Hechos 8:20 - Northern Tepehuan Bible

²⁰ Daidi go Piduru kabami ñokidi daidi itïtïdai aidï, —Mos ugitimu aapi kïïrhi ïmadï gï tuminxiga ïpï— itïtïdai. —Daiñi, Diuxi gïr urhiñdi Ibhïadï ïmo oidaragai dukai dai xibi aapi mos tuminxikïdï gasabïdadan kaiti. Gia mai kïïgadu gï tïgibudaga— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁰ Amaasi ʌPiiduru itʌtʌdai: ―Poʌlidi aapi sai istumaasi gaoidi Diuusi gʌsaapʌdai tumiñsicʌdʌ cascʌdʌ ugitʌna gʌtumiñsiga aapi gʌʌmadu.

Hechos 8:20 Referans Kwoze

Mataibo 10:8

—Dai nobai iimïitai abïr duduadada ix makïdï kokokoñikagi dai duduakatudabïrai ix makïdï koiñikagi ïpï. Duduadiabïrai ix makïdï biakagi go ogidïrï kokodagai go lepra tïgidukami tudu dai bubaidabïrai go tïtïañikarudï go diabora óídakamiañdïrï ïpï— itïtïdai. Daidi Suxi potïtïdai ïgai ïpï sai, —Maiti gïn táí aanï toma lïïchi gïn maakakai aanï gubukarhigai ix soikïdagi aapimï óídakami. Dai kaxkïdï maiti abïr tanïda aapimï ïpï soikïitai aapimï go óídakami— itïtïdai.

Hechos 2:38

Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Apokalipsis 18:15

Daidi go gaagaradami ix makïdï gïn bipidakami bii gagaraitai naana maaxi ixtumaxi ami Babilonïrï mïkaxdïrï gukakamu ïbhïiditai gïgïbidaradï go Babiloniïrï óídakami. Suanïdamu ïgai nïiditai

Santiago 5:3

Dai asta gïn oroga ïmadï gïn plataga ïpï ka bhitamarhimi ïpï. Dai gobai ïr ïmo maaxidaragaika agai ix gïn ajïga agai gïgïbidaragai xïïxkadï aagagi Diuxi ix bhai kïï dui aapimï. Ka otoma aagada agai Diuxi ix bhai kïï idui aapimï tudu dai gïn maakimu ïgai gïgïbidaragai ix makïdï ïpïan soi taadaga ix mïiyagi gïn tukuga.

Hechos 8:22

Dagitoñi tudu go soimaaxi tïgibudagai ix makïdï adaimïi aapi dai daañïda Diuxi sa bhai gï oigïldana.

1 Tomoteo 6:9

Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

Hechos 11:17

Dai dibiakai Diuxi Ibhïadï ïgai ïmadï maatï tïï aanï sai podukai ix dukai gïr maa Diuxi Ibhïadï, ïmo oidaragai dukai, podukai ïpï maa ïgai Ibhïadï ix makïdï maiti ïr judidiu ïpï. Kaxkïdï, xadïrï ipïldana aanï xi sobhidagi Diuxi, in ïrhidi aanï nïiditai— ikaiti Piduru.

Hechos 10:45

Daidi go buaboitudadami judidiu ix makïdï oiditadai go Piduru ka mai tïïtadai ixdukatai gïn tïtïgitoagi ka nïiditai sai Diuxi Ibhïadï kaxi abhana bitadai go odami ix makïdï maiti ïr judidiu ïpï.

Mataibo 15:19

—Abhiadïrï busakïi naana maaxkami soimaaxi tudu. Dukami, abhiadïrï busakïi soimaaxi tïgibudagai dai gakodaragai dai ïmadï bodagi oki ix makïdï maiti ïr oñigadïkagi ïmoko dai gaïxidagi, dai ïmadï bodagi oñigadï ïmai, yaatagidagai, dai naana kai nïidaragai.

Hechos 1:18

Daidi go Udaxi gasabïrhi ïmo dïbïrai maitïkidïkïdï soimaaxi idunakai ïgai. Dai ami yaa ïgai dai tapai bokadï dai bubuakai ijidï.

Hechos 8:19

Dai tïïgakai gobai sai go Ximuñi potïtïdai go Piduru ïmadï Juan, —Aapi Piduru dai aapi Juan, gin kaïkabïrai— itïtïdai. —Aanï gïn maakiagi tuminxi bai aapimï gin maaka gubukadagai nai xïxkadï aanï daama dadasdagi gin ïïka tomax makïdï odami bai dïdïbïdagi Diuxi Ibhïadï ïgai ïmadï— itïtïdai Ximuñi.