Hechos 11:24 - Northern Tepehuan Bible

²⁴ Kïï tuigakami aidï go Bernabe dai kïïga buaboitudai Diuxi dai kïïga ïïgidiña Diuxi Ibhïadï. Dai mui odami buaboitu Diuxi ñokidï ami Antiokiïrï.

Tepehuan Northern: Diuusi ñiooquidʌ utuducami oodamicʌdʌ

²⁴ Bernabé ʌrʌmo cʌʌli cʌʌ tuigacami dai vʌʌsi gʌibʌdacʌdʌ vaavoitudaiña ʌgai vai Diuusi Ibʌadʌ ʌʌmadu daacatadai dai poduucai muidutai vaavoituli ʌgai Diuusi ñiooquidʌ.

Hechos 11:24 Referans Kwoze

Hechos 11:21

Diuxi kïïga soi go buaboitudadami ïgai dai ami kïïga mui odami ix makïdï maiti ïr judidiu buaboitu ïpï dagitokai gïn ïïkidadï buaboidaragai dai xibi ka oidami bii ïgai Gïr Nukadakami.

Hechos 5:14

Dïï bïïxkïrï kïïga mui kïkïïrhi ïmadï oki buaboitudaimi Gïr Nukadakami dai biïna ïgai go gaa buaboitudadami.

Hechos 6:5

Dai bïïxkatai go buaboitudadami bhai aa podukai dai ïko busaitu ïgai go Tibañi. Ïgai kïïga buaboida aimïraiña Diuxi dai Diuxi Ibhïadï tïanïiña ïgai. Dai ïko bubaitu ïgai go Pirhi ïpï, dai Prokoro, dai Nikanor, dai Timoñi, dai Parmenas, dai Nikolas. Antiokiañdïrï oidakami go Nikolas dai maiti ïr judiukatadai ïgai dai bhïiyi buaboidaragadï go judidiu.

Romanos 15:15

Dïï mos gïn tïgitulda in ïrhidi ixtumaxi ïr buaboi kaxkïdï gïn otoxi aanï idi ojai dai ïgaikïdï kïï sïïrhi gïn maa aanï ñoki. Sïïrhikïdï kïï tuiga Diuxi gin bïïtarï dai gin maa ïmo sïïrhikami kaxkïdï gïn maa aanï ñoki.

Hechos 9:31

Dai aidï chïki tasai xioma óídakatadai go buaboitudadami Judeïrï dai Galileïrï dai Samarhiïrï mai tipukatai buidïrï bïïtïkami. Kïïga xadutudaiña ïgai Diuxi dai Diuxi Ibhïadï gamaakaiña gubukadagai xi ïgai bamioma kïïga muidaimi.

Hechos 6:8

Diuxi kïïga maakaiña gubukadagai go Tibañi xi ïgai ibuadana naana maaxi ixtumaxi odami buitapi ix makïdï ïïgi Diuxi ixtutuidi xi buadagi.

Hechos 6:3

Kaïkabïrai tudu gïr aaduñi daidi gaaga kubarakami kïkïïrhi gïn saagidañdïrï ix makïdï kïï tutiakami duu nïidi odami dai ix makïdï Diuxi Ibhïadï tïanïi dai ix makïdï xioma kïï maatï aatabuadagi. Ïgai tïïgidamu aatïmï go soiñi xi ïgai takoidana bhaiyoma.

Romanos 5:7

Bhaitoma mai tipu xorai bhai aagagi xi mukiagi ïmai bïïtarï tomaxi kïï tuigakagi ïgai ¿aba? Ïbogiamaaxi oidaka antaada ïmoko ix makïdï bhai aagagi ix mukiagi ïmo kïï tuigakami bïïtarï, ix kabami kïï tuigakagi ïgai tudu.

Hechos 24:16

Kaxkïdï gaagai aanï ixdukatai oidakagi ixdukai buaboitudai aanï gin ibhïdagïrï xi ïr sïïrhi xi podukai mai xaïradagi aanï Diuxi buitapi dai odami buitapi ïpï.

VUAANA 7:12

Daidi go odami ka mos dudusurhi aatagaitadai aipakoga aagaitai go Suxi. Ïïmoko pokaitiña sai kïï tuiga go Suxi dai jaa pokaitiña sai mos buirumadai ïgai óídakami.

Lukas 23:50

Dai oidakatadai ïmo kïïrhi Jose tïgidukami. Kïï tuigatadai ïgai dai kïï sïïrhi ibuadana. Ïmo gabhaitïkïakamigadï ïgai go judidiu. Dai ïgai gia mai bhai aatadai aidïxi go gaa bhaitï gukakamigadï go judidiu bhai dui ñoki ix mua agai go Suxi. Arimateïrï oidakamikatadai go Jose ix makïdï Judea munisipiïrï bipiïyi. Dai kïï buaboidaitadai ïgai sai Diuxi otsa agaitadai ïmo rey sai tïanïna tami oidigi daama.

Mataibo 19:17

Dai Suxi potïtïdai, —¿Ix tuixi kïï tuigakami gin aagai aapi? ¿Maiti pïx maatï sai Diuxi gin aagai aapi potïkai sai kïï tuiga aanï? Mosïkaxi Diuxi buaboikïdï ïr kïï tuigakïdï tudu— itïtïdai. —Dïï gia ix kïïgakïrï oidaka ïrhiadagi aapi bïïxkïrï bïïtarï aidï gia gï agadamu xi ïïgiadagi aapi go Moises sïïrhikamigadï— itïtïdai.

Mataibo 12:35

—Daiñi, ïmo odami kïï tuigakami naana maaxi bia kïkïïgadukami ibhïgadïrï dai kaxkïdï kïïga bhai maaxi kaitiña aatagidï. Dïï gia ïmo odami mai kïï tuigakami naana maaxi bia soimaaxkami ibhïgadïrï dai kaxkïdï soimaaxi ïgai aatagidï.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Hechos 2:47

aatagaiña xïïxi kïï tuiga Diuxi. Bïïxi odami kïïgakïrï nïidiña go buaboitudadami aidï. Dai Diuxi maa tïgibudagai odami sai bïïx tasai jaa odami buaboitudaimi dai bhodïrï urabaiña ïgai go gaa ix makïdï ïr buaboitudadami ïpï.