Hebreos 3:19 - Northern Tepehuan Bible

¹⁹ Mai buaboitu ïgai tudu dai kaxkïdï ka maiti ixtui ïgai bapakiagi dïbïradïrï xako biaka agaitadai ïgai ibhïxtaragai.

Tepehuan Northern: Diuusi ñiooquidʌ utuducami oodamicʌdʌ

¹⁹ Cʌʌ maatʌ aatʌmʌ isʌgai maivaavoitu cascʌdʌ maivaapa.

Hebreos 3:19 Referans Kwoze

Udaxi 1:5

Gin aaduñi, xibi ipïrhidi aanï ix gïn tïgitokagi aapimï ix dukatai Suxi Gïr Nukadakami kïïgakïrï bubaitu go Israelitas Ejiptuañdïrï ïïki. Gobai ïr ïmo maaxidaragai dukai bïïtarï ixtumaxi gïn aagidimi aanï xibi. Daiñi, kïïgakïrï bubaitu ïgai go Israelitas dïï gia bïïxkïrï xia dodai ïgai gokiïrï maiti ipïldakai ïgai ix buaboitudagi. Kïïga maatï aapimï bïïxi gobai dïï bïïxkïrï gïn aagidi aanï ïpamu xibi saidi gïn tïgitokagi aapimï gobai.

VUAANA 3:36

Dai bïïxkatai ix makïdï buaboitudagi Diuxi Maradï kïïgakïrï óídaka agai bïïxkïrï bïïtarï. Dïï gia xorai mai ïïgiadagi ïgai mai buaboitudaitai mai kïïgakïrï óídaka agai dai taata agai gïgïbidaragai Diuxiañdïrï bïïxkïrï bïïtarï bhaiyoma— itïtïdai Juan go mamaatïrdamigadï.

VUAANA 3:18

—Aanï tudu ïr Diuxi Maradï ïmadugakïdï dai tipu gïgïbidaragai odami bïïtarï ix makïdï gin buaboitudai. Dïï gia Diuxi ka aagai ix tuma gïgïbidaragai ajiagai odami ix makïdï maiti gin buaboitudai. Maiti ipïrhidi ïgai ix buaboitudagi tomaxi aanï ïr Diuxi Maradï ïmadugakïdï kaxkïdï— itïtïdai.

Markos 16:16

Odami ix makïdï gin buaboitudagi kaïkai Diuxi ñokidï daidi gïn bakuanakagi, ïgai kïïgakïrï bubuaki agai. Dïï gia ix makïdï mai buaboitudadagi ïgai biakamu gïïdukami gïïgïbituldaragai abhana— itïtïdai.

1 Juan 5:10

Dai bïïxi odami ix makïdï buaboitudai sai go Suxi ïr Diuxi Maradï, ïgai kïïga maatï saidi bïïxi ixtumaxi gïr aagidi Diuxi ïr buaboi aagaitai Suxi ïpï. Dïï gia odami ix makïdï mai buaboitudai yaatabogami aagai Diuxi. Mai buaboitudaitai ïgai ixtumaxi gïr aagidi Diuxi aagaitai Maradï tudu.

2 Tesalonicenses 2:12

Podukai ïr sïïrhi ka agai ix potïimu Diuxi sai ajïga ïgai gïgïbidaragai. Ka maiti ipïrhi ïgai ix buaboitudagi ixtumaaxi ïr buaboi kaxkïdï dai bhaiyoma ojoidi ix ïïgiadagi go soimaaxkami.

Romanos 11:23

Dai xi go judidiu ïma dukai gïn tïtïgitoagi dai buaboitudagi aidï gia Diuxi gïn saitudamu ïpamu go oliboïrï. ¿Tuma xijaiga aidï Diuxi bïïtarï xi abhai saitudagi ïgai ïpamu?

Hebreos 3:12

Gin aaduñi Diuxi amadïrï, gïn nukadabïrai tadu ïïmadutai aapimï soimaaxi ibuadagi mai ïïgiditai Diuxi soimaaxkatai gïn ibhïdaga buidïrï Diuxi. Po gï duña antaada ix maiti ipïrhiadagi aapimï xi kïïga buaboitudadagi Diuxi ix makïdï kïïga ïr duakakami.