Hebreos 8:2 - Northern Tepehuan Bible

² Ami ibuayi ïgai aaduindadï bhaitï kïakami dadaxdadamikatai ïgai. Ibuayi ïgai aaduindadï go gïï kiupiana tïbagiana ix makïdï kïïgakïrï ïr Diuxi kiupaigadï tudu dai ix makïdï Diuxi idui dai maiti ïr odami duñidï gobai kiupai toma lïïchi.

Tepehuan Northern: Diuusi ñiooquidʌ utuducami oodamicʌdʌ

² Mʌʌca tʌvaagiʌrʌ siaaco daja Diuusi Suusi Cristo ʌgai daidʌ ʌrgʌrpaaliga. Ʌgai ivueeyi aa duiñdadʌ papaali baitʌguucacamigadʌ.

Hebreos 8:2 Referans Kwoze

2 Korintios 5:1

Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

Romanos 15:8

Daiñi, Suxi Kristo dibia soikïda ïrhiditai go judidiu. Bïïxi naatorhixikami bia ïgai go aaduindagai ix makïdï Diuxi aagiditadai go Abraamkaru dai Isaakaru dai Jakobokaru ïïki sai ïgai iduña agaitadai. Podukai Suxi Kristo gïr tïtïgidi sai Diuxi mai yaatagïi.

Hebreos 11:10

Ikuxi bhaabhakiïrï oidakaiña go Abraam tudu nïnïrakatai ïgai ix aiyagi ixtuigako ïmo gïï kiikiïrï oidakagi ïgai. Nïnïrakatadai ïgai go gïï kiiki ix makïdï kïï kabakami kïïka dai ix makïdï Diuxi idui ixdukatai ïgai ipïrhidi. Gobai ïr ïgai ix makïdï nïnïrakatadai go Abraam.

Hebreos 10:21

Xibi bia aatïmï Suxi Kristo ix makïdï ïr gïr bhaitï kïakïdï dadaxdadamiga. Ïgai tudu ïr ix makïdï gatïanïi amïka kiidïrï Diuxi.

Kolosenses 2:11

Daiñi, aidïxi bïïnakami bii aapimï Suxi Kristo ka circuncidadugami duu bii aapimï. Dïï gia mai xu xi ïmo odami gïn ikitï dai maigobai dáí lïïchi gïn tukuga ogidï aidï dai bhaiyoma Suxi Kristo ïgai dai maigobai dáí gïn tïgibudaga ïkidadï dai soimaaxkïdï. Podukai gïn circuncido ïgai gïn ibhïdagïrï.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

Exodo 28:1

Gïr Nukadakami ñokidi go Moises daidi potïtïdai, —Daiñi, gï aagidamu aanï xibi xi maatïkamu aapi ix makïdï Israelitas ïr dadaxdadamika agai. Ipïrhidi aanï pïx ïko bubaidana aapi go Aaron ïmadï maamaradï go Aaron bïï maakoba, go Nadab dai Abiú dai Eleazar dai Itamar tudu. Gobai ïkobai bubaida aapi go gaa Israelitas saagidañdïrï dai gï miadïrï tutusada. Aanï darasamu ïgai saidi ïr gin dadaxdadamika agai— itïtïdai.

Exodo 25:9

Kïïga abïr gïn tïgito nïida dai ïïgi ix dukatai gïn aagidagi aanï podukai abïr duñi go baaki ïmadï bïïxi ix makïdï ïrana daraja agai.

Hebreos 9:1

Daiñi, go ïïkidadï sïïrhikami ix makïdï maa Diuxi go Moises, gobai aagai ixdukatai gï agaitadai xi ibuadagi xadutudaragai Diuxi bïïtarï go ikuxi kiupiïrï ïïki. Go kiupiïrï tudu ix makïdï idui go óídakami ïïki dai tami oidigi daama kïakatadai.

Hebreos 10:11

Daiñi, go dadaxdadami ix makïdï oidiña go ïïkidadï sïïrhikami biakana xi kiupiïrï gukakagi bïïx tasai dai ami oijadagi aaduindadï. Biakana ïgai xi muiyoko ibuadagi ï galbaaxi aaduindagai dadaxditai buxtaki. Gobai mai bhaigakana xi maigobai dasagi soimaaxkamigadï óídakami kaxkïdï biakana ïgai xi apia oijadagi aaduindadï bïïx tasai.

Apokalipsis 21:3

Dai gïgïrï ño ixtumaxi mïï go gïï daikaruañdïrï daidi ikaiti, —Xibi gia odami saagida daja Diuxi kiidï. Xibi odami saagida oidaka agai ïgai dai kïïgakïrï ïr Diuxigadïka agai ïmadï dakatai.