Jonas 1:14 - Northern Tepehuan Bible

¹⁴ Dai go iimidadami barkoañdïrï daañimi Gïr Nukadakami daidi potïtïdai, —Idi kïïrhi ïr duñidï— itïtïdai. —Maiti gïr dagito xi koiyagi aatïmï bïïxkatai ïgai ïmadï. Aapi adaama ïr Tïanïdami di. Dai aapi ibuayi ïïgi pïx dukatai ipïrhiadagi. Kaxkïdï aatïmï gï daanïi xibi xi maiti gïr aituldagi aapi gïïgïbidaragai xi muagi aatïmï idi kïïrhi sudaïrï daitudakai. Xi duñada maiti ïr duñidïkagi ïgai xi podukai gïr ayi go ïbïrhi— ikaiti barkoana iimidadami gadaanïitai ïgai Diuxi.

Jonas 1:14 Referans Kwoze

Efesios 1:11

Ïkobai gïr bubaitu Diuxi bïïnakai aatïmï Suxi Kristo tudu. Tukamidïrï abhiadïrï ïïgi podukai gï tïgitokatadai Diuxi xi aatïmï ix makïdï bïïna daraja Suxi Kristo ïr ïko bubaidadïkana. Podukai dáí ïgai saidi ïpï gï duna ixdukatai ïgai ipïrhidi. Bïïxkïrï ibuayi ïgai ixdukatai gï tïgitokagi kaxkïdï.

Mataibo 11:26

Podukai bhai ïrhidi aapi gin Oga kaxkïdï— itïtïdai.

Jonas 1:16

Dai go kïkïïrhi kïï gïdukami dukai tïï Gïr Nukadakami nïiditai xi gï dodorhitu go gïï sudagi. Dai daaxi ïgai ïmo daxdaragai dai aagai sai buaboituda agai.

Jonas 1:5

Dai go kïkïïrhi iimidadami go barko ka ïbhïimi xi bhaikoagi dai gïn aaga daañigi ïgai ix makïdï didiuxi aagai ïgai. Dai gïn aaga sudaïrï surhi kukuspidï sai mai bïïtïkana go barko. Dai go Jonas mos koso barko ïraana xako bïïtï kukuspi.

Efesios 1:9

Daiñi, Diuxi gïr tïtïgidi tïgibudadï ix makïdï ïkioma ïxtokikana. Kaxi ïkiaxdïrï podukai gï tïgitokana ïgai xi Suxi Kristokïdï pobï gï duñagi ixtumaxi ïgai ipïrhidi tudu.

Hechos 28:4

Daidi go óídakami ikaiti aidï nïiditai ix kïitadai go kooyi, —Idi kïïrhi gia ïr buaboi xi ïr gamuakami. Daiñi, tomaxi kïïgakïrï busai gobai sudagiañdïrï Diuxi tomax dukai mai dagitomu ix apia oidakagi gobai— ikaiti.

Genesis 9:6

—Mosïka odami ïgai dai gin ïpïamaaxi idui aanï tudu. Go gaa ix makïdï idui aanï maiti gin ïpïamaaxi idui aanï. Kaxkïdï arhiïxi ïr gïïpi soi maaxkami xi gamuagi ïmo odami. Dai Kaxkïdï ïpï ix gamuagi ïmo odami jaa odami gï agadamu xi aa noraidagi dai popoidagi iibhïadï go ix makïdï gamua— itïtïdai Diuxi.

Jonas 1:13

Dïï go kïkïïrhi mai ïïgidi Jonas dai kabami gïn aaga papaiñximi go sudagi kaakaparakami uxikïdï kabami imibuda ïrhiditai go barko. Ayi ïrhiditadai ïgai sudagi ugidïrï dïï mai ñako ïbïrhi bui. Mos apia bamioma xigarhi bujimi go ïbïrhi bhaiyoma.

Jonas 3:8

Gïn aadabïrai bïïxkatai aapimï yukuxi kostatarhikïdï duñixikami ïmadï modukai gïn sosoiga buxtaki. Daidi abïr gïgïr daanïda Diuxi. Gï agai sai dagito aapimï gïn soimaaxkami ix makïdï ibuadana aapimï dai ka mai omarhigaka.