Hechos 15:35 - Northern Tepehuan Bible

³⁵ Daidi go Pabora ïmadï Bernabe anaaxi bii ïpï Antiokiïrï. Dai jaa kïkïïrhi ïmadï gamamaakaiña ïgai aatagi aagaitai Diuxi ñokidï.

Tepehuan Northern: Diuusi ñiooquidʌ utuducami oodamicʌdʌ

³⁵ Daidʌ ʌPaavora ʌʌmadu Bernabé ʌʌpʌ anaasi vii Antioquiiʌrʌ. Dai muidutai aa ʌʌmadu anaasi gaaagidiña Diuusi ñiooquidʌ.

Hechos 15:35 Referans Kwoze

Kolosenses 1:28

Aipakoga aiturhiña aatïmï go aatagi aagaitai Suxi Kristo tudu. Aagdiña aatïmï bïïxi óídakami. Diuxi ïgai dai gïr mamaakai tïgibudagai ix dukatai aagidagi aatïmï odami dai podukai gatïtïïgidiña aatïmï ñoki. Ipïrhidi aatïmï sai bïïna darakagi ïgai Suxi Kristo sai podukai mai biïgakagi ïgai tomarhi ïmo ixtumaxi sai kïïgakïrï nïijada Diuxi xïïxkadï ami buitapi gukakagi ïgai. Kaxkïdï gatïtïïgidiña aatïmï ñoki bïïxi óídakami.

Hechos 13:1

Ami Antiokiïrï muidukatadai buaboitudadami dai ïïmoko ïgai ïr aagadami Diuxi ñokidï dai maatïtuldiadami ïpï. Ïmoko Bernabe tïgidu, dai ïmai Ximuñi ix makïdï tuku agaiña odami, dai ïmai Lucio. Go Lucio ïr Sireniïrï oidakami. Dai ïmai Manaen tïgidu, dai ïmai Saulo. Idi Manaen ïmadï gïrakami go dunukami Erodïxi.

1 Tomoteo 2:7

Kaxkïdï gin maa sïïrhikami Diuxi ansaidi ïr otosadïkana sai bhodïrï maatïtulda aanï go óídakami ix tumaxi ïr buaboi ix makïdï maiti ïr judidiu. Sai aituldana aanï go bhai ïrhiaragai aatagi tudu. Diuxi ïr gïr kïïgakïrï bubiadamiga di dai ipïrhidi xi bïïxkatai óídakami kïïgakïrï bubuakiagi. Kaxkïdï gin maa ïgai go sïïrhikami ansaidi ïr otosadïkana. Buaboi aagai aanï tudu pokaititai sai Diuxi gin maa go sïïrhikami ansaidi ïr otosadïkana. Mai yaatagïi aanï tudu.

Hechos 28:31

Mai duadimukatai gamaamakaiña aatagi dai aagidiña ix dukatai tïanïi Diuxi dai aatagidiña aatagidï Suxi Gïr Nukadakami ïpï, mai tipukatai xorai daidagi.

Hechos 14:28

Daidi Pabora ïmadï Bernabe amaxi bii bhai tïbïpi buaboitudadami ïmadï.

Hechos 8:4

Daidi go buaboitudadami ix makïdï ka ijitadai Jerusalenañdïrï aipakoga ajiopaitadai dai aagidimitadai óídakami go bhai ïrhiaraga ñoki. Aagaiña ïgai go Suxi aipakoga ajiopaitai tudu.

Hechos 12:25

Dai go Bernabe ïmadï Saulo nonora Antiokiamu ka kugaidakai gïn aaduindaga Jerusalenïrï dai baidati ïgai go Juan Markos ïpï.

Hechos 13:12

Dai go kaigi mai tïtïgaitadai ix ïldagi kaïkatai Diuxi ñokidï. Dai buaboitu ïgai Gïr Nukadakami tïïgakai xi gï duitadai go kïïdarakami.

Hechos 15:34

Dïï mos go Silas bhaiyoma ipïrhi ix anaaxi biiyagi.