Lukas 14:32 - Northern Tepehuan Bible

³² Dai ix mai maitïda antaadakagi ïgai aidï gia otosaiña ojotoxikami sai mïï buidïrï aïna go gïmai mïkaxdïrï imïitai ïgai kia sai bhai buadana ñoki ïgai ïmadï. ¿Mai ix pomaaxi gobai?

Tepehuan Northern: Diuusi ñiooquidʌ utuducami oodamicʌdʌ

³² Dai ismaitistuidiadan tadaca ʌgai ootosan tada ʌgai ojootosicami siʌʌscadʌ quiaa mʌʌcasdʌrʌ imʌdagi ʌgʌmai, sai baiduuna ñiooqui.

Lukas 14:32 Referans Kwoze

Hechos 12:20

Aidïpïrï go Rey Erodïxi bui bhamukatadai go Tiroana dai Sidonïrï óídakami. Go Erodïxi gïïpi tïanïitadai oidigi dai abhiadïrï kuadagaigadïañdïrï kuadana go Tiroana dai Sidonïrï óídakami, kaxkïdï bhai duña ïrhiditadai ïgai ïmadï go Rey. Dai aagidi ïgai ïmo kïïrhi Blasto tïgidukami ix makïdï ïr sonoïrï kïakamigadïkatadai go Rey bai ïgai buaboitu gïn ñoki dai gïn soi. Maa ïgai oigaragai xi go Tiroana dai Sidonïrï óídakami baan gukibagi buidïrï go Rey dai bhai duñagi ñoki sai ka mai bhaamukana ïgai.

Lukas 12:58

Dukami, xi buatuldakagi aapimï ïmai dai ïgai dudunukamiïrï gï baan kïsa ïrhiadagi gï agai xi ïpïgioma bhai duñagi ñoki ïgai ïmadï mai kia aïkai aapimï dudunukamiïrï. Tadu gï bhïiyi go dudunukami dai gï tïïgi go sandadaru bai ïgai gï maixagi.

Mataibo 5:25

Dai apia gamamaakai Suxi aatagi daidi potïtïdai ïgai mamaatïrdamigadï, —Daiñi, xi biakagi aapi gï buidïrï kaatïkamiga dai buatuldagi aapi, dai ïgai gï baan kïsa agadagi dunukami buidïrï, gï agai xi otoma bhai duñagi aapi ïgai ïmadï. Gï agai xi bhai duñagi aapi mai kia aïkai aapimï ami dunukamiïrï tudu. Ïma dukai go dunukami gï tïañi antaada maixaragai.

Mataibo 5:42

—Dai óídadabïrai xorai gïn tañiagi ixtumaxi. Dai tañubidabïrai xorai gïn tañiagi ïpï— itïtïdai Suxi.

Lukas 14:31

¿Mai ix pomaaxi ïpï xïxkadï ïmo dunukami bui kïkiba agadagi ïmai dunukami ïmo kokodiïrï? Ix biakagi ïgai bhaibuxtama mirhi sandadaru dai go gïmai biakagi ïmo kobhai mirhi bia ïgai xi kïï gï tïgitoagi sa bhai ixtutuidïna ïgai bui.

Lukas 14:33

Dai pomaaxi aapimïkïdï ïpï xi gin oijada ïrhiadagi aapimï gï agai xi gïn tïgitokagi aapimï sa bhai daasamu aapimï ixtumaxi gï aagadagi gin oiditai. Kaxkïdï tudu xorai mai bhai aagagi ix dagitoagi bïïxi ixtumaxi biakagi mai bhaiga xi ïr gin mamaatïrdamigakagi— itïtïdai.

Lukas 19:14

—Dïï gia go óídakami ami sïïrhikïdï kïïdaitadai go kïïrhi ix makïdï bhïiyi agaitadai go sïïrhikami. Maiti ipïrhiditadai ïgai xi ïgai ïr reygadïkagi tudu. Dai ka imïkai ïgai sai go óídakami otoi jaa sai mïï aituldana ñoki go gïmai rey mïkaxi dakïdï dai aagidi sai mai bhai aagai xi ïr reygadïkagi ïgai ix makïdï gamo bhïiyi agai go sïïrhikami—.