Hechos 16:34 - Northern Tepehuan Bible

³⁴ Dai gokiïrï baidakai ïgai go Pabora ïmadï Silas gï kiiyamu dai bhibhi. Dai kïï bhai gï ïldatu go kïïrhi buaboitudakai dai aaduñdï ïpï kïï bhai gïn ïjïrhi ïpï.

Tepehuan Northern: Diuusi ñiooquidʌ utuducami oodamicʌdʌ

³⁴ Dai gooquiʌrʌ vaidacai gʌquiiyamu dai bibi. Dai ʌgai ʌʌmadu vʌʌscatai ismaacʌdʌ quiidiʌrʌ oidacatadai aliʌ baigʌnʌliditadai vaavoitudacai.

Hechos 16:34 Referans Kwoze

Romanos 15:13

Diuxi ïgai dai gïr maakai gubukarhigai xi aatïmï bhai ïrhiarakïdï nïnïrakana ixtumaxi bia ïgai gïr bïïtarï. Kaxkïdï daanïi aanï sai ïgai kabami gïn bhai ïrhiatudana dai sai gïn maakana ïmo kïïgadukami ibhïxtaragai. Aidï gia Diuxi Ibhïadï gubukarhigakïdï kïïga bhai gin ïrhiadamu aapimï nïnïrakatai ixtuma kïïgadukami bia Diuxi gïn bïïtarï.

Filemon 1:7

Aapi gin aduñi Diuxi amadïrï, kïïga ïr ïmo gïdukami bhai ïrhiaragai in bïïtarï dai ïmo abïnakidaragai in bïïtarï ïpï maatïkatai xïï kïïga oigïdai aapi jaa. Kïïga gupurtudai aapi iibhïadï jaa tudu oigïdaitai aapi. Dai gobai ïr ïmo gïdukami bhai ïrhiaragai in bïïtarï.

Romanos 5:11

Dai ïkobïrakoga xibi Diuxi ïgai daidi ïr gïr bhai ïrhiaraga, ka bhai dunakai Gïr Nukadakami Suxi Kristo xi biakagi aatïmï urabaragai ïmadï Diuxi.

Hechos 2:46

Dai bïïx tasai gïn ïmpaidiña ïgai go gïï kiupiïrï Jerusalenïrï. Ïmapi gakuadana ïgai kiikiïrï dai bïïxi gïn bhai ïrhiarakïdï gabhibhidiña ïgai bïïxi go aadudï dai

1 Juan 3:18

Gin aaduñi, maiti gï agai sai mosïkaxi pokaitadagi aatïmï sai oigïdai aatïmï jaa. Gï agai bhaiyoma sai ibuada aatïmï ixtumaxi ïr soiñikagi jaa bïïtarï dai podukai mamaaxdagi sai buaboikïdï oigïdai aatïmï.

Filipenses 4:17

Gin aaduñi, mai xu xi ipïrhidi aanï xi gin maakiagi aapimï ïmo oidaragai dai gïn ojidi. Bhaiyoma ipïrhidi aanï sai gïn maakana Diuxi gïïpi bamioma maitïki mos ïï kïï tutiakatai aapimï gin bïïtarï.

Filipenses 4:4

Dai bïïxkatai aapimï, abïr bhai gïn ïrhiada bïïnakatai aapimï Suxi Kristo Gïr Nukadakami. Gïn aagidamu aanï ïpamu abïr bhai gïn ïrhiada aapimï.

Romanos 5:2

Buaboidakai aatïmï Suxi Kristo baa aatïmï ïmo gïdukami bhai ïrhiaragïrï ix makïdï gïr maa Diuxi gïr oigïdaitai. Dai xibi bhai ïrhiarakïdï nïnïraka xi urabagi aatïmï Diuxi xudu gï maaxitudagi ïgai xïïxi ïr gïïdukami.

Hechos 11:14

Ïgai gï aagidamu ix kaiti Diuxi ñokidï dai ixdukatai kïïgakïrï busiagi aapi ïmadï bïïxi ix makïdï gï ïmadï óídaga— itïtïdai Diuxi tïañikarudï. Pogïdui tudu— ikaiti go Piduru

Hechos 8:39

Dai bubuakïkai ïgai sudagiañdïrï Diuxi Ibhïadï todian dukai baidakai go Pirhi. Daidi go dunukami ka mai tïï ïpamu. Bhodïrï go dunukami oi gï imidaga dai kïïga bhai gï ïrhiditai imïi boiyamu.

Lukas 19:6

Dai otoma tïbai go Zakeo go uxiañdïrï dai bhai ïrhiarakïdï miadïgidi ïgai go Suxi sai gï urhiñana ïgai ami kiidïrï.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 5:29

Daidi gokiïrï Lebi idui kiidïrï ïmo gïdukami kuadagai Suxi bïïtarï dai báí kïïga mui odami. Dai ami dada mui taanïdami kuota ïmadï jaa óídakami ïpï dai ïmadï gakuadatadai ïgai go Suxi.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Hechos 16:15

Dai bhodïrï go Lidia gï bakoi ïmadï bïïxkatai ix makïdï kiidïrï óídakatadai. Daidi gïr daañimitadai ïgai dai pobïrtïtïdai, —Mïxi buaboitudadami gin ïrhiadagi aapimï kïïgakïrï aidï abïr gin kiiyïrï gïn urhiña asta xïïxkadï iimi agadagi aapimï tabhiadïrï— itïtïdai ïgai. Muiyoko pobai gïr tïtïdai ïgai dai aatïmï bhai aa dai gamo iji.

Hechos 16:35

Bhodïrï xadiko kiamoko go dudunukami otoxi ñoki sandarukïdï go maixakarui nukadakami sai dagitona ïgai go Pabora ïmadï Silas.