Hechos 1:9 - Northern Tepehuan Bible

⁹ Dai mos potïi Suxi bai gï baidakatu ïgai tïbagiamu. Dai go ojotoxikami kia tïïgigimi xi ïmo ikomai iiña go Suxi dai ka mai tïï ïgai.

Tepehuan Northern: Diuusi ñiooquidʌ utuducami oodamicʌdʌ

⁹ Aidʌsi caaagidi ʌSuusi imaasi tʌsai tʌvaagiamu. Dai quiaa tʌʌgigi ʌojootosicami tai divia ʌmo icomai dai iiña ʌSuusi tai camaivaamioma tʌʌ ʌgai.

Hechos 1:9 Referans Kwoze

Markos 16:19

Daidi bhodïrï ka naato aagakai Suxi Gïr Nukadakami aatagidï bai Diuxi baidaja ïgai tïbagiïrï. Dai ami Diuxi maa ïmo gïïdukami sïïrhikami dai maa xi gï sïïrhixapadïrï daibana go Suxi.

Hechos 1:2

asta xuduku gï baidakatu ïgai tïbagiamu. Go Suxi maa ñoki ojotosadï mai kia imïkai tïbagiamu. Diuxi Ibhïadï gubukadadïkïdï maa ïgai ñoki dai aagidi ixdukatai duñagi. Go ojotosadï Suxi ïgai ix makïdï ïko bubaitu ïgai baasïkioñdïrï.

Exodo 19:9

Dai bhodïrï Gïr Nukadakami potïtïdai go Moises, —Daiñi, ipïrhidi aanï sai gï buaboida kaïkana go odami. Kaxkïdï xibi ïmo ikomai kobokami saagida kïkibamu aanï aapi gï buitapi bai kaïkagi go odami atagaitai aanï aapi gï ïmadï. Podukai gia gï buaboituda kaïkamu go odami— itïtïdai Gïr Nukadakami Moises. Dai bhodïrï Moises ïpamu aagidi Gïr Nukadakami ix kaititadai go Israelitas.

Apokalipsis 11:12

Dai bhodïrï ï goka ojotoxikami kaï ix gïgïrï kaiti ïmo ñoki tïbagiañdïrï daidi ikaiti, —Gimibïrai bhaigobai— ikaiti. Dai tïbagiamakoga iji ïgai ïmo ikomai saagida dai buidïrï bïïtïkamigadï mos tïïgigimi.

VUAANA 6:62

—¿Bamioma mïx buaboitudamudai ix gin tïïgiadamudai xïïxkadï noragiagi aanï tïbagiamu, aanï ix makïdï kïïgakïrï odami busai tudu?— itïtïdai.

Lukas 21:27

Aidï gia gin tïïgimu óídakami aanï ix makïdï ïr otosadï Diuxi dai ïmo kïïrhi busai. Gin tïigimu ïgai xi ïmo ikomai saagida dibiamu aanï kïïga biakatai aanï gubukarhigai dai xadutudaragai.

Apokalipsis 14:4

Go nïdami ïgai ïr kïkïïrhi ix makïdï mai ïmadï dïgabusai oki dai kïï buañixikatadai ibhïadï. Kïïga ïïgidiña ïgai go Arhi Kañiru dai aipakoga oidiña. Ïgai ïr Diuxi ïkobai bubaidadï tudu ix makïdï Diuxi sabïrhi go gaa óídakami saagidañdïrï go Arhi Kañiru ïradïkïdï. Go nïdami ïgai ïr daxdaragai dukai ïpï ïpïan dukai go daxdaragai ix makïdï ibuadana aatïmï judidiu. Aatïmï xïïxkadï gayoba agadagi gïr ïxi ibuadana aatïmï daxdaragai Diuxi bïïtarï tudu. Dadaxdiña aatïmï Diuxi go gïr ïxi ibhiadï ix makïdï ïpïgioma yoobagi aatïmï dai ix makïdï bamioma kïkïïgadu. Pomaaxi go kïkïïrhi ïgai. Ïmo daxdaragai dukai ïgai Diuxi bïïtarï kïï buañixikatai ïgai dai ïko darakatai ïgai Diuxi bïïtarï.

Apokalipsis 1:7

Kïïga gï tïgito kaïka idi ñoki, daiñi, ayimu ixtuigako dibiamu Suxi Kristo iikomai saagida imïitai dai bïïxi óídakami nïijadamu. Asta go odami ix makïdï sïi kuruxiana xixakai bïïxi nïijadamu ïpï. Dai bïïxi oidigi daama óídakami kabami suanïdamu nïiditai. Kïïga ïr buaboi xi pobai gï duñagai gobai.

Hechos 1:11

—Aapimï kïkïïrhi Galileana oidakami, ¿Tui mïxi mos gukakatai tïbagiamu nïayi? Daiñi, ïgai baa Suxi ix makïdï tïsai aapimï gïn saagidañdïrï ïpamu dibimu podukai ixdukatai tïï aapimï ix jii— itïtïdai ïgai.

1Tesalonicenses 4:17

Dai bhodïrï aatïmï ix makïdï kia duduakakagi taiyakoga iimimu ïgai ïmadï dai mïï buidïrï ayimu aatïmï Suxi Kristo ïbïltapi dai aidï gia ka ïmadï darakamu aatïmï bïïxkïrï bïïtarï.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.