Lukas 16:14 - Northern Tepehuan Bible

¹⁴ Dai ami darakatadai chïki fariseo dai sïïrhikïdï ojoidi ïgai tuminxi xi kaxkïdï parunaitadai ïgai Suxi kaïkatai aatagidï.

Tepehuan Northern: Diuusi ñiooquidʌ utuducami oodamicʌdʌ

¹⁴ Ʌfariseo ismaacʌdʌ aliʌ oojoidi isʌmpaidiada mui tumiñsi caʌcai vʌʌsi imaasi ʌgai mosparunai ʌSuusi.

Lukas 16:14 Referans Kwoze

Lukas 23:35

Dai go odami mos guka ami nïiditai ixtuma po gï buimi. Dai asta go dudunukami parunaiña go Suxi daidi ikaitiña, —Gobai as kïïgakïrï bubaitu jaa dai pokaiti saidi ïr Diuxi dasadï Rey dai saidi ïr ïko busaidadï Diuxi. ¿Ix ïr buaboikamudai gobai aidï gia ix tuixi mai kïïgakïrï gï busaitu gobai ïïgi?— ikaitiña dudunukami gaparunaitai.

Lukas 20:47

Ïgai mai xaïraitai gaïxidiña kiikidї bipiudu dai tïtïbïdukami aagaiña daañigai Diuxi sai odami po gïn ïrhiada sai kïï tutuiga ïgai. Ïgai gia kïï bïtïkami biakamu gïgïbidaragai— itïtïdai Suxi.

Lukas 12:15

Daidi bhodïrï potïtïdai Suxi go gaa, —Gïn nukadabïrai dai mai koimudadï tutiaka tomarhi ïmo ixtumaxikïdï. Daiñi— itïtïdai. —Tomaxi kïïga gï bidakagi ïmo odami gobai mai itïiya ïrhidi sai kïïgakïrï oidaka agai— itïtïdai.

Hebreos 11:36

Go óídakami parunaiña jaa dai asta gïbaiña ikixanaikïdï dai bupuraiña kadenakïdï dai maamaixapaiña. Dïï bïïxkïrï apia buaboitudaiña ïgai.

2 Timoteo 3:2

Amaxi óídakami mai buamï gïn ïrhiadamu jaa bïïtarï ïïgi gïn bïïtarï tïgitokatai ïgai kaxkïdï. Maiti gï agai ix urapïkïda aapi odami ix makïdï po tutiakagi tudu. Ïgai go ïï tuminxi bïïtarï óídakamu aidï dai aipako ajiopadamu dai aagadamu xïïxi ïr gïgïrdukami. Gïgïrdukïdï gïn ïrhiadamu ïgai tudu dai asta parunadamu ïgai Diuxi. Mai ïïgiadamu ïgai ojogadï. Dai bhaitoma mai maatïkamu ixdukatai aagadagi ïmo Diuxi atanamïidaragai. Dai mai xadutuadamu ïgai Diuxi ïpï.

Lukas 8:53

Dïï go odami kïïga maatïkatadai xi ka mutadai go arhi oki dai aasïi ïgai potïkai go Suxi ix mos koso.

Mataibo 23:13

Dai bhodïrï maa ñoki Suxi go fariseos ïmadï go tïtïïgiadami sïïrhikami. Daidi potïtïdai ïgai, —Agia soimaaxi taatama agai aapimï fariseos dai tïtïïgiadami sïïrhikami. Kïï tutiakami dukai gïn dadasai aapimï dai mai kïï tutuiga— itïtïdai. —Ga tïtïïgidi aapimï aatagi ix makïdï maiti ïr buaboi tudu dai podukai sobhikïdan buayi aapimï óídakami ix biakagi oigaragai xi tïanïdagi Diuxi. Ïpïan dukami gobai xi kuupandagi aapimï kuuparagai sai mai bapakïdagi óídakami xako gatïanïi Diuxi. Mai bapakïi aapimï dai mai daadagitoi aapimï jaa xi bapakïdagi ïpï tudu.

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 9:24

Daidi Suxi potïtïdai, —Iimibïrai— itïtïdai. —Maiti ïr mukiadï go arhi oki. Mos koso gobai— itïtïdai. Bai go óídakami aasïi mai buaboidaitai.