Hechos 25:11 - Northern Tepehuan Bible

¹¹ —Xi ïr buaboikagi xi ïr soimaaxi ibuadami aanï dai ix kaxkïdï gï aagadagi xi gin muatudagi, aanï mai ñokai. Dïï gia xi maiti ïr buaboikagi gobai ixdukatai gïpiïrï gin bupaimi idi judidiu aidï gia tomarhi ïmadutai mai bia sïïrhikami xi gin tïïgidagi ïgai. Kaxkïdï aanï mai imia in ïrhidi Jerusalenamu. Xibi gï tanïi aanï oigaragai bhaiyoma xi go gïï tïanïdami Romïrï daakïdï bhai duñagi idi aatagi— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹¹ Siʌduñiada ʌrvaavoica issoimaasi idui aanʌ mʌscascʌdʌ giñmuaa ʌliada tomamʌs giñmuaa. Dai ismaitʌrvaavoicagi gomaasi istumaasi gʌpiʌrʌ giñvuupai tomali ʌmaadutai maiviaa sʌʌlicami isgiñtʌʌgidagi ʌjudidíu. Aanʌ ipʌlidi mʌsvaama giñcʌʌsagi ʌgʌʌ baitʌcʌaacamigadʌ romamano vuidʌrʌ ―astʌtʌdai ʌPaavora.

Hechos 25:11 Referans Kwoze

Hechos 28:19

Dïï go judidiu mai bhai aatadai xi gin dagitoagi go romanos kaxkïdï biakatadai aanï xi gataañiagi oigaragai xi go gïï tïanïdami César ïmadï bhai duñagi go aatagi tami Romïrï. Dïï tomax dukai mai ñokai aanï gin aaduñi bui.

Hechos 26:32

Daidi go Agripa itïtïdai go Festo aidï, —Kïïga bhaigakatadai xi dagitoagi idi kïïrhi ix imiagi xi mai potïimudai gobai saidi ipïrhidi mïx baan kïïsagi go gïï tïanïdami Romïrï, go César tudu— itïtïdai.

Hechos 25:25

Aidïpïrï aanï itïtïdaitadai go judidiu sai mai tipukatadai ixtumaxikïdï gataanïdagi muaragai. Dïï go Pabora ïïgi ipïrhi xi baan gï kïïsagi go gïï tïanïdami Romïrï. Kaxkïdï podukai tïgito aanï ix gamo otosagi.

Hechos 25:21

Dïï go Pabora ipïrhi xi go gïï tïanïdami Romïrï aagadagi ixdukatai bii agai go aatagi. Kaxkïdï aanï gatïjai sai gï maixatudagi ïgai kia asta xïïxkadï bhaigakagi aanï xi otosagi Ramamu xako daja go gïï tïanïdami— itïtïdai Festo.

1Tesalonicenses 2:15

Mui judidiu maiti ïr buaboitudadami tudu dai ïgai ïr duñidï xi gï muatu Suxi Kristo dai ïkioma kodaiña ïgai go aagadami Diuxiañdïrï ñoki ïpï. Dai xibi aatïmï gïr bui surhigïi ïgai soi gïr buididitai. Buidïrï bïïtïkami ïgai Diuxi tudu dai asta buidïrï bïïtïkami ïgai bïïxi óídakami ïpï pobuadatai.

Hechos 25:10

Kaxkïdï Pabora itïtïdai aidï, —Cho daiñi— itïtïdai. —Maiti agai xi imi aanï gamoko. Kaxi gï buitapi kïïka aanï xibi di. Dai aapi ïr dasadï go gïï tïanïdami romano. Tami tudu gï agaitadai xi bhai duñagi idi aatagi. Kïï maatï aapi sai aanï mai soi buididi go judidiu toma lachi— itïtïdai.

Hechos 22:25

Dïï gia aidïxi ka burakatadai ïgai dai ka gïikarsa agaitadai saidi go Pabora ñokidi ïmo sonoïrï kïakamigadï go komandante ix makïdï ami kïakatadai daidi itïtïdai aidï, —¿Bia mïxi aapimï sïïrhikami ix in gïikarsagi podukai? Aanï ïr romano tudu dai mai kia baan gin kïi aapimï dudunukamiïrï ïpï xi ïgai aagagi ix bhai ïr soimaaxi buadami aanï ix cho ïpï— itïtïdai Pabora.

Hechos 18:14

Daidi Pabora ka ñokia agaitadai bai go Galión bhaitïkioma ño daidi itïtïdai ïgai go judidiu aidï, —Daiñi, xi ïr soimaaxi idukamikamudai go Pabora aidï gia gïn bhai gïn duiñdamudai aanï.

Hechos 16:37

Dïï mos Pabora itïtïdai go sandaru ix makïdï ami dibiatadai aidï, —Cho daiñi— itïtïdai. —Kaxi gïr tïañitu ïgai gïikarsagi bïïxi odami buitapi maiti gïr dagitokai tïx ñokia aatïmï, dai gïr maamaixa bïïxi. Dai aatïmï ïr romano di. Ïgai mai bia sïïrhikami xi pobai gïr buidadagi aatïmï ix makïdï ïr romanos tudu. Dai xibi mos ïxto gïr dagitoda ïrhidi ïgai. Podukai gia cho— itïtïdai. —Aagidabïrai bhaiyoma sai ïïgi dadana ïgai dai gïr bubaidana tabhiadïrï— itïtïdai Pabora go sandaru.

Hechos 25:12

Daidi go Festo gaataga jaa ïmadï ix makïdï soikïiña aatagiïrï daidi bhodïrï aa noragi ïgai Pabora daidi itïtïdai, —Kaxi pokaiti aapi pïsaidi ipïrhidi xi go gïï tïanïdami Romïrï bhai duñagi idi aatagi. Kaxkïdï xibi aanï aagai sai go gïï tïanïdami buitapi kïkibamu aapi— itïtïdai.