Hechos 23:12 - Northern Tepehuan Bible

^12-13 Daidi go gïmai xadiko ïïki gïn ïmpagi bhaibitukami gokobhai kïkïïrhi judidiu dai bhai dui ñoki sai mua agai go Pabora. Dai agai ïgai ïmo ñoki Diuxi buitapi daidi ikaiti, —Gia muamu aatïmï go Pabora. Dai xibi agai aatïmï gïr nïiditai Diuxi sai mai dïïka ragai kuadagai tomarhi sudagi mai kia muakai ïgai— ikaiti ïgai bhaidunakai ñoki.

Tepehuan Northern: Diuusi ñiooquidʌ utuducami oodamicʌdʌ

¹² Siaadiqui ʌʌmoco judidíu bai dui ñiooqui dai muaa agai ʌPaavora. Dai poduucai bai dui sai maidʌʌca agai cuaadagai tomali suudagi asta siʌʌscadʌ muaa ʌPaavora sai Diuusi gʌʌgʌvia agai ismaipoduñia ʌgai.

Hechos 23:12 Referans Kwoze

Hechos 23:30

Bhodïrï kajioma aanï sai go judidiu bhai duitadai ñoki gobai bui dai gaagaitadai ix dukatai muagi. Kaxkïdï tudu pobï gin ïrhi aanï xi otoma gï otosdagi go kïïrhi. Aagidi aanï go judidiu ïpï sai mïï gï nïidana sai gï aagidana ïgai ixtukïdï gïpiïrï bupaimi ïgai— ikaiti go ojai.

Hechos 23:21

Dïï mos maiti agai ix buaboituda aapi. Daiñi, bhaibitukami gokobhai kïkïïrhi no gïn ïjïxto daraka xibi dai sobhida agai boiyïrï dai sai mai kia aïkai ïgai ka mua agai. Kaxi as bhai dui ïgai sai mai dïïka agai kuadagai tomarhi sudagi asta xïxkadï mua. Dai agai ïpï sai Diuxi gïïgïbidana ix mai poduña ïgai ixdukatai aagai ïgai gïn nïiditai Diuxi. Dai xibi ka bhai gïn duduna dai mos nïnïraka ix tïiya aapi— itïtïdai go arhi gïrhi.

Hechos 23:14

Dai bhodïrï iji ïgai dai mïï nïidi go bhaitï gukakamigadï dadaxdadami judidiu ïmadï jaa bhaitï gukakamigadï judidiu daidi itïtïdai, —Ka bhai dui aatïmï aatagi sai mai dïïka ragai kuadagai asta xïxkadï mua aatïmï Pabora. Sai Diuxi gïr gïïgïna tïxi mai poduñagi ixdukatai aagai aatïmï gïr nïiditai Diuxi— itïtïdai.

Hechos 25:3

Dai daañimi ïgai go Festo dai itïtïdai aidï, —Gïr oigïdakai otosda aapi ïmoko sai mïkadïrï Cesareañdïrï buapana go Pabora tanai Jerusalenïrï— itïtïdai. Mua ïrhiditadai ïgai go Pabora boiyañdïrï imïitai tudu dai poduu aagai.

Mataibo 26:4

Dai ami bhai dui ïgai ñoki dai yaatagikïdï bhïiyi agai go Suxi dai mua agai.

Galatas 3:13

Dïï gia Suxi Kristo taata go gïgïbidaragai gïr bïïtarï mukukai kuruxiana1 dai kïïgakïrï gïr bubaitu. ¿Mai ix podukai aagai go Diuxi ojadï? Ami ikaiti sai, Xorai uxiana nagiïkagi tukugadï ïgai maaxitudai sai bia ïgai ïmo gïgïbidaragai Diuxiañdïrï, ikaiti go ojai. Kaxkïdï gï maatï sai Suxi Kristo taata go gïgïbidaragai gïr bïïtarï.

1 Korintios 16:22

Dai aanï aagai sai xorai mai oigïdadagi Suxi Kristo sai ïkobai biïna ïgai Diuxiañdïrï. Gin susukurhi, nïnïraka aanï sai otoma dibiagi Suxi Kristo ïpamu.

Mataibo 27:25

Daidi go odami potïtïdai, —Kïïgaduaba. Aatïmï ïmadï gïr maamara ïr duñidїka agai gï aaxtakai ïradï gobai— itïtïdai.

Mataibo 26:74

Daidi go Piduru galnaaxi ñoki aagidi daidi potïtïdai, —Maita an maatï aanï go kïïrhi ix makïdï aagai aapimï— itïtïdai. —Ix yaatagïi aanï aidï gia sai Diuxi gin abhana daitudana ïmo gïïdukami gïgïbituldaragai— itïtïdai. Mos potïi ïgai baidi kujui go takuku.

Genesis 37:18

Mai kia ayi go Jose amïka xako daraja xixïgidï dai xixïgidï ka mïkaxdïrï tïï dai bhai dui ñoki xi gïbiña agai.

Hechos 9:23

Bhai mui tasai aatagaitadai go Saulo podukai dai bhodïrï gïn ïmpagi go judidiu dai bhai dui ñoki dai mua agai.

Hechos 9:24

Dïï Saulo máí. Dai ami Damaskoïrï bïï xikorhi kïakatadai ïmo gïï bhidabiki maaxkami kurarai. Dai ami ïrana kuupikatadai ïgai. Baidi go judidiu nukadakana kukuparadï go gïï bhidabiki dai sobhidakana go Saulo dai mua agai. Kïïga nukadakana ïgai tasïrï dai modukai tukarï bïïxi.

2 Korintios 11:26

Dudatai mïkaxi aimïraiña aanï ibuadatai Suxi aaduindadï ïpï dai dudatai naana maaxi daibuskïiña aanï duadimudagai. Dukami, daibuskïiña aanï duadimudagai daibuskïitai gïgïr akiana dai daibuskïiña aanï duadimudagai gin sobhidakai ïïxibogami ïpï. Gin bui susurhigïiña gin aaduñi judidiu dai gin bui susurhigïiña xibhïadïrï óídakami ix makïdï maiti ïr judidiu ïpï. Tuma xakoga aimïraiña aanï ibuadatai gin aaduindaga daibuskïiña aanï duadimudagai xi gïgïr kiikiana aimïrdagi aanï xi oidigana xi go gïgïr sudagiana ïpï. Dai ïkobïrakoga gin bui susurhigïiña go odami ix makïdï pokaitiña saidi ïr buaboitudadami dai mai buaboikïdï ïr buaboitudadami ïgai.

1Tesalonicenses 2:16

Dai kaxkïdï gïr sobhida ïrhidiña ïgai ix mai aituldada aatïmï go bhai ïrhiaragai aatagi go odami ix makïdï maiti ïr judidiu. Maiti ipïrhidi ix kïïgakïrï bubuakiagi ïgai kaxkïdï. Sobhikïiña ïgai jaa ix mai buaboitudagi tudu. Podukai adaimïiña ïgai go soimaaxkami tudu. Dïï gia Diuxi ka mai dagitomu ix apia sobhidagi ïgai jaa ix buaboitudagi. Xibi ka ayi ïmo gïdukami gïgïbidaragai Diuxiañdïrï go sobhidakami bïïtarï tudu.