Kolosenses 3:22 - Northern Tepehuan Bible

²² Dai aapimï ix makïdï ïr pipioñi, kïïga abïr ïïgiada gïn amu ix makïdï bia aapimï tami oidigi daama. Dai mai xu xi mosïkaxi ïïgiada aapimï xïïxkadï gïn nïijadagi ïgai buamï gïn ïrhiditai ix tïiyagi ïgai. Bïïxi gïn ibhïdagakïdï abïr ïïgiada bhaiyoma ïmo xadutudaragai dukai Gïr Nukadakami bïïtarï.

Tepehuan Northern: Diuusi ñiooquidʌ utuducami oodamicʌdʌ

²² Aapimʌ pipiooñi ʌʌgiadavurai gʌnaamu maisiu mosʌcaasi siuu duucu gʌnnʌijadagi gʌnaamu ipʌliditai ispotʌiya ʌgai mʌsai aliʌ sastuduga baiyomavʌr vʌʌscʌrʌ cʌʌga aata vuaada siaa duutudaitai Suusi Cristo.

Kolosenses 3:22 Referans Kwoze

Galatas 1:10

Daiñi, aanï kïïga buamï in ïrhidi ix tïiyagi Diuxi nïiditai ïgai ix dukatai gatïtïïgidi aanï aatagi. Dïï gia mai buamï ïrhidi aanï ix tïiyagi odami. Mosïkaxi Diuxi buamï ïrhidi aanï ix tïiyagi tudu. Daiñi, oidaga odami ix makïdï pokaitiña sai aanï naana dukai aagaiña aatagi aagaitai ïïgi ixtumaxi kaïka ïrhiada odami. Pokaitiña ïgai sai aanï mos gaagaiña ix dukatai kïïgakïrï gin nïijadagi óídakami. Dïï maiti ïr buaboi gobai. Aanï ipïrhidi bhaiyoma sai kïïgakïrï gin nïijadagi Diuxi pioñigadïkatai aanï Suxi Kristo dai mai xu xi ipïrhidi aanï xi odami kïïgakïrï gin nïijadagi. Ka aagai aanï tudu sai xorai mai sïïrhi aagagi go bhai ïrhiaragai aatagi gï agai xi taatagi gïgïbidaragai bïïxkïrï bïïtarï. ¿Kaxkïdï dukatai naana dukai aagaiña aanï go aatagi? Mai bhaiga. Maatiga maaxi gobai di. Pioñigadï aanï Suxi Kristo tudu xi kaxkïdï bia aanï xi sïïrhi aagagi go aatagi dai mai xu xi mos aagagi aanï ixtumaxi odami kaïka ïrhiadagi.

1Tesalonicenses 2:4

Bhaiyoma Diuxi kïïga maatï ixdukatai aatabuayi aatïmï dai bhai aa tïxi aipakoga aituldana odami go bhai ïrhiaragai aatagi. Diuxi bïïxi maatï asta ixtuma tïtïitoi aatïmï tudu dai kaxkïdï ñokai aatïmï ixdukatai Diuxi ipïrhidi dai mai xu ixdukatai odami ipïrhidi.

Kolosenses 3:20

Dai aapimï arhi kïïga abïr ïïgiada gïn dïïdï bïïxi ixtumaxiïrï gïn tïanïdagi ïgai. Kaxkïdï tudu xïïxkadï ïïgiadagi aapimï gobai ïr ïmo bhai ïrhiaragai Gïr Nukadakami bïïtarï.

Lukas 6:46

Daidi bhodïrï Suxi apia oidi aatagidï dai potïtïdai go odami, —¿Tui mïxi gïn Tïanïdamiga gin aagai aapimï? Maiti gin ïïgidiña aapimï ixtumaxi gïn tïanïdagi aanï di— itïtïdai.

2 Korintios 7:1

Aapimï gin aaduñi ix makïdï kïïga oigïdai aanï, kaxi gïr aagidi Diuxi saidi gïr saagida oidaka agai ïgai. Kaxkïdï tïtai maigobai dasa bïïxi aïkatai go soimaaxkami ix makïdï gïr tukurhimadagi gïr tukuga ïmadï gïr ibhïdaga. Tïtai ïkobai óídaka bïïxi go soimaaxkamiañdïrï tudu dai go ïïgi Diuxi bïïtarï óídaka kïïga xadutudaitai aatïmï.

Hechos 2:46

Dai bïïx tasai gïn ïmpaidiña ïgai go gïï kiupiïrï Jerusalenïrï. Ïmapi gakuadana ïgai kiikiïrï dai bïïxi gïn bhai ïrhiarakïdï gabhibhidiña ïgai bïïxi go aadudï dai

Lukas 7:8

Daidi abïr potïda ïpï sai —Aanï ïr ïmo sïïrhikami biakami tudu dai buaboitudai aanï sai aapi ïr ïmo sïïrhikami biakami ïpï. Dai aagidiña aanï gin sandadaruga sai iimïna xibhïakoga dai otoma iimïiña xiïpï aagidiña aanï sai dadana dai otoma daibuiña. Dai aagidiña aanï ïmadutai gin pipioñi saidi ibuada ïmo aaduindagai bai otoma ibuayi ïgai. Otoma gin ïïgidi ix makïdï tïanïi aanï tudu. Dai buaboitudai aanï xi aapi ïr ïmo gïdukami sïïrhikami biakami dai kaxkïdï buaboitudai aanï sai mos ñokaitai aapi kïïga duadimu gin pioñiga tomax mai imia aapi gin kiiyamu— podukai abïr aagida tudu— itïtïdai.

Mataibo 6:22

—Gïn aagidamu aanï ïmo maaxidaragai aatagi aagaitai bïïxi go ixtumaxi namïakami oidaga tami oidigi daama. Daiñi, ganïadagakïdï gï maatï ix maaxi bïïxi ixtumaxi. Dai podukai ïpï gatïgibudagakïdï mamaatïrïi odami ixtumaxi ïr buaboi. Gatïgibudagakïdï nïñiadan dukai ibhïadï odami tudu.

Genesis 42:18

Daidi gokiïr itïtïdai ïgai, —Aanï xadutudai Diuxi dai kaxkïdï gïn soiñamu aanï dai ix gin ïïgiadagi aapimï ka mai xïduñimu aapimï— itïtïdai.