Lukas 10:7 - Northern Tepehuan Bible

⁷ Dai xïxkadï aiyagi aapimï ïmo kiiyïrï dai gïn miadïgidagi ïgai abïr amaxi bii asta xïïxkadï ka iimïda agadagi abhai kiikiañdïrï. Maiti abïr mos kiikiïrï ajiopada tudu. Daidi mai xaïraitai abïr uga dai iiyagi ixtumaxi gïn oidadagi ïgai. Kaxkïdï tudu aapimï ïr aatabuadami dai go kuadagi ïr gïn maitïki. Ïmo aatabuadami gï agai xi gamaitïkïdagi tudu— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁷ Dai anaasi mʌsiaaco cʌʌga gʌnmiaadʌgidagi ʌgai vaa quiiyʌrʌ avʌr gʌnuuliña dai ugaavurai dai ii istumaasi viaacagi ʌgai, ʌmo piooñi viaa sʌʌlicami mʌsaa namʌquidagi. Dai maitavʌr mosquiiquiʌrʌ ajioopada.

Lukas 10:7 Referans Kwoze

2 Timoteo 2:6

Dai aapi gï agai ix bhïiyagi maitïki natokai gï aaduindaga. Gï agai xi ïpïamaaxkagi aapi ïmo gaïsadami ïpï. Ïmo gaïsadami ix makïdï kabami gaatadui gaïsaitai bamioma bia oigaragai xi buiyagi yoobaradï dai jaa mai bia oigaragai ix pokaxi buiyagi. Dai podukai ïpï aapi gï agai xi buiyagi maitïki gï aaduindagakïdï.

Galatas 6:6

Gaagadabïrai ixdukatai ibuadagi ixtumaxi ïr kïïga tudu. Dukami abïr oida soiñi xorai gïn tïtïgiadagi Diuxi ñokidï. Kïïga ïr sïïrhi podukai.

Lukas 9:4

Dai ka iimïkai aapimï tomax tuma kiiyïrï mïx xako gïn urhiñagi amaxi abïr gïn urhiña asta mïx xïxkadï bhïiyi aapimï gïn boi— itïtïdai.

Markos 6:10

Daidi Suxi potïtïdai ïgai, —Mïx xudu ajiagi no xibhïkai ïmo kiiyïrï abïr anaaxi gïn urhiñaka asta mïx xïïxkadï iimia agadagi abhai kiikiañdïrï— itïtïdai.

1 Tomoteo 5:13

Ka arhi paparutu antaada ïgai bhaiyoma gabuyitai soiñi go gaa buaboitudadamiañdïrï. Ka mai gaataduña antaada ïgai dai ïïmada antaada xi aipako gakikiïrï ajiopadagi dai ñokidaragakagi dai aatagadagi ixtumaxi maiti ïr soiñi. Dai go utu iimïdami bipiudu kïïga ïïmada antaada ix gïn bapasadagi xako maiti ïr bïïtarïdï ïpï.

Hechos 16:34

Dai gokiïrï baidakai ïgai go Pabora ïmadï Silas gï kiiyamu dai bhibhi. Dai kïï bhai gï ïldatu go kïïrhi buaboitudakai dai aaduñdï ïpï kïï bhai gïn ïjïrhi ïpï.

Hechos 16:15

Dai bhodïrï go Lidia gï bakoi ïmadï bïïxkatai ix makïdï kiidïrï óídakatadai. Daidi gïr daañimitadai ïgai dai pobïrtïtïdai, —Mïxi buaboitudadami gin ïrhiadagi aapimï kïïgakïrï aidï abïr gin kiiyïrï gïn urhiña asta xïïxkadï iimi agadagi aapimï tabhiadïrï— itïtïdai ïgai. Muiyoko pobai gïr tïtïdai ïgai dai aatïmï bhai aa dai gamo iji.

Hechos 16:40

Dai go Pabora ïmadï Silas sïïrhi iji kiidïrï Lidia mos bubuakïkai maixakaruañdïrï. Ami tïï ïgai go gaa buaboitudadami dai abïnaki ïgai aatagikïdï dai bhodïrï iji abhiadïrï.

Lukas 10:6

—Dai xi go óídakami ami nïnïrakagi xi Diuxi maakana ibhïxtaragai aidï gia ipïldamu ïgai ix kaïkagi gïn aatagi dai kïïga gïn miadïgidamu. Dïï gia xi maiti gïn miadïgidagi ïgai aidï gia mai biakamu ïgai oigaragai xi kaïkagi gïn aatagi ïpï.