Lukas 24:47 - Northern Tepehuan Bible47 Dai oja ïgai ïpï sai Diuxi otosadï Rey maaki agai gubukarhigai mamaatïrdamigadï sai aituldana ïgai idi ñoki bïïxi óídakami. Gï agai xi bïïxi óídakami maatïkagi sai bia xi ïma dukai gïn tïtïgitoagi sai oigïrhi biïna soimaaxkamigadï. Gï aagai xi gï aituldagi ñoki go óídakami Jerusalenïrï ïpïgioma dai gokiïrï bïïxi go gaa óídakami oidigi daama. Gade chapit laTepehuan Northern: Diuusi ñiooquidʌ utuducami oodamicʌdʌ47 Dai gomaasi ismaacʌdʌ soimaa taata aanʌ gʌaagai mʌsaagidagi vʌʌsi oidigi daama oidacami Jerusaleenaiñdʌrʌ abiaadʌrʌ gʌnaagacai dai sai gʌaagai isʌma duucai gʌntʌtʌgituagi dai camaisoimaasi ivuaadagi vai poduucai oigʌldica ʌgai vʌʌsi soimaascamigadʌ. Gade chapit la |
Lukas 24:47
52 Referans Kwoze
Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.
Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.
Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.
Bhodïrï Gïr Nukadakami itïtïdai, —Aanï soiñamu xorai kïï gï buidadagi dïï daitudamu aanï soi ïrhiaragai abhana xorai mai kïï gï buidadagi. Dai xorai gï buidïrï surhigiagi aanï aadïrï daitudamu soi ïrhiaragai buidïrï ïpï. Dai aapikïdï urhiñamu aanï soiñi bïïxi oidigi dama oidakami bïïtarï— itïtïdai Gïr Nukadakami go Abram.
Daiñi, tomaxi aanï ïr ïmo buaboitudadami bamioma mai namïakïdï, bïïxkïrï Diuxi gin maakai idi gïdukami bhai ïrhiaragai. Gin maa ïgai xi aagidagi aanï go ix makïdï maiti ïr judidiu xïï kïï tuiga Suxi Kristo gïr bïïtarï bïïnakai aatïmï ïgai. Odami tïgibudadï mai ajïi ix maatiagi xïïxi ïr namïakami Suxi Kristo gïr bïïtarï tudu.
Daidi aipako aatagidi aanï óídakami. Ïpïgioma jii aanï Damaskamu dai abhiadïrï Jerusalenamu dai bïïxi aipako aatagidi aanï go judidiu xako Judea tïgidu oidigi. Dai podukai ïpï aagidiña aanï go ix makïdï maiti ïr judidiu ïpï sai gï aagai xi ïma dukai gïn tïtïgitoagi dai oijadagi Diuxi. Dai sai kïï bhai maaxkami dukai óídakaiña bai podukai maaxitudaiña ïgai xi gia ïr buaboi xi ka ïma dukai gïn tïtïgito ïgai.
Dai bhodïrï aagai Suxi ïmo ñoki aagaitai go Jerusalen daidi ikaiti, —Aapimï Jerusalenïrï óídakïdï, soi gin ïrhidi aanï aapimïkïdï. Aapimï tudu ix makïdï maiñana ñiñokituldiadamigadï Diuxi dai kodaiña. Ka muiyoko ipïrhidiña aanï xi gïn ïmpaidagi dai gïn nukadakagi ïpïan dukai xi ïmo takuku nukadakana maamaradï aanadï uta. Podukai gïn nukada ïrhidiña aanï dïï aapimï maiti ipïrhi.
—Kaxkïdï gï agai sai maatïkagi aapimï ix tïiya ïrhidi Diuxi ñokidïrï xako ikaiti sai, —Aanï Diuxi ipïrhidi sai soi gïn ïrhiadagi odami jaa bïïtarï mai pokaxi aagai aanï go naana maaxi daxdaragai ix makïdï ibuayi odami gin bïïtarï— ikaiti Diuxi ñokidï. Gobai gï agai xi maatïkagi aapimï. Gï agai tudu xi maatïkagi aapimï sai aanï dibia mai xu bapaida iñagaitai odami sai gin urabana ix makïdï ïïgi kïï buañixikami gïn aagai iibhïadï. Bapaidimi aanï odami ix makïdï kïï maatï saidi ïr soimaaxi ibuadami tudu— itïtïdai.
Piblisite