Biblia Todo Logo
Bib sou entènèt

- Piblisite -




Hechos 3:13 - Northern Tepehuan Bible

13 Cho, bhaiyoma Suxi gubukadadïkïdï duayi gobai— ikaiti. —Daiñi, gïr aaduñi ïïki buaboitudaiña Diuxi, go Abraam dai Isaak dai Jakobo tudu. Dai xibi Diuxi gïr tïïgi ix xïïxi ïr gubuakami Suxi gï maara. Dai aapimï tïïgi go Suxi go gïï dunukami Pilato. Dai tomaxi Pilato ka dagito agaitadai go Suxi xi imiagi aapimï mos apia gïpiïrï buapaimitadai.

Gade chapit la Kopi

Tepehuan Northern: Diuusi ñiooquidʌ utuducami oodamicʌdʌ

13 Baiyoma Suusi guvucadadʌcʌdʌ atdueeyi idi cʌʌli. Diuusi maa gʌmara Suusi ʌdaasicami ismaacʌdʌ vaamioma viaa guvucadagai. Dai ʌgai vaa Diuusi ʌrDiuusigadʌcatadai ʌʌpʌ gʌraduñi Avraañicaru dai Isaacaru dai Jacocaru. Dai Suusi ʌrʌgai vaa ismaacʌdʌ tʌʌgi aapimʌ dudunucami. Dai aidʌsi dagitua agaitadai Pilaato ʌSuusi mosgajiaadʌrʌ vipieeyi aapimʌ.

Gade chapit la Kopi




Hechos 3:13
46 Referans Kwoze  

Diuxi aanï dai aanï gin buaboidaiña go Abraamkaru ïmadï Isaakaru ïmadï Jakobokaru, itïtïdai Diuxi. Daidi go Moises mos gigibukïi duadimukatai. Ïbhïidi ïgai xi bui nïnïabagi go tai.


Go Abraamkaru ïmadï Isaakaru dai Jakobokaru kïïga gin buaboitudai Diuxigadïkatai aanï? ikaiti Diuxi ojadïrï. —Daiñi, gobai itïiya ïrhidi sai kia óídaga iibhïadï ïgai. Ïma dukai ¿Dukatai buaboitudaiña ïgai Diuxi? Dai óídakatai iibhïadï ïgai kïïga maatiga maaxi sai gia oidaga duduakaragai koidadï bïïtarï— itïtïdai Suxi go Saduseos.


Dïï gia Suxi gia ka bhïiyi sïïrhikami dai kaxi gatïanïi ix dukai aagai go ojai. Baasïkioma chïki tasai dumarhioma bii ïgai xi go tïtïañikarudï Diuxi aidïxi ïmo kïïrhi busai ïgai. Dai taata ïgai go mukigami bïïxi óídakami bïïtarï. Po dui ïgai mos ïï kïï tuigakatai Diuxi gïr bïïtarï. Dïï gia xibi ka bhïiyi Suxi gïdukami xadutudaragai ïmo gïï gatïanïdamikatai xibi ix dukai aagai go ojai.


Dai go judidiu gïgïr ijiñakimi daidi ikaitimi, —Baidakabïrai tabhiadïrï dai kuruxiana abïr xixa— ikaitimi. Daidi go Pilato itïtïdai go odami, —¿Kïïgakïrï mïx ipïrhidi ix kuruxiana xixagi aanï gïn reyga?— itïtïdai. Daidi go judidiu itïtïdai, —¡Maiti ïr gïr reyga gobai! ¡Aatïmï mos arhi ïmo rey bia dai gobai ïr go César!— itïtïdai.


Daidi go Pilato gaagaitadai ixdukatai dagitoagi go Suxi kaïkatai ñokidï. Dïï gia go judidiu maiti ipïrhi dai bhaiyoma itïtïdai ïgai go Pilato, —¡Aapi Pilato kïï maatï sai xorai pokaitadagi saidi ïr ïmo rey kaxi buidïrï bipiïyi go gïï dunukami César! ¡Dai go Suxi ka poduu aagai saidi ïr ïmo rey di! Ix dagito aapi go Suxi aidï gia ïr buidïrï kaatïkamikamu aapi go gïï dunukami César— itïtïdai go judidiu.


Daidi kaïkai go odami bïïxkatai ijiña daidi ikaitimi, —¡Cho! ¡Gobai gia cho!— ikaiti —¡Dagitoñi bhaiyoma go Barabás!— ikaiti. Dai go Barabás gia ïr ïmo omarhigamikatadai.


—Aanï ïr Diuxi ix makïdï gin buaboitudaiña gï piipixara ïki. Ix makïdï buaboitudaiña Abraam ïmadï Isaak dai Jakobo ïïki tudu— itïtïdai Diuxi. Daidi go Moises ïbhïimi xi nïijadagi Diuxi daidi gï iña buibasodï.


Aanï ïgai dai tomax tuigako oidaga tudu. Muu aanï ïmo imidagai dïï gia xibi ka duaka aanï dai bïïxkïrï bïïtarï oidaka iñagai. Dai bia aanï bamioma gubuka xi bhai go mukigami dai gobai bhaiga xi aiyagi mosïkaxi asta xako ukami dagitoagi aanï. Dai bia aanï gubukarhigai xi gatïanïdagi ami xakoga daraka koidadï ïpï— in tïtïdai.


Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.


Dai ïgai pobai gin tïtïdai ïpï, —Diuxi ix makïdï aatïmï judidiu xadutudaiña ïïki abhiadïrï kaxi ïkobai gï busaitu aapi Saulo pai aapi maatïkana Diuxi tïgibudadï. Ïkobai gï busaitu ïpï pïsai nïijadana aapi gïr Bhaitï Kïakamiga, go ix makïdï kïï buañixi ibhïadï tudu. Dai ïkobai gï busaitu Diuxi pïsai aapi Saulo kaïkagi ixtumaxi gï aagiadagi ïgai ïpï—.


Dai podukai baa go Suxi Jerusalenïrï ix dukai ojixikatadai ïïki. Dïï go mamaatïrdamigadï mai máí ix ka poduitadai ïgai ix dukatai ojixikatadai. Mai máí ïgai asta gokiïrï aidïxi gï maaxitu Suxi xïïxi ïr gïdukami gï duakatudakai ïgai. Aidï gia gïn tïgito ïgai go ojai dai gïn tïgito ix rey dukai miadïgi ïgai go Suxi. Dai aidï gia máí ïgai ix Suxi iduitadai ixdukatai ojixikatadai.


Dai Suxi agaitadai go Diuxi Ibhïgadï gubukarhigadï ix ïr go sudagi gï dukami dai sai busi agai gobai odami iibhïadïañdïrï ïpïan dukai ix go sudagi busanïi ïmo babikiañdïrï. Dai go Diuxi Ibhïgadï ïr ix makïdï dibiagai odami iibhïadïana buaboitudakai ïgai. Dïï aidïpïrï ix pokaiti Suxi mai kia otoitadai ïgai Diuxi Ibhïgadï. Gï agaitadai kia ix imiagi Suxi tïbagiamu xako oidaka agai ïmo gïdukami xadutudaragai ïgai bïïtarï. Dai ka imïkai aidï gia otosa agaitadai ïgai Diuxi Ibhïgadï.


Dai bhodïrï go Pilato aagidi go bhaitï gukakamigadï go dadaxdadami ïmadï bïïxi go gaa odami ami dai potïtïdai ïgai, —Aanï mai tïtïgai ix Suxi ïr ïmo gïpiïrï kaatïkami— ikaiti.


Dïï go bhaitï gukakami daxdadami bhaiyoma mos abïnakidimi go odami xi tanïna dagito ïgai go Barabás.


Dai ami buidïrï ayi Suxi go mamaatïrdamigadï daidi potïtïdai, —Ka bhïiyi aanï ïmo sïïrhikami dai bïïxi adaama ïr Tïanïdami aanï tami oidigi daama dai mïï tïbagiana ïpï.


Dai bhodïrï burhikami bhïkai ïgai go Suxi dai mïï tïïgi ïgai Pilato. Go Pilato ïr kaigikatadai aidï ami Judea munisipiïrï.


—Gin tïïgidamu ïgai go gupudagai bipiakami ix makïdï maiti ïr judidiu bai ïgai gin parunada agai dai gin gïikarsa agai dai ïmo kuruxiana gin xixa agai. Ami kuruxiana mukimu aanï. Dïï gia baika tasaikïdï duakatumu aanï ïpamu— itïtïdai.


Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.


Dïï mos go Moises itïtïdai go Nukadakami, —Xadïrï gin buaboidana gin aaduñi xi aapi gin otoi ix makïdï ïkioma gïr piipixaraga buaboitudaiña. Xorai ïgai daidi gin otoi gin tïkakamu ïrhi aanï ïgai. Aidï gia dukatai tïda iñagai aidï aanï xi tïgidu aapi— ikaiti Moises.


Bhodïrï itïtïdai Diuxi Moises, —Aagidamu aapi go Israelitas sai aanï ïgai dai gï otoi ix makïdï buaboitudaiña gïn aaduñi ïïki. Ix makïdï buaboitudaiña go Abraam dai Isaak dai Jakobo tudu. Podukai tïdamu aapi go Israelitas. Aanï Aanï tïgidu aanï tomax tuigako dai podukai in aagamu bïïxi óídakami xïïki óídaka agai oidigi dama— itïtïdai Diuxi.


Daidi Suxi oi aatagidï dai potïtïdai go odami, —Maiti abïr dudunukami duu gïn ïrhiada ïïgi aapimï aagaitai xorai kïï ibuayi dai xorai mai kïï ibuayi. Dai abïr mai aagada xorai ajïga ïmo gïgïbidaragai ïpï. Ix mai pobuadagi aapimï aidï gia Diuxi mai po kaitidamu ïpï sai mai kïïga buayi aapimï. Dai maiti pokaitadamu ïgai ïpï saidi gïn ajïga gïgïbidaragai. Ix oigïldada aapimï jaa xïïxkadï soi gïn buidadagi ïgai aidï gia Diuxi gïn oigïldadamu ixtumaxi idui aapimï Diuxi bui ïpï— itïtïdai.


Daidi go Suxi itïtïdai, —Diuxi ïgai dai gï maa ïmo sïïrhikami ix kaxkïdï bhaiga aapi ix gin tïañiagi muaragai. Ix mai maakimudai Diuxi sïïrhikami xadïrï ixtutuidimudai aapi. Dïï gia ix makïdï tami gï buitapi gin kïsatu mos ïgikïdï gin tañia ïrhidi muaragai mai biakatai sïïrhikami. Kaxkïdï ïgai gïïpi bamioma soimaaxi ibuayi ix bhai aapi— itïtïdai.


Daidi go Piduru tïïgakai ix gïn ïmpagi mui odami daidi tïtïdai, —Gin aaduñi, aapimï Israelïrï óídakami tudu ¿Tuixi mos ïï kabami gïr nïnïidi aapimï? ¿Poïrhidi mïxi xi kaban gupuka aatïmï xi ïpï kïïga tutuiga aatïmï Diuxi bui dai ïïgi gïr gubukadagakïdï duadi aatïmï idi kïïrhi?


Dai kaxkïdï ïpï bhai gobai gïn saagida otoi Diuxi mos duakatuldakai Maaradï bai biakana aapimï ïmo gïdukami bhai ïrhiaragai gïn abhana dagitokai gïn soimaaxkamiga ixtukïdï soi buididi aapimï Diuxi. Mos duakatu go Suxi bai otoma bhai gobai gin otoi Diuxi tudu saidi aapimï ïpïgioma gïn aiyagi go bhai ïrhiaragai— ikaiti Piduru.


Dai go buaboitudadami apia daanïi Diuxi daidi ikaiti, —Xibi ka buaboi busai ñokidï go Dabidkaru. Xibi tanai Jerusalenïrï gïn ïmpagi Erodïxi ïmadï Poncio Pilato ïmadï judidiu dai jaa ix makïdï maiti ïr judidiu ïpï. Ïgai buidïrï surhi gï maara Suxi tomaxi ïgai mos ïr ïïgidadami aapi Diuxi dai aapi dáí go Suxi saidi ïr Gïr Bhaitï Kïakamigakana.


Daidi ikaiti ïgai ïpï, —Gïr soiñañi xibi gï otosa Suxi Kristo gubukadadïkïdï daidi duayda aapi kokokoñiadï dai ibuada maaxidaragai maaxi ix makïdï ïïgi aapi ibuayi dai podukai gïr tïïgidañi ix xïï gubuka aapi— ikaiti buaboitudadami daanïitai Diuxi.


Gia ïr buaboi xi aanï xadutudai Diuxi buaboitudaitai aanï Suxi Kristo buaboidaradï. Go judidiu pokaiti sai maiti ïr buaboi idi buaboidaragai, go buaboidaragai ix makïdï odami Boi aagaiña. Dïï aanï gia buaboitudai dai podukai xadutudai aanï Diuxi ix makïdï gïr aaduñi buaboitudaiña ïïki abhiadïrï. Buaboitudai aanï bïïxi go sïïrhikami makïdï oja Moiseskaru dai ix makïdï oja bïïxi go aagadami Diuxi ñokidï ïïki ïpï.


Go gin aaduñi judidiu ïr piipixaradï go Abraamkaru dai Isaakaru dai Israelkaru. Dai Suxi Kristo Diuxi Otosadï ïr judiukatadai ïpï. Suxi Kristo ïr Diuxi dai bïïxi adaama ïr Tïanïdami ïgai. Kaxkïdï gï agai xi gï xadutuadagi ïgai bïïxkïrï bïïtarï.


Dïï go Piduru potïtïdai, —Aapi oki, maita an maatï aanï ïgai— itïtïdai.


Swiv nou:

Piblisite


Piblisite