Lukas 11:2 - Northern Tepehuan Bible

² Daidi Suxi potïtïdai, —Xïïxkadï daanïdagi aapimï Diuxi bïrai adukai itïda, —Gïr Oga, gï daanïi aatïmï sai kïïgakïrï gï xadutuadagi odami dai sai aapi kïïgakïrï gatïanïdagi reykatai aapi.

Tepehuan Northern: Diuusi ñiooquidʌ utuducami oodamicʌdʌ

² Taidʌ ʌSuusi potʌtʌdai: ―Mʌsiʌʌscadʌ gamamadadagi vʌrai aduucai gamamadada: Gʌrooga aapi pʌsmaacʌdʌ tʌvaagiʌrʌ daja, aatʌmʌ ipʌlidi isʌoodami gʌsiaa duutuadagi, dai maatʌna isaapi maisoimaasi ivueeyi vai otoma aʌna istuigaco gatʌaanʌda agai aapi tami oidigi daama vaidʌ ʌpʌduuna pʌstumaasi aapi ipʌlidi tanai oidigi daama ʌpan duucai tʌvaagiʌrʌ.

Lukas 11:2 Referans Kwoze

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

Apokalipsis 20:4

Dai bhodïrï nïidi aanï gïgïrï daraikarui dai daama daraja ix makïdï ïr Suxi Kristo darasadï dudunukami. Dai tïï aanï ïpï xi duduakatu mui koidadï. Gobai ix makïdï tïï aanï ïr go ïpïgadï duakaragai agaikïdï. Dai aidïpïrï duduakatu koidadï ix makïdï gïn guikomatu kuxibodï aagaitai ïgai Suxi ñokidï dai Diuxi ñokidï. Duduaka ix makïdï mai xadutugi go kïixi dai tomarhi mai xadutugi ubixigadï dai maiti gïn dagito ix gïn tïpaltudagi kokobadïrï xiïpï ïïkadïrï. Ïgai tudu duduakatu ïpamu dai bhïiyi sïïrhikami dai gatïanïda agai Suxi Kristo ïmadï ïmo mirhi umigi.

Filipenses 4:20

Agia gï agai xi bïïxkïrï bïïtarï mai ugutai aagaiña aatïmï xïïxi ïr gïdukami Diuxi. Sai pogïduna gobai tudu.

Filipenses 1:2

Ipïrhidi aanï sai maatï taatana aapimï xïï kïï tutuiga Diuxi gïr Oga dai Suxi Kristo gïn bïïtarï dai sai gïn maakana ïgai ibhïxtaragai gïn ibhïdagïrï.

Efesios 1:2

Ipïrhidi aanï xi maatïkagi aapimï xïï kabami kïï tutuiga Diuxi Gïr Oga ïmadï Suxi Kristo Gïr Nukadakami dai xi ïgai gïn maakana sai kïïga gïn ibhïxtakan taadakagi aapimï.

2 Korintios 1:2

Ipïrhidi aatïmï sai taatana aapimï xïïxi kïïga tuiga Diuxi gïr Oga ïmadï Suxi Kristo Gïr Nukadakami dai sai gïn maakana ïgai ibhïxtaragai gïn iibhïdagïrï.

1 Korintios 1:3

Dai ipïrhidi aanï sai kïïga maatï taatana aapimï xïï kïï tutuiga Diuxi gïr Oga ïmadï Suxi Kristo gïr bïïtarï Gïr Nukadakamikatai ïgai. Dai ipïrhidi aanï ix kïïga gïn iibhïxtakan taadakagi aapimï.

Apokalipsis 19:6

Dai bhodïrï kaï aanï ïpï ïmo ñoki dai ïpïan kaiti xi xixiokadan kaitiadagi mui odami. Ïpïan kaititadai ïpï xïxkadï gïï mïradagi sudagi. Gïgïrï kobondan duu kaiti gobai ïpï. Daidi ikaiti gobai, —Gia gï agai sai aagadagi aatïmï sai ïr gïdukami gïr Diuxiga. Kïïga gatïanïi ïgai tudu Gïr Nukadakamikatai ïgai dai Adaama Gubuakïdïkatai— ikaiti.

Apokalipsis 11:15

Dai bhodïrï tïïtïkiïrï dukai tïï aanï xi iba go kugatïrï tïañikarudï Diuxi trompetagadï. Taidi gïgïrï ñiño ixtumaxi tïbagiana daidi ikaiti, —Xibi gia ka ayi xi tami oidigi daama gatïanïdagi Diuxi Gïr Nukadakami ïmadï Kristo ix makïdï ïr Diuxi dasadï rey. Xibi ka bhïiyi ïgai sïïrhikami xi tïanïdagi bïïxkïrï bïïtarï— ikaiti.

1Tesalonicenses 1:1

Bhaiga aapimï buaboitudadami ix makïdï gïn ïmpaidiña ami Tesalonikïrï. Aanï Pabora ïmadï go Silbano dai go Timoteo gïn otoxdi idi ojai. Gin susukurhi, kïïga maatï aatïmï sai aapimï buaboitudadami uraba daraka Diuxi gïr Oga ïmadï Suxi Kristo Gïr Nukadakami. Dai ipïrhidi aatïmï sai maatï taatana aapimï xïï kïï tuiga ïgai gïn buidïrï dai sai gïn maakana ïgai ibhïxtaragai gïn ibhïdagïrï.

2 Tesalonicenses 2:16

Gïr susukurhi, gïn daanturhiña aatïmï sai gïn abïnakidiña Diuxi dai sai gupurtudana ïgai gïn buaboidaraga. Dai kïï gubuakatai gïn buaboidaraga aidï gia bïïxi ixtumaxi aagidagi aapimï jaa kïïga ibuadamu soiñi dai bïïxi ixtumaxi ibuadagi aapimï jaa bïïtarï kïïga ibuadamu soiñi ïpï. Suxi Kristo Gïr Nukadakami ïmadï Diuxi gïr Oga ïgai dai kïï tutuiga gïr bïïtarï tudu dai gïr oigïdai dai gïr maakai ibhïxtaragai ix makïdï mai ugiatïkïi dai gïr maakai ïmo nïnïraragai kïïgadukami ïpï.

Romanos 8:15

Daiñi, Diuxi Ibhïadï ka ayi gïr ïrana. Dai ïgai maiti gïr maakai duadimudagai ix dukai biakana aatïmï ïkioma aidïxi mos ïr pipioñi dukamikana aatïmï. Xibi Diuxi Ibhïadï gïr maa sïïrhikami xi ïr Diuxi maamaradïkana aapimï. Kaxkïdï gïr oga aagai aatïmï Diuxi.

Mataibo 10:32

—Kïïga maatï aapimï sai Diuxi gïn nukadai tudu dai kaxkïdï gï agai sai mai duduadikuitai aagada aapimï óídakami buitapi sai gin urabaka aapimï. Ayimu ixtuigako aagada agai Diuxi gin Oga xorai biaka agai gïgïbidaragai dai xorai mai biaka agai tudu. Dai aidïpïrï aagidamu aanï gin Oga xorai ïgai daidi ïr gin aaduñi. Aagidamu aanï sai xorai maaxiko aagaiña saidi gin buaboitudai saidi ïgai ïr gin aaduñi tudu.

Mataibo 5:16

Ïmo kudakarui dukai aapimï tudu buitapi óídakami. Dai kaxkïdï aanï aagai sai gï agai sai kïïga maaxiko dukai óídakagi aapimï ibuadatai ixtumaxi ïr kïïga óídakami buitapi. Podukai go óídakami gïn tïgito nïijadamu ix dukatai óídaga aapimï. Dai maatï nïijadamu ïgai sai Diuxi gïr Oga ix makïdï tïbagiana daja ïgai dai gïn soikïi sai podukai óídakagi aapimï dai kïïga ñokadamu óídakami Diuxi bïïtarï nïiditai gobai— itïtïdai.

Mataibo 3:2

Dai potïtïdaiña ïgai go óídakami sai, —Ka miadaimi ix gatïanïdagi Diuxi. Kaxkïdï gï agai sai ïma dukai gïn tïtïgitoagi soimaaxi ibuadamikatai aapimï— itïtïdaiña.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Lukas 11:1

Ïmo imidagai sai no xibhïkai dakatadai Suxi dai gaatagataidai Diuxi ïmadï. Daidi naato aatagakai ïgai bai ïmadutai go mamaatïrdamigadï potïtïdai, —Aapi gïr mamaatïtuldiadamiga, go Juan maatïturhi mamaatïrdamigadï ix dukatai daanïdagi ïgai Diuxi dai aatïmï maatia rïrhidi ïpï. Gïr maatïtuldañi tudu ix dukatai daanïdagi aatïmï— itïtïdai.