Hechos 18:12 - Northern Tepehuan Bible

¹² Dai bhodïrï ïmo imidagai aidïxi go kïïrhi Galión ïr gïï dunukamikatadai Akayïrï bai go judidiu bïïxkatai bui bhaakoi Pabora dai bhïiyi dai mïï dunukamiïrï kïi.

Tepehuan Northern: Diuusi ñiooquidʌ utuducami oodamicʌdʌ

¹² Aidʌsi Galioñi ʌrtʌaanʌdamicatadai Acaayʌrʌ ʌjudidíu vui baacoi ʌPaavora dai bʌʌcai ami siaaco daacatadai ʌtʌaanʌdami

Hechos 18:12 Referans Kwoze

Hechos 18:27

Daidi bhodïrï kaxi imia agaitadai Apolos maigobai xako Akaya tïgidu oidigi. Dai go buaboitudadami Efesoïrï óídakami soi dai otoxi ïmo ojixikami go buaboitudadami Akayïrï óídakami bïïtarï. Potïtïdai ïgai sai kïïgakïrï nïidiña ïgai go Apolos. Diuxi kïï tuigatadai go Akayïrï óídakami bïïtarï kaxkïdï ïïmadutai ïgai buaboitu. Dai Apolos ayi ami dai ïgai kïïga soi go ix makïdï ïr buaboitudadami.

Hechos 13:50

Dïï gia go judidiu ami Antiokiïrï bui surhi go Pabora ïmadï Bernabe. Aatagidi ïgai chïki oki ix makïdï óídakami kïï xadutudaiña dai aatagidi kïkïïrhi ïpï ix makïdï baamioma gatïanïiña ami kiikiïrï dai abïnaki sai bui surhigïna ïgai go Pabora ïmadï Bernabe. Podui ïgai tudu daidi adaji ïgai abhai oidigiañdïrï.

Hechos 13:7

Ami Chipreana tïanïitadai ïmo kaigi Serjio Paulo tïgidukami dai go kïïdarakami ïr ïmo sonoïrï kïakamigadïkatadai ïgai. Go kaigi kïïga saitudakana tïgibudadï dai báí ïgai go Bernabe ïmadï Saulo sai dibidana. Kaïka ïrhiditadai ïgai Diuxi ñokidï dai báí.

2 Korintios 11:10

Daiñi, Suxi Kisto kïïga maatï sai buaboi aagai aanï sai tomarhi ïmo imidagai maiti gïn taanïi aanï tuminxi. Podukai aagidamu aanï go óídakami bïïxi aipakoga amïka xako óídaga aapimï, amïka xako ukami Akaya tïgidu oidigi tudu. Aagidamu aanï sai maiti gïn taanïi aanï dai sai kïï ibuayi aanï maiti gïn taanïitai ïpï. Mai tipu xorai gin daidagi xi podukai aagidagi aanï óídakami tudu.

2 Korintios 1:1

Aanï ïr Pabora dai gïn otoxdi aanï idi ojai otosadïkatai aanï Suxi Kristo. Aanï ïr ïmo sïïrhikami biakami otosadïkatai Suxi Kristo tudu. Diuxi podukai ipïrhi kaxkïdï. Dai tami gin ïmadï daja Timoteo ix makïdï ïr gïr sukurhi Diuxi amadïrï ïpï dai gin soikïi gobai ibuadatai aanï idi ojai. Idi ojai ïr bïïtarï bïïxkatai aapimï buaboitudadami ix makïdï gïn ïmpaidiña ami Korintoïrï dai bïïxkatai go gaa buaboitudadami bïïtarï ix makïdï bïïxi aipako óídaga amïka Gresiïrï ïpï. Idi ojai ïr bïïxkatai aapimï gïn bïitarï ix makïdï ïr ïko bubaidadï Diuxi tudu. Ïmo biatuldaragai bïïxkatai aapimï gïn bïïtarï.

1 Korintios 16:15

Gin susukurhi, kïïga maatï aapimï sai ami Akayïrï go Tibañi dai aaduñdï ix makïdï kiidïrï óídaga ïpïgioma buaboitu. Dai kïï maatï aapimï ïpï sai kïïga soikïiña ïgai go gaa ix makïdï buaboitudaimi.

Romanos 15:26

Go buaboitudadami ix makïdï maiti ïr judidiu dai ix makïdï Masedoniïrï dai Akayïrï óídaga otosda ïrhidi soiñi go Jerusalenïrï buaboitudadami tudu. Soiña ïrhidi ïgai ix makïdï ïr soititigami tudu dai kïïga ïmpagi soiñi ïgai bïïtarï.

Hechos 25:10

Kaxkïdï Pabora itïtïdai aidï, —Cho daiñi— itïtïdai. —Maiti agai xi imi aanï gamoko. Kaxi gï buitapi kïïka aanï xibi di. Dai aapi ïr dasadï go gïï tïanïdami romano. Tami tudu gï agaitadai xi bhai duñagi idi aatagi. Kïï maatï aapi sai aanï mai soi buididi go judidiu toma lachi— itïtïdai.

Hechos 17:13

Dai aidïxi máí go judidiu Tesalonikïrï óídakami xi Pabora aagidi Diuxi ñokidï Bereïrï ïpï bai gamo iji dai xixorhitu go oidakami ami ïpï.

Hechos 14:19

Dai aidïpïrï ami dada judidiu Antiokiañdïrï dai Ikoniañdïrï óídakami. Dai ïgai bui ñokaitadai go Pabora dai bhaakoitu go odami ïgai bui. Baidi go óídakami maikakarai go Pabora mua ïrhiditai. Dai bhodïrï ka maikarsakai tïbaimu ïgai go Pabora dai busaitu kiikiañdïrï maigobai dai ami bia po gïn ïrhiditai ix ka muatadai.

Hechos 14:2

Dïï go gaa judidiu ix makïdï maiti ipïrhi ix buaboitudagi ïgai maa aatagi go ix makïdï maiti ïr judidiu sai ïgai kïïdaidana go buaboitudadami.

Mataibo 27:19

Dai go gïï daikaruana dakatadai go Pilato aidï xako dakatai gatïanïiña ïgai. Daidi oñigadï otoxdi ñoki ami. Daidi potïtïdai, —Maiti gï agai xi gïpiïrï daitudagi aapi go kïïrhi gobai. Maiti gï agai ix maakada gïgïbidaragai tudu. Maiti ïr soimaaxi ibuadami gobai toma lïïchi kaxkïdï. Tukarï tïïtïkimi gobaikïdï dai kabami soimaaxi taata aanï gokïdï— as duu otoxdi ñoki go oki.

Santiago 2:6

Diuxi mai soi dukai nïidi soititigami tudu. Dïï aapimï gia soi dukai nïidi dai bamioma xadutudai aapimï ix makïdï bamioma kïïga gïn bipidaka. ¿Maiti ix ïr go gïn bipidakïdï ix makïdï soi gïn buididiña gïpiïrï gïn bupaitai dai baan gïn tutusaiña dudunukamiïrï? Go soititigami bhaitoma mai pobuayi tudu.

Romanos 16:5

Diuxkïdï abïr biatulda go buaboitudadami ïpï ix makïdï gïn ïmpaidi kiidïrï Prisila ïmadï Aquila. Diuxkïdï abïr biatulda gin sukurhi Epeneto. Kïïga oigïdai aanï ïgai. Ïgai tudu ïr ïpïgadadï go Asiana óídakami ix makïdï buaboitu Suxi Kristo.

Hechos 17:5

Dai gokïdï bhaakoi go judidiu ix makïdï mai buaboitu ïgamukatai ïgai. Dai mui ïmpagi ïgai kïkïïrhi paparugami dai soimaaxi ibuadami ix makïdï no kayana ajiopaitadai. Abïnaki ïgai bai bui surhigïna go buaboitudadami kaburhi gukakatai. Mos gïgïr ijiñakimi ïgai aidï dai mos xixokai ïgai bui ñokaitai go gaa. Daidi go judidiu ïgai ïmadï go soimaaxi ibuadami mïï ayi kiidïrï ïmo kïïrhi Jason tïgidukami dai daitu kitaagiña. Gaagaimitadai ïgai go Pabora ïmadï Silas dai bukia ïrhiditadai dai tïïgida agaitadai go odami.

Hechos 13:12

Dai go kaigi mai tïtïgaitadai ix ïldagi kaïkatai Diuxi ñokidï. Dai buaboitu ïgai Gïr Nukadakami tïïgakai xi gï duitadai go kïïdarakami.

VUAANA 19:13

Dai go Pilato ïpamu báí go Suxi kaïkai ñokidï go judidiu. Dai bhodïrï go gïï daikaruïrï daiba xako bhai gï buayi ñoki. Dai ami go tuixiki xako kïïka go gïï daikarui Gabatana tïgidu Hebreokïdï. Gobai itïiya ïrhidi ïmo tuixiki pisomadikami ojodaikïdï.

Hechos 13:8

Dïï go kïïdarakïdï bui ñokimi Bernabe ïmadï Saulo maiti ipïrhiditai xi go kaigi buaboitudagi Diuxi ñokidï.

Hechos 18:11

Daidi amaxi bii aidï Pabora ïmo umigi dan tajukami dai aagidimi óídakami ix kaiti Diuxi ñokidï.

Hechos 19:21

Daidi gokiïrï xi kaxi pobï gï duitadai gobai, gï tïgito Pabora xi imiagi Jerusalenamu dai gï tïgito ïpï xi boiyana gadibidagi xako Masedoniana dai Akayana tïtïgidu oidigi. Daidi ikaititadai ïgai aidï, —Mos dibidamu aanï óídakami Jerusalenïrï dai bhodïrï gï agadamu xi imi aanï Ramamu ïpï— ikaiti.

2 Korintios 11:26

Dudatai mïkaxi aimïraiña aanï ibuadatai Suxi aaduindadï ïpï dai dudatai naana maaxi daibuskïiña aanï duadimudagai. Dukami, daibuskïiña aanï duadimudagai daibuskïitai gïgïr akiana dai daibuskïiña aanï duadimudagai gin sobhidakai ïïxibogami ïpï. Gin bui susurhigïiña gin aaduñi judidiu dai gin bui susurhigïiña xibhïadïrï óídakami ix makïdï maiti ïr judidiu ïpï. Tuma xakoga aimïraiña aanï ibuadatai gin aaduindaga daibuskïiña aanï duadimudagai xi gïgïr kiikiana aimïrdagi aanï xi oidigana xi go gïgïr sudagiana ïpï. Dai ïkobïrakoga gin bui susurhigïiña go odami ix makïdï pokaitiña saidi ïr buaboitudadami dai mai buaboikïdï ïr buaboitudadami ïgai.

1Tesalonicenses 2:14

Gïr susukurhi, kïï maatï aatïmï sai gïn aaduñi soimaaxi gïn taatamiturhiña. Kaxkïdï kïïga maatiga maaxi sai buaboitudai aapimï Diuxi ñokidï. Ix mai buaboitudamudai aapimï xadïrï pomaaxi gïn taatatuldana ïgai di. Ïïpïandukai dïgabusai aapimï ïmadï go gaa buaboitudadami ix makïdï gïn ïmpaidiña Judeïrï. Ix makïdï uraba daraka Diuxi dai Suxi Kristo tudu. Go judidiu soimaaxi taataturhi ïgai tomaxi ïr aaduñdï ïgai. Dai podukai aapimï ïpï bia gïn aaduñi ix makïdï soimaaxi gïn taataturhi buaboidaitai aapimï.

1Tesalonicenses 2:16

Dai kaxkïdï gïr sobhida ïrhidiña ïgai ix mai aituldada aatïmï go bhai ïrhiaragai aatagi go odami ix makïdï maiti ïr judidiu. Maiti ipïrhidi ix kïïgakïrï bubuakiagi ïgai kaxkïdï. Sobhikïiña ïgai jaa ix mai buaboitudagi tudu. Podukai adaimïiña ïgai go soimaaxkami tudu. Dïï gia Diuxi ka mai dagitomu ix apia sobhidagi ïgai jaa ix buaboitudagi. Xibi ka ayi ïmo gïdukami gïgïbidaragai Diuxiañdïrï go sobhidakami bïïtarï tudu.