Biblia Todo Logo
Bib sou entènèt

- Piblisite -




Kolosenses 3:14 - Northern Tepehuan Bible

14 Bïïxi ixtumaxi ibuadagi aapimï abïr ibuada kïïga oigïdaitai jaa tudu. Gobai ïgai dai bïïxi adaama gï agai xi ibuadagi aapimï. Ix gïn oigïdada aapimï aidï gia kïïga gïn uraba óídakamu aapimï tudu.

Gade chapit la Kopi

Tepehuan Northern: Diuusi ñiooquidʌ utuducami oodamicʌdʌ

14 Dai vʌʌscʌrʌ aliʌsi gʌnoigʌada aipacoga poduucai viaacamu aapimʌ ʌmo tʌgitoidagai.

Gade chapit la Kopi




Kolosenses 3:14
18 Referans Kwoze  

Podukai gï agai sai óídakagi aapimï tudu. Dai xibi gïn aagidamu aanï ixtumaxi ix makïdï adaama gï agai saidi ibuadagi aapimï. Gï agai aapimï buaboitudadami xi kïïgakïrï gïn oigïdadagi aipakoga tudu. Gobai ïgai dai adaama gï agai saidi ibuada aapimï. Ix gïn oigïdadagi aapimï aipakoga aidï gia tomaxi dudatai soimaaxi gïn buidadagi gïn aaduñi aapimï bïïxkïrï mai bui ñokadamu ïgai. Kaxkïdï gï agai sai gïn oigïdadagi aapimï aipakoga.


Kïïga abïr oigïada jaa aidï. Daiñi, Suxi Kristo gïr oigïdai kaxkïdï ïïgi gï dagito ïgai sai gï muatudana ïmo daxdaragai dukai. Podukai bhai dui ïgai gïr bïïtarï soimaaxi idunakai aatïmï. Dai Diuxi kïï bhai ïlda tïï Suxi Kristo daxdaradï. Kïï xigian dukai ubagi ïgai.


Kabami ipïrhidi aanï tudu sai aapimï ïmadï bïïxkatai ïgai kïïga abïnakian taadakagi dai sai kïïga gïn urabakagi gïn oigïdaitai aipakoga. Kabami ipïrhidi aanï sai biakana aapimï ïmo ixtumaxi kïïga namïakami. Ipïrhidi aanï sai gïn ibhïxtakan taadakagi aapimï kïïga maatïkatai aapimï Suxi Kristo tudu. Daiñi, go óídakami ïïki mai maatïkatadai sai oidaka agai ïmo kïïgakïrï bubiadami ix makïdï odami ïrana oidaka agai. Diuxi mai maaxiturhi ïgai kaxkïdï. Dïï gia ipïrhidi aanï sai aapimï gia kïïga maatïkana.


Kaxkïdï xibi mai kia imïkai gïn bitulda iñagai ïmo utudui sïïrhikami ix makïdï gï agai ix ïïgiada aapimï. Daiñi, gïn tïanïi aanï mïsai gïn oigïdaiña aipakoga ïpïan dukai ix gïn oigïdaiña aanï.


Gï agai xi gïn oigïdada aapimï aipakoga. Bia aapimï sïïrhikami tudu xi gïn oigïdadagi. Ïmo buatuldaragai dukami gobai aapimï gïn bïïtarï. Mosïkaxi gobai abïr buatuldaka xi oigïdadagi aapimï jaa. Ïma maaxi abïr gia mai buatuldaka. Daiñi, ix makïdï gaoigïadadagi kïïgakïrï ibuayi bïïxi ixtumaxi gïr tanïi Diuxi sïïrhikamigadïrï.


Bïïxi gïn gubukarhigakïdï abïr gaaga ixdukatai mos ïmo tïgibudagai biaka aapimï daidi ïmo aadunumï dukai abïr óídaka. Diuxi Ibhïadï ïgai dai gïn soikïi tudu xi kïï xioma óídakagi aapimï ïmo aadunumï dukai.


Diuxi gïr maa ïmo sïïrhikami tudu ix makïdï ikaiti sai, —Odami ix makïdï oigïdai Diuxi gï agai ix oigïdada aaduñdï Diuxi amadïrï ïpï— ikaiti go sïïrhikami.


Dai bhodïrï ka kïïga ïïgiditai aapimï Diuxi gï agai ïpï mïx kïïga oigïdadagi aapimï gïn aaduñi Diuxi amadïrï ïmo gïn xïgïmï dukai. Dai bhodïrï gï agai sai oigïdada aapimï bïïxi go gaa óídakami ïpï. Podukai abïr óídaka tudu maatïkatai ixtumaxi idui Diuxi gïr bïïtarï.


Daiñi, aatïmï gia gatïtïïgidiña aatagi ix makïdï kïïga ïr soiñi odami bïïtarï. Ga tïtïgidiña aatïmï aatagi ipïrhiditai ix kïïga buañixikagi ibhïadï odami bai kïïga gïn oigïdada ïgai aipakoga. Ga tïtïgidiña aatïmï ipïrhiditai xi odami ïïgiadagi gïr aatagi bai podukai maatïkana ïgai sai kïïga ibuayi ïïgiditai gïr aatagi. Podukai maaxitudamu ïgai sai buaboikïdï buaboitudai ïgai.


Daiñi, Diuxi kaxi gïn maatïturhi ix dukatai oigïdadagi aapimï go gaa tudu. Dai kaxkïdï gokïdï bhaitoma maiti gï agai ix gïn maakiagi aatïmï ñoki.


Xibi gin mamaatïrdamigaïrï oidaga aanï dai aapi gin Oga aanïrï oidaga. Buaboikïdï ïr mos ïmo odami aatïmï tudu. Dai go gaa odami nïijadamu sai aatïmï ïr ïmo odami. Nïijadamu ïgai dai maatïkamu sai aapi gin Oga gin otoi dai kïïga oigïdai gin mamaatïrdamiga. Maatïkamu ïgai sai ix xïïxi gin oigïdai aapi pokaxi oigïdai aapi gin mamaatïrdamiga ïpï— itïtïdai Suxi.


Dai Suxi oi aatagidï go mamaatïrdamigadï ïmadï daidi itïtïdai, —Aanï gïn tïanïi sai gïn oigïada aapimï aipakoga ïpïandukai ix aanï gïn oigïdai— itïtïdai.


Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.


Kïïga ïr buaboi tudu ixdukai aagai aanï sai go ñoki ix makïdï gatïtïïgidi aatïmï ïr kuadagai gï duu odami iibhïadï bïïtarï. Dai kaxkïdï ka maiti gï agai xi apia aagada aatïmï ï galbaaxi aatagi ix makïdï ka máí aatïmï aidïxi tukamïrï buaboitu aatïmï Suxi Kristo. Gobai ïr simientogadï dukai gïr buaboidaraga dai ka maiti gï agai xi ïpïpï dasagi ïmo simientogadï daamioma. Gï agai bhaiyoma xi apia bhaitïkioma oijada aatïmï go tïïgidaragai ñoki aagaitai Suxi. Gï agai tudu xi aagadagi ñoki ix makïdï ïr go gubuakami buaboitudadami bïïtarï. Tukamïrï máí aatïmï tudu sai gï agai xi gajiadïrï biagi aatïmï ïïgi gïr aaduindaga ix makïdï maiti ïr soiñikana. Maiti gïr soikïiña gobai xi kïïgakïrï óídakagi aatïmï tudu. Máí aatïmï saidi gï agai bhaiyoma xi buaboitudadagi aatïmï Diuxi tudu dai mai xu xi buaboitudada aatïmï ixtumaxi ibuadagi aatïmï.


Daiñi, ïïki, mai kia kïkibakai oidigi, Diuxi gïr darai sai aatïmï ïr ïko bubaidadïkana bïïna darakatai aatïmï Suxi Kristo. Aidïpïrï ïkiaxdïrï kaxi ïko gïr bubaitutadai Diuxi saidi aatïmï ïr ïko darasadïkana daidi sai mai tipukana soimaaxi gïr abhana ixtumaxi gïpiïrï gïr daitudagi ixtumaxi Diuxi buitapi.


Podukai gï maatï xorai ïr maamaradï Diuxi dai xorai ïr maamaradï go diabora. Odami ix makïdï mai oijadagi ixtumaxi ïr sïïrhi dai mai oigïadagi aaduñdï ïgai mai urabaka Diuxi tudu.


Swiv nou:

Piblisite


Piblisite