Hechos 2:38 - Northern Tepehuan Bible

³⁸ Dai go Piduru potïtïdai aidï, —Gï agai sai ïma dukai gïn tïtïgitoda aapimï bïïxkatai dai gï agai xi gïn bapakonada sïïrhikamigadïkïdï Suxi Kristo sai oigïlda gïn nïijadana Diuxi— itïtïdai. —Aidï gia Diuxi otosamu Ibhïadï sai gïn ïmadï daakana— itïtïdai.

Tepehuan Northern: Diuusi ñiooquidʌ utuducami oodamicʌdʌ

³⁸ Amaasi ʌPiiduru aa noragi daidʌ itʌtʌdai: ―Ʌma duucaiavʌr gʌntʌtʌgito dai camaisoimaasi ivuaada vai Diuusi gʌnoigʌldana vʌʌsi gʌnsoimaascamiga. Gʌnvapaconavurai aapimʌ vʌʌscatai Suusi sʌʌlicamigadʌcʌdʌ siDiuusi ootosamu gʌIbʌdaga vai gʌnʌʌmadu daacana.

Hechos 2:38 Referans Kwoze

Hechos 22:16

—Xibi maitï agai xi nïnïrakagi aapi bamioma. Mos buaboitudaitai aagida aapi Gïr Nukadakami bai ïgai oigïldana gï soimaaxkamiga, daidi otoma gï bakuanada aidï— gin tïtïdai go Ananias.

Markos 16:16

Odami ix makïdï gin buaboitudagi kaïkai Diuxi ñokidï daidi gïn bakuanakagi, ïgai kïïgakïrï bubuaki agai. Dïï gia ix makïdï mai buaboitudadagi ïgai biakamu gïïdukami gïïgïbituldaragai abhana— itïtïdai.

Hechos 8:12

Dïï gokiïrï ami Samariana dibia Pirhi dai aiturhi óídakami buitapi go bhai ïrhiaragai aatagi. Aagidi ïgai ix dukatai tïanïi Diuxi dai aagidi ïpï Suxi aatagidï ix makïdï bhai ïrhiatudai odami. Dai óídakami ïïgida kaï ñokidï Pirhi dai gïn bapakoi muidutai, kïkïïrhi ïmadï oki.

Lukas 24:47

Dai oja ïgai ïpï sai Diuxi otosadï Rey maaki agai gubukarhigai mamaatïrdamigadï sai aituldana ïgai idi ñoki bïïxi óídakami. Gï agai xi bïïxi óídakami maatïkagi sai bia xi ïma dukai gïn tïtïgitoagi sai oigïrhi biïna soimaaxkamigadï. Gï aagai xi gï aituldagi ñoki go óídakami Jerusalenïrï ïpïgioma dai gokiïrï bïïxi go gaa óídakami oidigi daama.

1 Pedro 3:21

Kaxi gï duakaturhi Suxi Kristo ïpamu tudu dai kaxkïdï bia aatïmï kïïgakïrï bubaidaragai. Daiñi, aidïxi sudagiïrï dupi oidigi dai kïïgakïrï bubuaka go Noé ïmadï aaduñdï go barkoïrï iimïitai ïgai, gobai ïr ïmo maaxidaragai dukai gïr kïïgakïrï bubaidaraga bïïtarï ix makïdï bia aatïmï xibi. Aatïmï kïïgakïrï bubuakïi xibi buabotudakai aatïmï sai gï duakatu Suxi Kristo ïpamu tudu dai gïr bakuanai aatïmï sudagikïdï. Sudaïrï daibusai go Noé ïïki tudu dai xibi aatïmï ïpï sudaïrï dïgabuskïi gïr bakuanaitai aatïmï. Dai maiti gï agai sai po gïn ïrhiada aapimï sai go bakuanaragai ix makïdï ibuayi aatïmï mosïkaxi ïr ïmo buanaragai gïr tukuga bïïtarï. Gobai ïr ïmo xadutudaragai bhaiyoma ix makïdï ibuayi aatïmï Diuxi bïïtarï, ka maatïkatai aatïmï sai Suxi Kristo ka bhai dui gïr bïïtarï dai ka mai tipu soimaaxkami gïr abhana.

Hechos 10:48

Daidi bhodïrï Piduru gatïjai saidi gïn bapakonana go odami Suxi Kristo sïïrhikamigadïrï. Dai go odami aagidi Piduru sai anaaxi gï urhiñana chïki tasai.

Hechos 3:19

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Romanos 6:3

¿Maiti mïx maatï aapimï sai buaboidakai aatïmï ka bïïnaga bipiïyi aatïmï Suxi Kristo? Daiñi, aatïmï koi ïgai ïmadï aidïxi ïgai muu. Biïna bii aatïmï ïgai kaxkïdï.

Mataibo 4:17

Dai Kapernaumïrï oidatu Suxi aidï. Dai aidï abhiadïrï gï aaga ïgai aaduindadï dai gamamaakaitadai ïgai ñoki go óídakami. Potïtïdaiña ïgai sai, —Ka miadaimi ix gatïanïdagi Diuxi. Dai kaxkïdï gï agai mïxi ïma dukai gïn tïtïgitoagi maatïkatai saidi ïr soimaaxi ibuadami aapimï— itïtïdaiña

Mataibo 3:2

Dai potïtïdaiña ïgai go óídakami sai, —Ka miadaimi ix gatïanïdagi Diuxi. Kaxkïdï gï agai sai ïma dukai gïn tïtïgitoagi soimaaxi ibuadamikatai aapimï— itïtïdaiña.

Hechos 17:30

Ïïkioma óídakami mai maatïkatai buaboidaiña pomaaxi. Kaxkïdï aidïpïrï Diuxi maiti ipïrhiditadai xi bui bhamukagi. Dïï xibi gia Diuxi kaxi gatïjai sai ïmadukai gïn tïtïgitoagi bïïxi odami aipako óídakami.

Hechos 20:21

Kabami ñokidi aanï bïïxi óídakami bïïxi ix makïdï ïr judidiu dai ix makïdï maiti ïr judidiu. Aagidiña aanï sai ïma dukai gïn tïgitokana dai sai ïgiada ïgai Diuxi buaboidaitai Suxi Gïr Nukadakami.

Hechos 26:20

Daidi aipako aatagidi aanï óídakami. Ïpïgioma jii aanï Damaskamu dai abhiadïrï Jerusalenamu dai bïïxi aipako aatagidi aanï go judidiu xako Judea tïgidu oidigi. Dai podukai ïpï aagidiña aanï go ix makïdï maiti ïr judidiu ïpï sai gï aagai xi ïma dukai gïn tïtïgitoagi dai oijadagi Diuxi. Dai sai kïï bhai maaxkami dukai óídakaiña bai podukai maaxitudaiña ïgai xi gia ïr buaboi xi ka ïma dukai gïn tïtïgito ïgai.

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Hechos 26:18

Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

Markos 1:15

—Kaxi ti ayi ixtuigako agaitadai Diuxi ïïki— ikaitimi ïgai. —Ka miadaimi ixtuigako Diuxi tïanïda agai. Xibi gï agai mïxi ïma dukai gïn tïtïgitokagi dai buaboida kaïkagi Diuxi ñokidï bhai ïrhiarakami— ikaitimi.

Hechos 16:15

Dai bhodïrï go Lidia gï bakoi ïmadï bïïxkatai ix makïdï kiidïrï óídakatadai. Daidi gïr daañimitadai ïgai dai pobïrtïtïdai, —Mïxi buaboitudadami gin ïrhiadagi aapimï kïïgakïrï aidï abïr gin kiiyïrï gïn urhiña asta xïïxkadï iimi agadagi aapimï tabhiadïrï— itïtïdai ïgai. Muiyoko pobai gïr tïtïdai ïgai dai aatïmï bhai aa dai gamo iji.

Hechos 8:20

Daidi go Piduru kabami ñokidi daidi itïtïdai aidï, —Mos ugitimu aapi kïïrhi ïmadï gï tuminxiga ïpï— itïtïdai. —Daiñi, Diuxi gïr urhiñdi Ibhïadï ïmo oidaragai dukai dai xibi aapi mos tuminxikïdï gasabïdadan kaiti. Gia mai kïïgadu gï tïgibudaga— itïtïdai.

Hechos 5:31

Dai Diuxi baidi jii go Suxi tïbagiamu dai sïïrhixapadïrï dáí saidi ïgai ïr gatïanïdamikana daidi ïr kïïgakïrï gïr bubiadamikana. Podukai idui Diuxi sai ïma dukai gïn tïtïgitona aapimï judidiu baidi podukai gïn oigïldana Diuxi gïn soimaaxkamiga.

Lukas 3:10

Daidi go odami gatïkakai go Juan aidï daidi itïtïdai, —¿Tumaxi gï agai xi ibuadagi aatïmï sai maiti gïr aiyagi go gïgïbidaragai tudu?— itïtïdai.

Hechos 10:43

Kaxi ïkioñdïrï abhiadïrï bïïxkatai ïgai ix makïdï ïr ñokituldiadamigadїkatadai Diuxi kaxi aagaiña go Suxi. Ïgai aagaiña sai Suxi gubukadadïkïdï oigïrhixikami bipiïyiña bïïxi soimaaxkamigadï odami ix makïdï buaboitudagi go Suxi— itïtïdai Piduru.

Hechos 13:38

Kaxkïdï aanï ipïrhidi xi maatïkagi aapimï gin aaduñi sai Suxi Kristo bhai dui gïr bïïtarï sai Diuxi oigïldana gïr soimaaxkamiga.

Efesios 1:7

Suxi Kristo aaxi ïïgi ïradï gïr bïïtarï tudu. Kaxkïdï kïïgakïrï bubuaka aatïmï dai oigïrhikami bii aatïmï gïr soimaaxkamigakïdï bïïnakai aatïmï Suxi Kristo. ¡Xïï kïï tuiga Diuxi aidï!