Hechos 9:4 - Northern Tepehuan Bible

⁴ Daidi go Saulo dïbïrapi gïi dai kaï ïmo ñoki daidi ikaiti go ñoki, —Saulo, Saulo, ¿Tui pïxi gin buidïrï kaatïkami aapi dai soi gin buayi?— ikaiti go ñoki.

Tepehuan Northern: Diuusi ñiooquidʌ utuducami oodamicʌdʌ

⁴ Taidʌ ʌSaulo dʌvʌʌrapi gʌi, dai caʌ ʌmo ñiooqui ismaacʌdʌ itʌtʌdai: ―Saulo, Saulo, ¿tuipʌsi soi giñvueeyi? ―astʌtʌdai.

Hechos 9:4 Referans Kwoze

1 Korintios 12:12

Gïn aagidamu aanï ïmo maaxidaragai aatagi ix maaxi gobai. Daiñi, tukugadï ïmo odami naana maaxi bia ix makïdï ïjïkobai bia aaduindadï. Dukami bia ïïkasodï dai noonobidï dai naanakadï dai bupuidï dai bïïxi gobai mos ïr ïmo tukugai bïïxi ïmapi tomaxi ïjïkobai bia aaduindadï. Dai pomaaxi aatïmï buaboitudadami ïpï. Muidu aatïmï tudu dai ïjïkobai bia aatïmï gïr aaduindagai dïï gia bïïxkïrï Suxi Kristo tukugadï dukami aatïmï bïïxkatai ïmapi.

Romanos 11:22

Tïgito abïr kaï idi ñoki tudu. Gia ïr buaboi sai Diuxi kïï tuiga dïï bïïxkïrï kabami gïgïbituldai ïgai soimaaxi buadami. Gïgïbiturhi ïgai go judidiu dai mos guikoma mai buaboidakai ïgai. Dïï aapimï gïn bïïtarï gia kïï tuigakana Diuxi buaboidakai aapimï. Kaxkïdï gï agai sai apia buaboitudadagi aapimï. Ïma dukai aapimï gïn guikoma antaada ïgai ïpï.

Efesios 5:30

Aatïmï tudu ïr tukugadï Suxi Kristo.

1 Korintios 4:7

Maiti gï aagai ix gïgïrdukïdï gïn ïrhiada aapimï tudu. Daiñi, bïïxi ix tumaxi ix makïdï ixtutuidikïi aapimï ix ibuadagi Diuxi ïgai dai gïn maa gubukarhigai ix ibuadagi. Kaxkïdï ¿Ix tuixi gïgïrdukïdï gïn ïrhidi aapimï? ¡Mai ïïgi bia aapimï gubukarhigai ix ibuadagi tomarhi ïmo ixtumaxi di!

VUAANA 21:15

Dai ka ugakai go mamaatïrdamigadï sai go Suxi itïtïdai go Ximuñi Piduru, —Aapi Ximuñi, aapi ix makïdï ïr Juan maradï ¿Bamioma pïx gin oigïdai ix bhai go gaa?— itïtïdai. Daidi go Piduru itïtïdai, —Ïjï, gin Tïanïdamiga. Kïïga maatï aapi ix aanï gï oigïdai— itïtïdai. Daidi go Suxi itïtïdai aidï, —Kïïga saadaka gin sosoiga miruxi tudu— itïtïdai.

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Genesis 3:9

Dai Diuxi Gïr Nukadakami báí go kïïrhi dai potïtïdai, —¿Pako daja aapi kïïrhi?— itïtïdai.

VUAANA 20:16

Dai Suxi itïtïdai, —Maria— itïtïdai. Daidi go Maria ajako kïkiba dai bui nïnïaba daidi itïtïdai, —Rabhoñi— itïtïdai. Rabhoñi itïiya ïrhidi Hebreokïdï ïmo ñoki mamaatïtuldiadami.

VUAANA 18:6

Dai mos potïkai go Suxi sai ïgai ïr ïgai, baidi go sandadaru gokiamako iji dai táí surhi.

Lukas 10:41

Daidi Suxi potïtïdai, —Aapi Maruta, kïïga gï oigïdai aanï dïï mos aapi arhiï buamï ïrhidi naana maaxikïdï ix makïdï mai xii kabami gï agai.

Exodo 3:4

Daidi Gïr Nukadakami nïidi xi miadïrïioma aijimi daidi tïtïdai, —Moises— itïtïdai Diuxi. —Tami an daja— ikaiti Moises.

Hechos 5:10

Daidi mos gïi ïgai dai abhaxi muu abhana go Piduru ïïkasodï . Dai bhodïrï bapai go gïgïrhi dai tïï go oki mukiadï dai busaitu dai mïï yaasa kunadï abhana.

Hechos 9:5

—¿Borï aapi tïanïdami?— ikaiti Saulo aidï. Daidi go tïbagiañdïrï ñoki ikaiti, —Aanï ïr Suxi— ikaiti. —Dai soi gin buayi aapi— ikaiti go ñoki.