Isa 53:8 - Northern Tepehuan Bible

⁸ Maiti ïr soi maaxi ibuadami ïgai dïï odami bïïxkïrï busaitu maixakaruañdïrï dai mua. Mai tipukatadai xorai soiñagi. Muu ïgai taatakai gïïgïbidaradï odami soimaaxi ibuadatai odami. Mai maamara ïgai dai muu.

Isa 53:8 Referans Kwoze

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

Hechos 8:33

Taata ïgai gïgïbidaragai tomaxi maiti ïr soimaaxi buadami. Ugidagai ïgai mai kia maamarakai, ikaiti go dunukami aagaitai Isaias ojadï.

VUAANA 19:7

Daidi go judidiu itïtïdai go Pilato, —¡Gobai ka podukai aagai saidi ïr Diuxi maradï! Dai gïr sïïrhikamigana aagai sai gï agai muagi xorai pokaitadagi saidi ïr Diuxi maradï di— ikaiti go judidiu.

Isa 53:12

Kaxkïdï Gïr Nukadakami maakimu gubukadagai. Dasamu ïgai xi ïr gïï bhaitï kïakamigadï ka agai mui aaduñdï. Maatïmu ïgai buidïrï ix makïdï bui bïïtï. Dai bhodïrï gïïpi bhai ïrhiarakïdï takobida agai maitïkidï aaduñdï ïmadï. Ïïgi gï tïïgitu ïgai mïtai mua. Odami ïmo soimaaxi ibhïdagami dukai nïidi. Dïï ïgai muu kusu imïitai mui odami soi maaxkamigadï ix makïdï mai ïïgidi Diuxi. Podukai gï báí ïgai bïïtarï ix makïdï mai ïïgiditadai Diuxi.

Romanos 1:4

Diuxi Ibhïadï gubukadadïkïdï duakatu Suxi Kristo ïpamu gokiïrï xi muu dai podukai gïr maaxitu Diuxi sai gia ïr Diuxi maradï ïgai. Ïgai tudu ïr Gïr Nukadakami.

Isa 53:5

Dïï aatïmï ïgai dai mai ïïgidi Diuxi bhaiyoma, kaxkïdï ïr aatïmï gïr duñi xi gï sïïxitu ïgai. Aatïmï gïr aïkatadai gïgïbidaragai. Dïï ïgai taata gïïgïbidaragai gïr bïïtarï soi maaxi ibuadatai aatïmï. Gïï taata ïgai gïgïbidaragai dai podukai gïr abhan dáí ïgai bhai ïrhiaragai. Ïgai gï muragi dai podukai gïr duduaditu.

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.