Hechos 13:16 - Northern Tepehuan Bible

¹⁶ Dai otoma kïkiba go Pabora dai bañigi ïkadï dai podukai biaturhi go odami daidi itïtïdai, —Gin kaïkabïrai aapimï judidiu dai bïïxkatai aapimï ïpï ix makïdï maiti ïr judidiu dai xadutudai Diuxi.

Tepehuan Northern: Diuusi ñiooquidʌ utuducami oodamicʌdʌ

¹⁶ Tai otoma cʌquiva ʌPaavora dai gʌnovicʌdʌ aagidi sai dodoligicana daidʌ itʌtʌdai: ―Giñcaʌcavurai aapimʌ judidíu dai vʌʌscatai ismaacʌdʌ siaa duutudai Diuusi.

Hechos 13:16 Referans Kwoze

Hechos 12:17

Dïï mos go Piduru gï nobikïdï aagidi sai gïn dodorhimadana dai bhodïrï aagidi ïgai ixdukatai Diuxi busaitu maixakaruañdïrï. Daidi itïtïdai ïgai go odami aidï, —Aagidabïrai go Jakobo ïmadï go gaa buaboitudadami ïpï ixdukatai pogïdui— itïtïdai. Dai bhodïrï xibhïakoga jii go Piduru abhiadïrï.

Hechos 13:26

Dai Pabora oi go aatagi daidi ikaiti, —Kaïkabïrai gin aaduñi, aapimï tudu ix makïdï ïr pipiixaradï Abraam dai aapimï ïpï ix makïdï ïr xadutuadami Diuxi tomaxi maiti ïr judidiu aapimï. Bïïxkatai aapimï bïïtarï idi ñoki ixtukïdï kïïgakïrï busiagi ïmoko.

Hechos 10:2

Dai go Kornelio ïmadï aaduñdï kïïga xadutudaiña Diuxi. Ïgai dudatai soikïiña judidiu ix makïdï tïgitokana dai mai dagitokai daanïiña Diuxi tomax tuigako.

Apokalipsis 2:29

Idi ojai aagai go ñoki ix makïdï bia Diuxi Ibhïadï bïïxi go buaboitudadami aipakoga ïmpaiñdadami bïïtarï. Kïïga abïr gïn tïgito kaïka gobai tudu—.

Apokalipsis 2:17

Daiñi, idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Xorai gamaitiagi soimaaxkami bui maakimu aanï go kuadagai maná tïgidukïdï ix makïdï ïxtoki daja. Dai maakimu aanï ïmo odai tojakami ïpï xako ojixika agai ïmo tïtiaragai utudui. Dai jaa odami mai maatïkamu go tïtiaragai mosïkaxi ix makïdï maakiagi aanï— po tudu in tïtïdai Diuxi Ibhïadï.

Apokalipsis 2:11

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Daiñi, xorai gamaitiagi soimaaxkami bui tomaxi gï muatudagi ïgai mai taata agai mukigami ibhïgadï bïïtarï— ikaiti Diuxi Ibhïadï.

Apokalipsis 2:7

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Ïgai ikaiti, Daiñi, maakimu aanï oigaragai xorai gamaitiagi soimaaxkami bui sai ugana ibhiadï go uxi ixtukïdï kïïgakïrï oidakana odami bïïxkïrï bïïtarï dai ix makïdï Diuxi ïxikamigadïana kïïka tïbagiana. Po tudu ikaiti Diuxi Ibhïadï—.

Hechos 22:22

Kïïga kaïkatadai go odami Pabora ñokidï ami ukami dïï aidïxi kaï ïgai xi pokaititadai Pabora sai Diuxi otosa agaitadai maigobai mïkaxi xako óídaga go ix makïdï maiti ïr judidiu aidï ijiña ïgai daidi ikaitimi, —Muabïrai tudu— ikaitimi. —Maiti agai xi nïijada aatïmï ïpamu tanai oidigi daama— ikaitimi odami.

Hechos 21:40

Dai go komandante maa oigaragai. Baidi Pabora ami kïkiba tïsadikaruïrï. Dai bañigi gï ïka sai dodorhi biïna go odami. Dai aidïxi ka dodorhi biitadai ïgai sai Pabora ñokidi Hebreo ñokikïdï daidi itïtïdai,

Hechos 19:33

Daidi ami saagida gukatadai judidiu ïpï dai ïgai nïituka ïmo kïïrhi Alejandro tïgidukami dai odami buitapi kïi dai aagidi ix tuma tïdagi ïgai go gaa. Bai ïgai ñokia agaitadai dai bañigi gï nobi saidi dodorhi biïna go odami.

Hechos 13:46

Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.

Hechos 10:35

Diuxi kïïgakïrï nïidi tomax maaxkami odami ix makïdï ïr xadutuadami Diuxi dai ix makïdï kïïga ibuadagi— itïtïdai Piduru.

Hechos 3:12

Daidi go Piduru tïïgakai ix gïn ïmpagi mui odami daidi tïtïdai, —Gin aaduñi, aapimï Israelïrï óídakami tudu ¿Tuixi mos ïï kabami gïr nïnïidi aapimï? ¿Poïrhidi mïxi xi kaban gupuka aatïmï xi ïpï kïïga tutuiga aatïmï Diuxi bui dai ïïgi gïr gubukadagakïdï duadi aatïmï idi kïïrhi?

Hechos 2:22

Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

Hechos 2:14

Bhodïrï kïïkiba go Piduru ïmadï go bhaibuxtama dan ïmoko ojotosadï Suxi daidi go Piduru gïgïrï ño daidi ikaiti, —Kaïkabïrai gin aaduñi, aapimï Judidiu tudu, ïmadï bïïxkatai aapimï Jerusalenïrï oidakami. Kïïga abïr kaïka gin ñoki.

Lukas 1:50

Diuxi tomax tuigako soi gï ïlda nïidiña go óídakami ix makïdï kïïga xadutudai Diuxi. Ix makïdï buamï gïn ïrhidi ixdukatai nïidi Diuxi ïgai tudu—.

Mataibo 11:15

Kïïga abïr gïn tïgito kaïka ixtumaxi gïn aagidi aanï tudu— itïtïdai Suxi go odami.

Lukas 23:40

Dïï gia go gïmai gia mai podukai ño. Bhaiyoma bhagakarai ïgai ix makïdï xigarhi dukai ño daidi potïtïdai, —¿Maiti pïx duadikui xi gï maakiagi Diuxi gïgïbidaragai? Daiñi, bïï baikatai aatïmï gïr maa go dunukami ï galbaaxi gïgïbidaragai di.

Lukas 1:22

Dai aidïxi busai go Zakarias ka maiti ixtui ïgai ix ñokidagi go odami sai gokïdï go odami máí sai go Zakarias tïïtadai ixtumaxi tïïtïkiïrï dukai ami kiupai ïrana. Dai modukai mai ñokadami bii go Zakarias dai go ïï señakïdï ñokidiña odami.