Hechos 10:4 - Northern Tepehuan Bible

⁴ —¿Tumaxi tïgitoimi aapi?— itïtïdai Kornelio dai mos nïidi ïgai go Diuxi tïañikarudï duadimukatai. Daidi go Diuxi tïañikarudï itïtïdai aidï, —Kïïga bhaigïrhidi Diuxi kaïkatai xi daanïi aapi ïgai dai ïgai kïïga nïidi ix soikïi aapi soititigami— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴ Vaidʌ ʌCornelio mosnʌidi ʌDiuusi tʌaañicarudʌ duaadimucai. Dai amaasi tʌcacai daidʌ itʌtʌdai: ―¿Tumaasi tʌgito aapi? ―astʌtʌdai Cornelio. Amaasi ʌDiuusi tʌaañicarudʌ itʌtʌdai: ―Diuusi aliʌ baigʌʌlidi gʌmamadaragacʌdʌ dai vʌʌsicʌdʌ ismaacʌdʌ ivueeyi aapi soicʌitai soituutuigami.

Hechos 10:4 Referans Kwoze

Filipenses 4:6

Maiti abïr buamï gïn ïrhiada tomax tuma daibuñagi dai bhaiyoma abïr bïïxkïrï daanïda Diuxi sai gïn soiñana. Dai bïïxkïrï xïïxkadï aatagada aapimï Diuxi ïmadï dai gadaanïdagi abïr bïïxkïrï bhai gï ïrhiada Diuxikïdï ïpï.

Hebreos 6:10

Kaxkïdï tudu Diuxi bïïxkïrï sïïrhi ibuayi. Dai ïgai kïïga gï tïgitoka agai xïï kabami gaatabuadana aapimï Diuxi bïïtarï dai xïï kïïga soikïi aapimï go gaa buaboitudadami ïpï. Xibi ukami kia pomaaxi ibuayi aapimï tudu dai gobai ïr ïmo maaxidaragai sai kïïga oigïdai aapimï Diuxi. Bïïxi gobai gï tïgitokamu Diuxi tudu daidi gïn maakimu go bhai ïrhiaragai ix makïdï ïr sïïrhi gïn bïïtarï kïïga ibuadatai aapimï.

Hechos 10:31

Daidi gin tïtïdai, —Kornelio, kïï bhai gï ïrhidi Diuxi kaïkatai ixdukatai daanïi aapi dai ïgai nïidi ïpï ixdukatai kïïga soikïi aapi soititigami.

Apokalipsis 8:4

Dai go kubhimadarhi saagida imïiña go daañigai ix makïdï ibuadana buaboitudadami dai mïï aïjïi Diuxi buidïrï. Tïsadïi gobai abhai daxdakaruañdïrï xako toidiña go Diuxi tïañikarudï tudu.

Filipenses 4:18

Xibi ka bia aanï go oidaragai ix makïdï gin otoxdi aapimï go Epafrodito ïmadï. Kïïga ayi gobai bïïtarï ixtumaxi tïgitokatadai aanï dai asta bhaibitu. Gobai ix makïdï gin otoxdi aapimï ïr ïmo daxdaragai kïï xigian ubadami duu gin Diuxiga bïïtarï dai kïïga bhai gï ïrhidi ïgai gokïdï.

Lukas 1:29

Daidi duadimu go Maria kaïkatai ñokidï go Gabriel. Daidi pobï ïrhi ïgai, —¿Ix tuixi pobai gin tïtïdai gobai sai Diuxi kïïgakïrï gin nïidi?— gï ïrhidi ïgai.

Mataibo 26:13

Daiñi, gïn aagidamu aanï ïmo ñoki go okikïdï dai kïïga ïr buaboi gobai. Aanï aagai tudu sai bïïxi oidigi daama xako gï aagadagi go bhai ïrhiaragai ñoki, ami gï aagada agai ixtumaxi in duñi idi oki. Podukai go óídakami bïïxkïrï gïn tïgitoka agai ixtumaxi idui ïgai. Ixtumaxi gïn aagidi aanï kïïga ïr buaboi tudu— itïtïdai Suxi.

Hechos 22:10

Daidi aanï itïtïdai aidï go ix makïdï gin ñokidi, —Tïanïdami, ¿Tumaxi ipïrhidi aapi xi iduña aanï?— Daidi Gïr Nukadakami gin tïtïdai aidï, —Kïkibañi dai imi Damaskamu xi ami ïmo kïïrhi gï aagidamu pïx tuma duñagi— gin tïtïdai.

Lukas 24:5

Dai go oki kuiki ami kabami duduadimukai. Dai go kïkïïrhi potïtïdai, —¿Tuimïxi koidadï saagida gaagai aapimï ïgai ix makïdï ïr Duakakami?— itïtïdai.

Hechos 3:4

Daidi Piduru ïmadï Juan tïgito nïidi go kïïrhi aidï dai Piduru itïtïdai, —Gïr buidïrï inïnïaba— itïtïdai.

Hechos 14:9

Dai ïgai dakatai kaïkatadai aatagidï Pabora. Daidi go Pabora gï tïgito tïï ix buaboitu ïgai ix Diuxi ixtutuidikïi xi duadiagi.