïn nukadabïrai tudu tadu gïn ayi gïgïbidaragai. Karhioga ayi ix tuigako gïgïbitulda agai Diuxi xorai mai kïïga ibuadagi tudu.

Markos 11:25

Xudu aataga agadagi aapimï ïmadï Diuxi dai gïn tïgitoagi xi ïmadutai soi gïn buididi abïr oigïlda tomax tuma soi gïn buididi ïgai. Aidï gia kïïgadu ix aatagada aapimï ïmadï Diuxi.

Kolosenses 3:13

Dai kïïga abïr gïn kabakada xïïxkadï soi gïn buidadagi ïgai daidi abïr oigïldada. Gï agai xi oigïldagi aapimï ix makïdï soi gïn buidadagi ïpïan dukai ix dui Suxi Kristo aidïxi gïn oigïrhi gïn soimaaxkamiga tudu.

Mataibo 5:7

—Dai aapimï ix makïdï soi ïlda nïijadagi jaa dai oigïrhiadagi xïïxkadï mai kïïga gïn buidadagi ïgai, aapimï ïpï kïïga bia ïmo bhai ïrhiaragai. Diuxi soi ïlda gïn nïijadamu tudu dai gïn oigïldada agai ïpï kaxkïdï— itïtïdai.

Mataibo 18:30

Dïï go pioñi galtuigakïdï maiti ipïrhi dai bhaiyoma gatïjai maixaragai asta xïïxkadï bïïxi aa namïidagi ïgai.

Lukas 6:36

Soi ïldatai abïr nïida óídakami tudu. Kaxkïdï tudu Diuxi Gïr Oga soi ïlda gïr nïidiña bïïxkatai aatïmï ïpï— itïtïdai.

Lukas 23:16

Kaxkïdï aagidamu aanï go sandadaru sai gïgïna ikixanaikïdï dai bhodïrï dagitomu aanï— itïtïdai.

Hechos 3:13

Cho, bhaiyoma Suxi gubukadadïkïdï duayi gobai— ikaiti. —Daiñi, gïr aaduñi ïïki buaboitudaiña Diuxi, go Abraam dai Isaak dai Jakobo tudu. Dai xibi Diuxi gïr tïïgi ix xïïxi ïr gubuakami Suxi gï maara. Dai aapimï tïïgi go Suxi go gïï dunukami Pilato. Dai tomaxi Pilato ka dagito agaitadai go Suxi xi imiagi aapimï mos apia gïpiïrï buapaimitadai.

Santiago 2:13

Diuxi aagada agai ix bhai kïïga idui aatïmï tudu. Dai gïn maakimu ïgai gïgïbidaragai ix mai soi ïlda nïijadagi aapimï jaa dai mai oigïldagi aapimï. Dïï gia ix soi ïlda nïijadagi aapimï jaa dai oigïldagi aapimï aidï gia mai biakamu aapimï ixtukïdï duduadikudagi xïïxkadï aagagi Diuxi ix bhai kïïga dui aapimï. Soi ïlda gïn nïijadamu ïgai aapimï ïpï tudu dai gïn oigïldamu.