Lukas 20:26 - Northern Tepehuan Bible

²⁶ Kïïga aa noraidi Suxi go kïkïïrhi ami go odami buitapi tudu dai ka maiti ixtui ïgai ix dukatai buirumadagi dai gïpiïrï daitudagi. Xi kaxkïdï ka mai tïtïgaitadai go kïkïïrhi ixtumaxi gïn tïtïgitoagi dai ka dodorhi bii.

Tepehuan Northern: Diuusi ñiooquidʌ utuducami oodamicʌdʌ

²⁶ Tai ʌgai maitistui issoimaasi ñiooquitudagi oodami vuitapi baiyoma maitʌʌ ʌgai isducatai gʌntʌtʌgituagi caʌcatai isducatai ñioocai ʌSuusi dai cascʌdʌ maiñioocacai vii.

Lukas 20:26 Referans Kwoze

Lukas 20:20

Dai go tïtïgiadami sïïrhikami ïmadï go dadaxdadami bhaitï gukakamigadï kïïga nukadatadai go Suxi gaagaitadai ixtukïdï gïpiïrï daitudagi. Ïxtotai aa namïki ïgai kïkïïrhi sai kïï tutiakami gïn buadagi ïgai dai mïï tïkakagi naana maaxi ixtumaxi go Suxi. Gaagaitadai ïgai ixtukïdï gïpiïrï buajagi go kaigiïrï tudu sai ïgai gamaixana.

Tito 1:10

Daiñi, mui oidaga odami ami Kretana ix makïdï ïr buidïrï bïïtïkami ix tumaxi ïr buaboi. Maiti ipïrhidi ïgai ix ïïgiadagi dudunukami dai bhaiyoma aatagaiña naana maaxi ix makïdï maiti ïr soiñi. Dai aatagidïkïdï buirumadai ïgai go jaa óídakami. Ix makïdï bamioma pobuayi ïr go buaboitudadami judidiu ami óídakami. Ïgai pokaitiña sai gï agai xi ïïgiadagi judidiu bituldaradï tudu.

Romanos 3:19

Dai kïïga maatï aatïmï sai Diuxi maa sïïrhikamigadï baidi kïïga ïïgiadagi xorai biakagi. Diuxi kabami gïgïbitulda agai bïïxi ix makïdï mai ïïgiadagi gobai dai ïgai mai biakamu ixtukïdï ñokadagi. Go sïïrhikamikïdï tudu gï maatï sai bïïxi oidigi daama óídakami ïr soimaaxi buadami.

Lukas 13:17

Dai aidïxi potïi Suxi, bïïxkatai ix makïdï bui bïïtïkatadai xia ïjïï. Dïï gia bïïxi go gaa odami bhai gïn ïrhiditadai nïiditai xïï xigiamaaxi aatabuayi Suxi.

Mataibo 22:34

Daidi go fariseos kaïkatadai xi gïn bupui ñokaitadai go Saduseos ïmadï Suxi dai tïgito nïidi saidi Suxi kïïga saitudakan dukai aa noraidi ñoki dai go Saduseos ka mos dodorhi bitadai. Ka mai tïtïgaitadai ïgai ix dukatai maitiagi go Suxi tudu. Daidi bhodïrï gïn ïmapagi chïki fariseos ami xako dakatadai Suxi.

Mataibo 22:22

Dai ix makïdï gïpiïrï buaja ïrhiditadai go Suxi ka mai tïï ixdukatai gïn tïtïgitoagi kaïkai aatagidï. Dai ka dagito dai maigobai iji.

Mataibo 22:12

Daidi go Rey potïtïdai go kïïrhi, —¿Aapi kïïrhi, dukatai baa aapi tami kunataragiana maiti gï aadatai go yukuxi ix makïdï gï agai tami bïïtarï?— itïtïdai. Dai go kïïrhi mai tïï ix tïdagi dai mai aa noraidi ñoki.

Mataibo 8:10

Dai kïïga bhai ïrhiarakïdï kaï Suxi go ñokidï go tïanïdami sandadaru. Daidi potïtïdai Suxi go óídakami ix makïdï oidi ami boiyana, —Kïïga ïr buaboi ixtumaxi gïn aagidamu aanï xibi— itïtïdai. —Aanï aagai sai mai tïtïgaiña aanï ïmai xorai ïpïan ïxi buaboitudagi idi tïanïdami sandadaru. Kïïga buaboitudai gobai tudu. Mai tïtïgaiña aanï ïmai xorai poïxi kïïga buaboitudadagi tomarhi gin aaduñi judidiu saagida ix makïdï tami Israelïrï óídaga tudu— itïtïdai.

Lukas 11:54

Nïida ïrhiditadai ïgai sa bhai mai aagana Suxi ixtumaxi go fariseos buaboidaradï bui. Gïpiïrï buaja ïrhiditai ïgai Suxi kaxkïdï.