Hebreos 4:16 - Northern Tepehuan Bible

¹⁶ Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.

Tepehuan Northern: Diuusi ñiooquidʌ utuducami oodamicʌdʌ

¹⁶ Cascʌdʌ aliʌsi gʌaagai isdaanʌdagi aatʌmʌ Diuusi gʌrooga vaavoitudaitai isʌgai cʌʌgacʌrʌ gʌrnʌidi dai gʌrsoicʌi siuu duucu tʌgitoca aatʌmʌ. Ʌgai soigʌʌlidi aatʌmʌcʌdʌ cascʌdʌ. Ʌgai tʌvaagiʌrʌ daja.

Hebreos 4:16 Referans Kwoze

Efesios 3:12

Suxi Kristo kïïga idui ixdukatai Diuxi gï tïgito ïïki kaxkïdï aatïmï xibi mai duadimudakïdï aatagïi Diuxi ïmadï mos buaboidakai aatïmï Suxi Kristo. Xibi kïïga bia aatïmï ïïmadaragai ïmadï Diuxi.

Hebreos 7:25

Kaxkïdï bia ïgai gubukarhigai ix kïïgakïrï bubiadagi odami ix makïdï urapïkïdagi Diuxi buaboitudaitai ïgai Suxi Kristo. Bïïxkïrï bïïtarï daja Suxi tudu dai bïïxkïrï bïïtarï apia gadaanturhiada agai ïgai xorai urabagi.

Hebreos 13:6

Kaxkïdï bhaiga aatïmï xi mai buamï rïrhiadagi gïr ïmadï dakatai Diuxi, tomaxi mai xii mui ixtumaxi biakagi aatïmï. Dai asta bhaiga aatïmï ïpï xi pokaitadagi sai, Diuxi ïgai dai gin nukadai. Kaxkïdï ¿Ix tuixi buamï iñïrhidiña aanï xi gin buidadagi óídakami? Diuxi gin nukadai di. Daiñi, gï agai bhaiyoma xi bhai gïr ïrhiadagi ixtumaxikïdï bia aatïmï. Ka kïïga bia aatïmï ixtumaxi kabami namïakami gïr ïmadï dakatai Diuxi tudu. Dai gï agai ix mai duduadikuda aatïmï ïpï gïr nukadakatai ïgai.

1 Pedro 2:10

Kïïga ïr buaboi ixtumaxi oja go ñokituldiadamigadï Diuxi ïïki tudu. Ïgai ikaiti sai, ïkiomai maiti ïr ïmo aadunumïkana aapimï. Dïï gia xibi kaxi ïr aaduñdï aapimï Diuxi. Ïkiomai mai tipukatadai xorai buamï ïrhiadagi gïn bïïtarï. Dai xibi gia Diuxi kïïga buamï ïrhidi gïn bïïtarï, ikaiti go ñokituldiadamigadï Diuxi ïïki gïn aagaitai ïgai aapimï.

Efesios 2:18

Tomax dukai, xi ïr judiukagi aatïmï xi maiti ïr judiukagi ïpï, tomax dukai Suxi Kristo gïr maa baakigai xi urabana aatïmï gïr Oga. Xibi Diuxi Ibhïadïkïdï bhaiga aatïmï xi aatagiadagi ïgai tudu.

Hebreos 7:19

Go ïïkidadï sïïrhikami toma lachi mai soi óídakami ix kïïga biïna Diuxi ïmadï tudu. Dïï xibi gia mamaakai Diuxi sïïrhikami go Suxi Kristo saidi ïr dadaxdadamikana. Dai podukai gïr maa ïgai ïmo kïïgadukamioma buaboidaragai ix makïdï gia kïïga gïr soikïi dai kïï kabaka. Kïïga maatï aatïmï tudu sai go utudui buaboidaragaikïdï gia kïïga bia aatïmï oigaragai ix aiyagi Diuxi buitapi dai biagi ïmo urabagi ïgai ïmadï.

Lebitiko 16:2

Dai bhodïrï Gïr Nukadakami aataga ïmadï Moises daidi itïtïdai, —Aagidañi gï xïgi Aaron sai maiti agai xi mos ipïldakai baakiagi ïgai go gïï nagiïkïdï ikuxi ïbhïgidiïrï dai buidïrï go kajoñi iñaparadï xako gï boixidai ïrai bai ïgaikïdï oigïlda nïidagi aanï odami soi maaxkamigadï. Ami bïïxi adama ïr xadutudikamiïrï tudu. Xi mos ïgikïdï baakiagi ïgai mukian taada ïgai gin maaxitukai aanï kubhuxi saagida bhobai kajoñi iñaparadï dama.

Hebreos 9:5

Dai ami go kajoñi daama gukatadai goka uubixi ix makïdï ïpïamaaxi tïtïañikarudï Diuxi. Ïmo maaxidaragai dukai bïïtarï ïgai xako daja Diuxi. Dai ajana ïgai. Dai ami go kajoñi iñaparadï daama tarañdi ïgai ajaanadï. Ami go kajoñi iñaparadï daama tudu ïr xako bhai gï buadana soimaaxkamigadï óídakami Diuxi ïmadï. Ami ukami gïn aagidamu aanï xibi bïïtarï ix maaxkatadai gobai.