Lukas 21:8 - Northern Tepehuan Bible

⁸ Dai Suxi potïtïdai, —Mui dadimu kia jaa ix makïdï pokaitadamu sai bia gin sïïrhikamiga. Pokaitadamu ïgai saidi ïr Diuxi otosadï gabhaitïkïakami tudu. Dïï aapimï gï agai xi gïn nukadakagi sai maiti gïn bupuirumadagi ïgai. Jaa pokaitadamu sai ka aijimi Diuxi otosadï ïpï dïï maiti abïr buaboitudada ïgai.

Tepehuan Northern: Diuusi ñiooquidʌ utuducami oodamicʌdʌ

⁸ Taidʌ ʌSuusi potʌtʌdai: ―Gʌntʌgitovʌr nʌijada, dai maitavʌr gʌndagito mʌsgʌnvupuiirumadadagi, dadiava agai muidutai giñtʌʌtʌaaragacʌdʌ dai pocaitiadamu ʌgai: “Aanʌ anʌrʌCristo”, dai “Casiat aayi istuigaco ugitia agai oidigi”. Dʌmos maitavʌr oidatucuda.

Lukas 21:8 Referans Kwoze

1 Juan 4:1

Gin aaduñi, mui odami aipakoga óídakami ikaitiña sai ïgai ïr ñiñokituldiadamigadï Diuxi dai yaatagïiña ïgai. Maiti gï agai sai buaboitudadagi aapimï tudu. Gï agai bhaiyoma sai kïïga gïn tïgito kaïkagi aapimï dai maatïkagi xorai tïgibudadïkïdï ñokai ïgai. Ix bhai Diuxi Ibhïadïkïdï ñokai ïgai xi ïmai tïgibudadïkïdï ïpï.

2 Tesalonicenses 2:3

Maiti gï agai ix gïn dagitoagi aapimï sai gïn bupuirumadagi jaa tudu. Daiñi, dibiagai Gïr Nukadakami dïï mos gokiïrioma kia. Ïpïgioma bhaitoma bïïxi óídakami bui surhigi agai Diuxi. Dai ïpïgioma dibiagai ïmo kïïrhi ïpï ix makïdï adaama ïr soimaaxi buadamika agai dai ix makïdï Diuxi maaki agai gïgïbituldaradï bïïxkïrï bïïtarï.

Efesios 5:6

Maiti abïr gïn dagito tudu xi gïn buirumadagi jaa potïkai ïgai sai maiti ïr soimaaxi gobai ix makïdï gïn aagidi aanï xibiki. Daiñi, Diuxi gïgïbitulda agai bïïxi ix makïdï pomaaxi buayi.

Mataibo 24:11

Dai oidaka agai mui yaatabogami aidï ix makïdï ñokituldiadamigadï Diuxi gïn aagadamu dai podukai bupuirumada agai ïgai mui óídakami— itïtïdai.

2 Timoteo 3:13

Dai xibi bhaitiakoga apia bamioma xigarhi bujidamu go galtutuigakami ix makïdï bupuirumada agai óídakami. Ïgai apia tïtïïgiadamu ñoki go jaa yaatagikïdï dai podukai bupuirumadamu ïgai mui. Dai go ix makïdï ïr bupuirumadami jaa ïïgi kuga iimimu kaïkatai aatagi ix makïdï maiti ïr buaboi ïpï. Dai podukai apia bamioma kuga iimimu ïgai.

2 Juan 1:7

Daiñi, xi gïn oigïdadagi aapimï aipakoga gobai gïn soiñamu sai mai oijadana aapimï go bupuirumadami ix makïdï aipakoga ajiopai oidigi daama. Muidu ïgai tudu. Pokaitiña ïgai sai mai ïmo odami dukai dibia Suxi Kristo tami oidigi daama. Yaatabogami ïgai tudu daidi ïr buidïrï bïïtïkami ïgai Suxi Kristo.

Lukas 17:23

Jaa pobai gïn tïdamu sai gïn tïïgida agai xako daja aanï ix makïdï ïr Diuxi otosadï. Pokaitadamu ïgai sai, —Tami daja— xiïpï —amïka daja— Dïï gia maiti abïr ïïgiada ïgai tomarhi abïr mai oijada.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Mataibo 4:17

Dai Kapernaumïrï oidatu Suxi aidï. Dai aidï abhiadïrï gï aaga ïgai aaduindadï dai gamamaakaitadai ïgai ñoki go óídakami. Potïtïdaiña ïgai sai, —Ka miadaimi ix gatïanïdagi Diuxi. Dai kaxkïdï gï agai mïxi ïma dukai gïn tïtïgitoagi maatïkatai saidi ïr soimaaxi ibuadami aapimï— itïtïdaiña

Apokalipsis 1:3

Dai otoma pomaaxi daibuña agai ixdukatai aagai idi libro xi kaxkïdï gï agai xi aagagi ix kaiti bïïxi go buaboitudadami buitapi sai ïgai kaïkana dai ïïgidiña. Dai Diuxi maakimu bhai ïrhiaragai xorai nïidagi ojadï idi libro dai aagagi ix kaiti dai Diuxi maakimu bhai ïrhiaragai xorai ïïgiadagi kaïkatai ïpï.

VUAANA 8:24

Kaxkïdï gïn aagidi aanï sai mos koimu aapimï kia gïpiïrï bïïtïkamikatai gïn soimaaxkamikïdï. Daiñi, kïïga gïn aagidi aanï xorai aanï dai ix mai buaboitudagi aapimï ix tumaxi gïn aagidi aanï aidï gia mos koimu aapimï kia gïpiïrï bïïtïkamikatai gïn soimaaxkamikïdï— itïtïdai Suxi.

VUAANA 5:43

Daiñi, aanï dibia biakatai ïmo sïïrhikami gin Ogañdïrï dïï mos aapimï bïïxkïrï maiti gin buaboituda ïrhidi. Dïï gia ix dibiagi ïmai kïïrhi ïïgi gubukadadïkïdï mai biakatai tomarhi ïmo sïïrhikami Diuxiañdïrï, ïgai gia buaboitudamu aapimï.

Mataibo 3:2

Dai potïtïdaiña ïgai go óídakami sai, —Ka miadaimi ix gatïanïdagi Diuxi. Kaxkïdï gï agai sai ïma dukai gïn tïtïgitoagi soimaaxi ibuadamikatai aapimï— itïtïdaiña.

Lukas 21:7

Dai go mamaatïrdamiga potïtïdai, —Gïr mamaatïtuldiadamiga, ¿Xïxkadï po gï duñimu gobai? ¿Dai dukatai maatïkamu aatïmï xïxkadï ka aijimi gobai?— itïtïdai.

Lukas 21:9

Daiñi, kajiomakamu aapimï sai mui iimïi kokodi dai go odami gïn bupui susurhigimu aipakoga dïï maiti abïr duduadikuda gokïdï. Gobai mai itïiya ïrhidi sai ka ayi xi xia gï duñagi bïïxi ixtumaxi nïidi aapimï kia— itïtïdai.

VUAANA 8:28

Kaxkïdï Suxi potïtïdai, —Daiñi, aanï ïr ix makïdï kïïgakïrï odami busai dai xïxkadï ïmo kuruxiana gin xixagi aapimï dai táí gin bañidagi aidï gia maatïmu aapimï sai aanï ïr Ga Tïanïdami. Maatïmu aapimï aidï sai aanï mai ïïgi ibuayi ixtumaxi gin tïtïitoi dai bhaiyoma ibuayi mosïkaxi ix tumaxi gin Oga gin aagidi— itïtïdai.

1 Korintios 6:9

Gï aagai ix kïï sïïrhi gïn tïgitokagi aapimï maatïkatai sai soimaaxi buadami mai biaka agai oigaragai ix Diuxi tïanïdagi. Daiñi, odami ix makïdï aipakoga boopoiña jaa ïmadï mai biaka agai oigaragai ix Diuxi tïanïdagi. Dai podukai ïpï ix makïdï buaboitudai uubixi, dai ix makïdï abhana boyiña oñigadï ïmai, dai ix makïdï ïïgi gïn ïmadï boopoiña kïkïïrhi dai oki ïpï,