Hechos 13:29 - Northern Tepehuan Bible

²⁹ Bïïxi iduñi ïgai go Suxi ix dukatai ojixi Diuxi ñokidïrï dai bhodïrï tïbañi ïgai go Suxi tukugadï kuruxiañdïrï dai yaasa ka mukiadïkatai ïgai.

Tepehuan Northern: Diuusi ñiooquidʌ utuducami oodamicʌdʌ

²⁹ Dai aidʌsi casi idui ʌgai vʌʌsi isducatai ooja ʌDiuusi ñiñiooquituldiadamigadʌ aagaitai ʌSuusi, tʌvañi ʌgai curusiaiñdʌrʌ dai yaasa.

Hechos 13:29 Referans Kwoze

Lukas 23:53

Dai tïbanïkai ïgai tukugadï Suxi kuruxiañdïrï sai bhixa ïmo toa ikuxikïdï. Dai ïmo tïjobiïrï tïï xako mai kia gï yaasatu ixtumaxi.

VUAANA 19:30

Dai mos bixusukai Suxi go bino sai bhodïrï itïi, —Ka natorhixikami bii bïïxi aïkatai— itïi go Suxi. Dai koidamu kuiki modï dai muu.

VUAANA 19:28

Dai bhodïrï Suxi maatïkatadai sai kaxi bïïxi naatorhikatadai ix tumaxi biakatadai ïgai ix iduñagi. Dai kïïga iduña ïrhiditadai ix dukatai ojixi ïïki abhiadïrï Diuxi ñokidïrï daidi po tïi, —Tonomoka aanï— itïi ïgai. Podukai ojixikatadai ïïki abhiadïrï ix potïiya agai kaxkïdï potïi ïgai.

1 Korintios 15:4

Gïn aagidi aanï ïpï sai gï yaasatu ïgai dai bhodïrï baika tasaikïdï gï duakatu ïpamu. Gobai ka ïkiaxdïrï ojixikatadai Diuxi ñokidïrï ïpï.

Hechos 5:30

Daiñi, aapimï gatïjai kuruxiana xixaragai go Suxi dai podukai mua. Dai gïr Diuxi ix makïdï gïr ïïki aduñi xadutudaiña ïpamu duakaturhi ïgai.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

Hechos 13:27

Daiñi, go Jerusalenïrï óídakami ïmadï go bhaitï gukakami mai máí go Suxi xi ïr kïïgakïrï bubiadami. Mos ïkarhiïrï kaïkana ïgai ojadï go aagadami Diuxi ñokidï ibhïxtaragai tasïrï bapakïkai ïgai judidiu kiupaigadïrï. Dai tomaxi go ojai ïkiaxdïrï agaitadai go Suxi, go odami tomax dukai mai maatï kaï dai gatïjai muaragai. Dai podukai ka buaboi busai ixdukatai ojixi saidi gï muatuda agaitadai go Suxi.

Hechos 4:28

Go dudunukami idui ix makïdï aapi Diuxi ka ïkiaxdïrï gï tïgitotadai xi ïpïduñagi.

Hechos 2:23

Dïï bïïxkïrï aapimï bhïiyi go Suxi dai kïkïïrhi mai xadutuadami Diuxi buitapi kïi aapimï dai gatïjai sai kuruxiana xixana. Podukai gatïjai aapimï muaragai go Suxi. Diuxi ka ïkiaxdïrï maatïkatadai xi pomaaxi pogïduña agaitadai. Ka pomaaxi gï tïgito ïgai ïïki abhiadïrï sai podukai ïpïduna aidï.

Markos 15:42

Ïmo bianaxiko muu go Suxi. Dai dajatadai ïmo kïïrhi Arimateañdïrï oidakami Jose tïgidu. Ïgai ïr ïmo dunukami dai odami kïï oigïdaitadai. Tïgito ajiopaiña ïgai sai dibiagai Diuxi otosadï dai sai ïgai ïmo gïï tïanïdami dukai kïkiba aagai dibiakai. Go Jose yaasa ïrhiditadai tukugadï Suxi dïï ka uruitadai oidigi dai xadiko ka maitï aatabuayi. Kaxkïdï maigobai dáí ïgai duadimudagai dai jii dai mïï baa buidïrï go Pilato dai gatai go Suxi tukugadï.

Lukas 23:50

Dai oidakatadai ïmo kïïrhi Jose tïgidukami. Kïï tuigatadai ïgai dai kïï sïïrhi ibuadana. Ïmo gabhaitïkïakamigadï ïgai go judidiu. Dai ïgai gia mai bhai aatadai aidïxi go gaa bhaitï gukakamigadï go judidiu bhai dui ñoki ix mua agai go Suxi. Arimateïrï oidakamikatadai go Jose ix makïdï Judea munisipiïrï bipiïyi. Dai kïï buaboidaitadai ïgai sai Diuxi otsa agaitadai ïmo rey sai tïanïna tami oidigi daama.

Hechos 26:22

Dïï Diuxi kïïga gin soi. Kaxkïdï tami kïïka aanï xibi. Daiñi aanï mos apia ïxi aagidiña bïïxi odami toma xorai ïgai. Gin aatagi mos ïr ïgai baaxi aatagi ix makïdï aagaiña go Moiseskaru ïmadï go gaa aagadami Diuxi ñokidï ïïki. Aagidiña aanï óídakami sai gï agaitadai xi gï muatudagi Kristo ix duu aagai go Moiseskaru. Dai sai Kristo ïr ïpïgadadï ka agai go ix makïdï duaka agai. Dai sai ka duakakai sai bhodïrï aitulda agaitadai go bhai ïrhiaragai ñoki bïïxi óídakami ix makïdï ïr judidiu dai ix makïdï maiti ïr judidiu ïpï. Go bhai ïrhiaragai ñoki ïr ïmo kudaidakaru dukai bïïxi óídakami bïïtarï— itïtïdai Pabora.