Kolosenses 3:17 - Northern Tepehuan Bible

¹⁷ Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

Tepehuan Northern: Diuusi ñiooquidʌ utuducami oodamicʌdʌ

¹⁷ Vʌʌsi mʌstumaasi ivuaadagi siʌpʌ aagadagi vʌʌscʌrʌ avʌr ivuaada istumaasi oojoidi Suusi Cristo. Dai baigavʌr ʌnʌliada Diuusicʌdʌ Suusi Cristo gʌnʌʌmadu daja cascʌdʌ.

Kolosenses 3:17 Referans Kwoze

1 Korintios 10:31

Daiñi, bïïxi aïkatïrï ix tumaxi ibuadagi aatïmï gï agai ix maaxitudagi aatïmï xïïxi ïr gïdukami Diuxi tomaxi ïr kuadagaikïdï xiïpï iidagaikïdï xi ïma maaxikïdï ïpï.

Kolosenses 3:23

Bïïxi gïn bhai ïrhiarakïdï abïr ibuada bïïxi ixtumaxi ibuadagi aapimï tudu. Dai xïxkadï ibuadagi aapimï ïmo aaduindagai gïn amu bïïtarï abïr kïïga ibuada xadutudaitai Diuxi. Saidi ïr Diuxi bïïtarïkagi gïn aaduindaga tudu dai mai xu xi mosïkaxi gïn amu bïïtarï.

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

1 Pedro 4:11

Dukami, ix makïdï gatïtïïgiadagi ñoki gï agai sai kïïga ñokadagi ñokiturhikatai ïgai Diuxi. Dai ix makïdï soikïdagi jaa gï agai sai kabami gï aajagïdagi soikïitai bïïxi go gubukarhigaikïdï ix makïdï gamamaakai Diuxi. Bïïxi ixtumaxi ibuadagi aapimï abïr Diuxi gubukarhigadïkïdï ibuada saidi jaa xadutuadana Diuxi nïiditai ixtumaxi ibuayi aapimï gïn soikïitai Suxi Kristo. Suxi Kristo ïgai dai bïïxi adaama gï xadutuada agai bïïxkïrï bïïtarï tudu dai bïïxi adaama gatïanïda agai ïgai ïpï. Gobai gia ïr buaboi.

1Tesalonicenses 5:18

Bïïna daraka aapimï Suxi Kristo xi kaxkïdï Diuxi ipïrhidi xi bïïxi aïkatïrï aagada aapimï xïï bhai gïn ïrhidi Diuxikïdï.

Hebreos 13:15

Gin aaduñi, Suxi Kristo ka bhai dui gïr bïïtarï ixdukatai aatagada aatïmï Diuxi ïmadï. Dai kaxkïdï gï agai xibi xi mai dagitokatai kïïga ñokadagi aatïmï Diuxi bïïtarï. Nïnïraka aatïmï ix gïr aiyagi go oidakaragai ïmo utudui kiikiïrï tudu. Kaxkïdï kïïga gï agai xi aagadagi aatïmï xïïxi bhai gïr ïrhidi Diuxi ïmadï tudu. Daidi maiti abïr dagitotai ibuadagi ixtumaxi ïr kïïga dai soikïdabïrai xorai tïgitokagi ïpï. Kaxkïdï tudu xïxkadï podukai ibuadagi aatïmï ixtumaxi ïr kïïga gobai ïr ïmo xadutudaragai Diuxi bïïtarï. Ïmo daxdaragai gï dukami gobai Diuxi bïïtarï tudu dai bhai gï ïrhidi ïgai gobaikïdï.

1 Juan 3:18

Gin aaduñi, maiti gï agai sai mosïkaxi pokaitadagi aatïmï sai oigïdai aatïmï jaa. Gï agai bhaiyoma sai ibuada aatïmï ixtumaxi ïr soiñikagi jaa bïïtarï dai podukai mamaaxdagi sai buaboikïdï oigïdai aatïmï.

1 Pedro 2:9

Dïï aapimï gia mai taata agai gïgïbidaragai podukai. Aapimï ïr ïko bubaidadï Diuxi tudu dai ïr ix makïdï maa ïgai sïïrhikami saidi ïr dadaxdadamigadïkana aapimï. Ïmo aadunumï aapimï xibi ïkobai darasadïkatai aapimï Diuxi dai ïgai tuidadï aapimï. Kaxkïdï xibi bhaiga aapimï xi maaxitudagi jaa bïïtarï xïï kïï tuiga Diuxi. Kaxi gïn busaitu ïgai abhiadïrï xako tukapi dukai óídakatadai aapimï mai maatïkatai ixtumaxi ïr buaboi tudu. Dai xibi gia kaxi gïn daibuñtu ïgai xako xigiamaaxi gïn oidakaraga kïïga tonoraka maaxkatai gobai.

Filipenses 2:11

dai biakamu xi aagadagi sai Suxi Kristo adaama ïr Tïanïdami. Podukai aagadamu ïgai bïïxi óídakami buitapi tudu dai podukai maaxitudamu ïgai xïïxi ïr gïdukami Diuxi gïr Oga.

Hechos 4:30

Daidi ikaiti ïgai ïpï, —Gïr soiñañi xibi gï otosa Suxi Kristo gubukadadïkïdï daidi duayda aapi kokokoñiadï dai ibuada maaxidaragai maaxi ix makïdï ïïgi aapi ibuayi dai podukai gïr tïïgidañi ix xïï gubuka aapi— ikaiti buaboitudadami daanïitai Diuxi.

Filipenses 1:11

Daiñi, Suxi Kristo ka kïïga buañixikami gïn bia. Dai aanï kabami daanïi Diuxi saidi gï ibuadagi naana maaxi ixtumaxi kïïgadukami aapimïkïdï ka buañixikatai aapimï. Aidï gia gïn tïgito nïijadamu jaa dai aagadamu xïïxi ïr gïdukami Diuxi dai xadutuadamu ïgai nïiditai ix makïdï ibuayi Diuxi aapimïkïdï.

Hechos 19:17

Dai bïïxi Efesoïrï óídakami máí ix tumaxi pobï gï duitadai, bïïxi kajioma go ix makïdï ïr judidiu dai ix makïdï maiti ïr judidiu ïpï. Dai kabami duduadimu ïgai dai gïïpi bamioma xadutudai ïgai Suxi Gïr Nukadakami.

Kolosenses 1:12

aagidiña aapimï Diuxi sai kïïga bhai gïn ïrhidi ïgaikïdï. Sai bhai gïn ïrhidiña aapimï tudu Diuxikïdï maatïkatai sai ïgai ka bhai gïr dui sai biakana aatïmï bïïxi ixtumaxi bia Diuxi gïr bïïtarï. Aatïmï gïr bïïtarï tudu ix makïdï kaxi ïr maamaradï. Aatïmï ix makïdï kudagiïrï dukai óídaga ïïgiditai ixtumaxi ïr buaboi tudu.

Efesios 1:17

Diuxi gïr Oga ïgai dai Gïr Nukadakami Suxi Kristo xadutudaiña dai kïïga ïr gïdukami ïgai dai kïï tiodi. Ïgai tudu daanïi aanï gïn bïïtarï xi gïn maakana tïgibudagai xi kïïgioma maatïkana aapimï ïgai.

Kolosenses 2:7

Daiñi, ïpïan dukami ïmo uxi ix makïdï kïïga kabakami kïïka kïï tukabi ukami bia tatakadï podukai abïr gubukan gukada aapimï ïpï kïïga gïn daagïkan dukai aapimï Suxi Kristo ïmadï. Gï agai xi ïmo simiento gï dukamikagi Suxi Kristo gïn bïïtarï tudu sai aapimï daama kaban gukakagi ïgai gïn buaboidaragakïdï. Aidï gia kïïga gïïrhimu dai gubukan kïakamu gïn buaboidaraga ix makïdï gïn tïtïgidi aatïmï. Dai aidï ïpï kïïga maaxkamu jaa bïïtarï xïï kabami bhai gïn ïrhidi aapimï Diuxikïdï.

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

1 Juan 2:23

Bïïxi odami ix makïdï pokaitadagi sai Suxi Kristo maiti ïr Maradï Diuxi ïgai mai urabaka Diuxi. Dïï gia xorai maaxiko aagagi sai buaboitudai ix Suxi Kristo ïr Maradï Diuxi, ïgai gia urabaka Diuxi.

Romanos 1:8

Ïpïgioma gïn aagida in ïrhidi ansai kïïga bhai gin ïrhidi Diuxi ïmadï kaïkatai ix óídakami aipako aagai xïï kïïga buaboitudai aapimï Suxi Kristo. Dai aagidimi aanï Diuxi ansai bhai gin ïrhidi ïpï. Suxi Kristo ïgai dai bhai dui gin bïïtarï xi bhaigakagi aanï xi podukai aatagidagi Diuxi.

Hebreos 1:5

Gobai maatiga maaxi sai bamioma gatïanïi ïgai xi bhai tïtïañikarudï Diuxi. Kaxkïdï tudu Diuxi potïtïdai sai, Aapi ïr gin Maara dai xibi aanï aagai sai gï Oga aanï, itïtïdai. Dai xadïrï potïdana ïgai ïmo tïañikarudï. Daidi ikaiti Diuxi ïpï ïïki aagaitai Maradï, Aanï ïr Ogadïkamu dai gobai ïr gin Maaraka agai, ikaiti Diuxi. Kaxkïdï gï maatï sai bamioma gatïanïi Diuxi Maradï xi bhai go tïtïañikarudï Diuxi.

1Tesalonicenses 1:1

Bhaiga aapimï buaboitudadami ix makïdï gïn ïmpaidiña ami Tesalonikïrï. Aanï Pabora ïmadï go Silbano dai go Timoteo gïn otoxdi idi ojai. Gin susukurhi, kïïga maatï aatïmï sai aapimï buaboitudadami uraba daraka Diuxi gïr Oga ïmadï Suxi Kristo Gïr Nukadakami. Dai ipïrhidi aatïmï sai maatï taatana aapimï xïï kïï tuiga ïgai gïn buidïrï dai sai gïn maakana ïgai ibhïxtaragai gïn ibhïdagïrï.

Kolosenses 3:15

Gin aaduñi, Diuxi gïr báí tïsaidi ïmo tukugai dukamikagi aatïmï ïmo aadunumïkatai aatïmï. Kaxkïdï kïïga abïr gïn tïgito nïijada ixtumaxi ibuadagi aapimï. Oijadabïrai tudu go ibhïxtaragai dai urabaragai ix makïdï gïr maa Suxi Kristo. Sai gobai ïgai dai gïr tïanïna tudu. Dai dudatai abïr aagiada Diuxi sai bhai gïn ïrhidi aapimï ïgaikïdï ïpï.