Lukas 2:14 - Northern Tepehuan Bible

¹⁴ —Gï agai xi bïïxi Diuxi tïtïañikarudï mïï tïbagiïrï aagana xïïxi ïr gïdukami Diuxi. Dai gï agai xi kïïga ibhïxtakan taadakagi óídakami tami oidigi daama ïpï. Diuxi ka kïïga buididi ïgai xibi kaxkïdï— ikaiti Diuxi tïtïañikarudï.

Tepehuan Northern: Diuusi ñiooquidʌ utuducami oodamicʌdʌ

¹⁴ Mʌʌ tʌvaagiʌrʌ vʌʌsi Diuusi tʌtʌaañicarudʌ cʌʌga ñioocai Diuusi vui. Dai sivi tami oidigi daama Diuusi cʌʌgacʌrʌ nʌidi oodami. Cascʌdʌ sivi gia cacʌʌga gʌniibʌstacan taadacamu gooidacami. Ascaiti ʌDiuusi tʌtʌaañicarudʌ.

Lukas 2:14 Referans Kwoze

Romanos 5:1

Kïïga maatï aatïmï aidï sai Diuxi kïïgakïrï gïr nïidi buaboidaitai aatïmï. Suxi Kristo Gïr Nukadakami bhai dui gïr bïïtarï sai xioma uraba óídakana aatïmï Diuxi.

Lukas 19:38

Daidi adukai ikaitimi ïgai, —Ipïrhidi aatïmï sai kïïga biakana bhai ïrhiaragai idi gïr Reyga ix makïdï gïr dibiji xibi. Otosadï gobai Diuxi gïr Tïanïdmiga kaxkïdï. Dai xibi ka bhai duñimu gobai sai ka mai ïko darakagi aatïmï Diuxiañdïrï ix makïdï tïbagiana daka. Agia gï agai xi oidakagi gïdukami xadutudaragai Diuxi bïïtarï ami tïbagiana— ikaitadai go odami.

Kolosenses 1:20

Daiñi, ïki aidïxi soimaaxi idui go Adán, ïkobai bia ïgai bïïxi ixtumaxi oidaga Diuxiañdïrï. Dïï gia Diuxi bhai ïrhi sai Maradï ïpamu bhai duñagi ixdukatai bïïxi aïkatai dakagi Diuxi ïmadï ïpamu. Dai kaxkïdï Diuxi Maradï muu kuruxiana aaxtakai ïradï ami dai podukai bhai dui bïïtarï bïïxi ixtumaxi oidaga. Mai xudu xi ïr ixtumaxi tïbagiïrï xi ïr ixtumaxi tami oidigi daama ïpï. Bïïxi bïïtarï bhai dui ïgai sai ka mai ïkobai dakana Diuxiañdïrï.

Lukas 1:79

Daiñi, odami ix makïdï ïko daraka Diuxiañdïrï tukapi dukai óídaga. Duadikoitai ajiopai ïgai ïbhïiditai go mukigami tudu. Dïï gia aapi gïr Kïïgakïrï Bubiadamiga ïgai dai kudaidakan dukana óídakami bogïdï dai tïtïgidiña ixdukatai gïn ibhïxtakagi ïgai— ikaiti go Zakarias aagaitai ïmo Diuxiañdïrï ñoki maradï bïïtarï.

Apokalipsis 5:13

Dai kaï aanï bïïxi aïkatai ibhïkïdami ix makïdï óídaga toma xakoga ix ñokaitadai ïpï. Kaï aanï ix makïdï tïbagiana daraka dai ix makïdï oidigi daama daraja dai oidigi ïrana dai go gïgïrï sudagiïrï ïpï. Bïïxi ïgai kaï aanï ix kaitimitadai sai, —Gï agai xi bïïxkïrï bïïtarï xadutuada aatïmï gobai ix makïdï go gïï daikaruana daja dai ïmadï go Arhi Kañiru tïgidukïdï. Gï agai xi oigïda ñokada aatïmï dai aagagi xïïxi ïr gïgïrdukami ïgai. Dai gï agai xi adaama gatïanïda ïgai bïïxkïrï bïïtarï— ikaititadai bïïxkatai.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

VUAANA 17:4

—Gin Oga, ka naato idui aanï bïïxi go aaduindagai ix makïdï gin tïjai aapi dai ibuadatai go aaduindagai gamamaaxidi aanï go óídakami buitapi xïïxi ïr gïdukami aapi.

2 Tesalonicenses 2:16

Gïr susukurhi, gïn daanturhiña aatïmï sai gïn abïnakidiña Diuxi dai sai gupurtudana ïgai gïn buaboidaraga. Dai kïï gubuakatai gïn buaboidaraga aidï gia bïïxi ixtumaxi aagidagi aapimï jaa kïïga ibuadamu soiñi dai bïïxi ixtumaxi ibuadagi aapimï jaa bïïtarï kïïga ibuadamu soiñi ïpï. Suxi Kristo Gïr Nukadakami ïmadï Diuxi gïr Oga ïgai dai kïï tutuiga gïr bïïtarï tudu dai gïr oigïdai dai gïr maakai ibhïxtaragai ix makïdï mai ugiatïkïi dai gïr maakai ïmo nïnïraragai kïïgadukami ïpï.

Filipenses 2:11

dai biakamu xi aagadagi sai Suxi Kristo adaama ïr Tïanïdami. Podukai aagadamu ïgai bïïxi óídakami buitapi tudu dai podukai maaxitudamu ïgai xïïxi ïr gïdukami Diuxi gïr Oga.

Lukas 3:22

dai abhai tïbagiañdïrï tïbai Diuxi Ibhïadï ïmo tudu maaxi dai Suxi daama daiba. Dai Diuxi ñokidi go Suxi tïbagiañdïrï aidï dai potïtïdai, —Aapi Suxi ïr gin Maara dai kïïga gï oigïdai aanï. Aapi tudu ïr gin bhai ïrhiaraga— itïtïdai.

Mataibo 21:9

Mui óídakami bhaitï iimïitadai dai jaa mui oiditadai dai Suxi ïran ïxi imïitadai. Dai gïgïr iñakimi go óídakami bhai gïn ïrhiarakïdï daidi ikaitimi ïgai, Sïïrhikïdï gï agai sai oigïda ñokada óídakami gobai bïïtarï. Gobai ïr go Pipiixaradï go Dabidkaru ix makïdï nïnïrakatadai aatïmï ïïki abhiadïrï tudu. Ipïrhidi aatïmï sai Diuxi maakana bhai ïrhiaragai go otosadï ix makïdï bia ïmo sïïrhikami Diuxiamadïrï. Agia gï agai sai kïïga oigïda ñokada óídakami gobai bïïtarï, ikaitimi go odami.

Efesios 1:9

Daiñi, Diuxi gïr tïtïgidi tïgibudadï ix makïdï ïkioma ïxtokikana. Kaxi ïkiaxdïrï podukai gï tïgitokana ïgai xi Suxi Kristokïdï pobï gï duñagi ixtumaxi ïgai ipïrhidi tudu.

Efesios 1:6

Daiñi, Diuxi podukai dáí saidi aatïmï ïr maamaradïkana sai bhodïrï oigïda ñokadana aatïmï ïgai bïïtarï mos ïï kïïga tuigakatai ïgai gïr bïïtarï. Diuxi kïïgakïrï oigïdai Suxi Kristo ix makïdï ïr maradï Diuxi. Dai Suxi Kristokïdï gïr tïtïgidi Diuxi xïï kabami kïï tuiga ïgai gïr bïïtarï.

Filipenses 2:13

dai kïïga bhaigakamu aapimï xi pobuadagi. Kaxkïdï tudu Diuxi ïgai dai gïn maakai tïgibudagai saidi ipïldana aapimï xi ibuadagi ixtumaxi ïgai ipïrhidi dai gïn maakai ïgai gubukarhigai saidi ibuada aapimï ïpï.

Efesios 2:7

Tïbagiïrï gïr darai Diuxi bai podukai gïr tïtïgidana ïgai bïïxkïrï bïïtarï xïï kabami kïï tuiga ïgai gïr bïïtarï. Gïr tïtïgidamu ïgai naana maaxi ixtumaxi kïkïïgadukami ix makïdï ïgai bia gïr bïïtarï mos bïïna darakatai aatïmï Suxi Kristo.

Efesios 2:4

Dïï gia Diuxi kïïga gïr oigïdai dai soi gï ïrhi gïr nïiditai.

VUAANA 14:27

Dai Suxi oi go aatagi daidi potïtïdai go mamaatïrdamigadï, —Gin aaduñi, imimu aanï tabhiadïrï dïï gïn bidamu aanï ïmo ibhïxtaragai gïn ibhïdaga bïïtarï. Kaxkïdï maiti abïr buamï gïn ïrhiada imïkai aanï dai abïr mai duduadikuda ïpï. Go ibhïxtaragai ix makïdï gïn maakai aanï mai ïpïamaaxi ix makïdï gaagai odami oiditai ïïgi tïgibudadï.

VUAANA 3:16

—Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

Lukas 2:13

Mos sai naato ñokakai ïgai tai bhodïrï mui bamioma gïn maaxitu Diuxi tïtïañikarudï daidi itïtïdai ïgai go paxtuturu,

Lukas 2:15

Daidi bhodïrï nonora ïgai tïbagiamu baidi go paxtuturu ikaitimi, —Timïda mïï Belenamu dai nïida ix dukatai daibusai ix makïdï gïr aagidi Diuxi— ikaitimi.