Gin aaduñi, maiti abïr ïpïan tïtïïgitoda go gaa oidigi daama óídakami ix makïdï mai buaboitudai. Maiti abïr po gïn ïrhiada sai tïïgimu aapimï gïn bhai ïrhiaragai oiditai tïgibudadï ïgai tudu dai maiti abïr adaimuda ixtumaxi oidaga tami idi oidigi daama tudu. Daiñi, odami ix makïdï pobuadagi mai oigïdai Diuxi.
Lukas 18:23 - Northern Tepehuan Bible23 Dai soi gï ïrhi go kïïrhi kaïkai ix kaiti go Suxi. Kïïga gï bidaka ïgai kaxkïdï. Gade chapit laTepehuan Northern: Diuusi ñiooquidʌ utuducami oodamicʌdʌ23 Dai aidʌsi caʌ ʌcʌʌli imaasi, aliʌ soigʌʌli, aliʌsi ʌrgʌviidacamicatadai ʌgai cascʌdʌ. Gade chapit la |
Lukas 18:23
15 Referans Kwoze
Dai apia gamamaakai aatagi go Suxi daidi potïtïdai ïgai mamaatïrdamigadï, —Gin aaduñi, todian dukai ayimu xi gamaaxitudagi aanï xi ïr Tïanïdami aanï. Odami mai maatï dai mai nïnïraka xi po duñagi aanï dai todian dukai ayimu gobai bïïxi óídakami ïmo trampa dukai ix makïdï kukupai todian dukai. Gïn nukadabïrai aapimï tudu tadu mai nïnïasïrhiakagi aapimï tïtïitoitai iidagai dai buirudagai xiïpï kabami buamï gïn ïrhiditai gïn oidakaragakïdï tami idi oidigi daama. Maiti abïr gïn dagito tudu xi pomaaxiïrï gïn tïgito ajiopadagi aapimï xïïxkadï todian dukai gin maaxitudagi aanï xi ïr Tïanïdami aanï— itïtïdai.
Dai go ïxtokai ix makïdï basoi sïïxidakamiana surhi ïpïan dukami odami ix makïdï kaïkana Diuxi ñokidï dïï mos apia maaxi óídaga dai buaboidaradï mai kabakaturïi. Kabami buamï gïn ïrhidi ïgai gaagaitai tuminxi dai gaagaitai bhai ïrhiaradï ixtumaxiïrï oidaga tami idi oidigi daama dai kaxkïdï ka mai tïgito ajiopai ïgai Diuxi. Pomaaxi go ïxtokai ix makïdï mai kïïgadukami dïbïriïrï surhi tudu.
Kaxkïdï abïr dagitoda ixtumaxi ibuadana aapimï aidïxi oidiña aapimï gïn ïkidadï oidakaraga. Maiti abïr ïmadï bopoda tudu ix makïdï maiti ïr gïn aduñi dai maiti abïr tïtïgito ajiopada podukai ïpï. Maiti abïr ibuada ïrhiada buirudagai tudu. Dai maiti abïr koimudadï tutiaka. Tomaxorai ix makïdï koimudadï tutiakagi ïpïan dukamikana ix makïdï Diuxi dukai nïidi ixtumaxi ix makïdï maiti ïr Diuxi. Ïgai bamioma namïakami dukai nïidi ixtumaxi oidaga tami oidigi daama dai mai pokaxi namïakami dukai nïidi ïgai Diuxi.
Daiñi, aanï in bïïtarï gïïpi bamioma namïga sai urabaka aanï Suxi Kristo gin Tïanïdamiga dai bïïxi gobai ix tumaxi ibuadana aanï ïkioma ka mai namïga in bïïtarï. Ïmo boixibharu dukai nïidi aanï bïïxi gobai ix makïdï ibuadana aanï tudu. Bïïxi gobai ka dagito aanï tudu sai podukai biakana aanï urabaragai Suxi Kristo ïmadï
Ïïmo óídakami ïmadï boona jaa ix makïdï maiti ïr kunadï tomarhi oñigadï dai ïgamutïrïga ïgai ïpï. Ix makïdï pomaaxi ibuayi bamioma namïga ïrhidi ixtumaxi biaka ïrhiada ïgai dai Diuxi gia mai namïga ïrhidi ïgai. Ix makïdï pomaaxi ibuayi xadïrï gïn aïna xi gïn tïanïdagi Diuxi dai Suxi Kristo. ¡Mai ïmadï darakamu ïgai tomarhi ïmo imidagai di! Gobai kïïga maatiga maaxi.
Dïï gia go Zakeo kïkiba ami bïïxkatai buitapi daidi potïtïdai ïgai go Suxi, —Daiñi aapi gin Tïanïdamiga, maaki iñagai tajukami gin buxtuidaga go soititigami. Dai bïïxi go tuminxi ix makïdï gaïïxidiña aanï buirmadatai aanï odami, gobai aa noraidamu aanï ïpamu. Xibi aanï aagai sai maakobako bamioma aa noraidamu aanï ix makïdï gaïïxidi aanï— itïtïdai.
Daidi kaïkai go Suxi ix kaiti go kïïrhi saidi potïtïdai, —Kia biïga ïpï ïmo ixtumaxi xi iduña aapi— itïtïdai. —Kia gï biïga xi gaagaragi aapi gï buxtuidaga dai oidagi go tuminxi go soititigami— itïtïdai. —Aidï gia biakamu aapi naana maaxi ixtumaxi namïakami tïbagiana. Poduñi tudu dai gokiïrï gin uraba dai gin oijada— itïtïdai.
Piblisite