Hebreos 13:7 - Northern Tepehuan Bible

⁷ Gin aaduñi, gïn tïgitodabïrai xïï kïïga óídakaiña gïn bhaitï gukakamiga Diuxi amadïrï. Gïn tïgitobïrai xïï sïïrhi óídakana ïgai ix makïdï gïn tïtïgidi Diuxi ñokidï tudu dai ïpïan dukai abïr buaboitudada dai óídaka.

Tepehuan Northern: Diuusi ñiooquidʌ utuducami oodamicʌdʌ

⁷ Daanʌdavurai Diuusi sai soicʌiña ismaacʌdʌ gʌnmaatʌtuli Diuusi ñiooquidʌ tucamidʌrʌ. Ʌgai cʌʌgacʌrʌ oidacana dai cʌʌga ivuaadana Diuusi aa duiñdadʌ. Dai aapimʌ gʌaagai mʌsʌpan duucai ivuaada ʌgai dai ʌpan duucai vaavoitudada ʌgai.

Hebreos 13:7 Referans Kwoze

Hebreos 13:17

Gin aaduñi, ïïgiadabïrai gïn bhaitï gukakamiga Diuxi amadïrï. Kaxkïdï tudu gïn nukadai ïgai sai kïïga imïna gïn buaboidaraga. Dai biakamu ïgai ix Diuxi buitapi gukibagi dai aagadagi ixtuma dui ïgai gïn nukadatai. Kïïga abïr ibuada tudu sai ïgai bhai gïn ïrhidiña gïn nukadatai dai maiti abïr ibuada ixtumaxi ixtukïdï soi gïn ïrhiadagi ïgai.

Filipenses 3:17

Gin aaduñi, gin ïpïandukai abïr óídaka. Dai gïn tïgito abïr nïijada go gaa buaboitudadami ix makïdï gin ïpïan dukai óídaga dai gin ïmadï aatabuayi tudu dai podukai abïr óídaka aapimï ïpï.

Hebreos 6:12

Kïïga maatï aapimï sai bia aapimï ïmo kïïgadukami nïnïraragai tudu. Dai kaxkïdï mai paparugakamu aapimï maatïkatai gobai. Dai bhaiyoma kabami gïn aagamu aapimï ïpïan dukai jaa ix makïdï kïïga buaboitudai ïpï. Kïïga gïn kapatudai ïgai go soimaaxi buidïrï tudu. Podukai ibuayi ïgai bhïiya ïrhiditai ixtumaxi Diuxi ka aagai sai gïr maaki agai. Dai podukai abïr ibuada aapimï ïpï.

1Tesalonicenses 1:6

Dai aapimï sïïrhikïdï kïïga ibuayi ïpï. Ibuayi aapimï ïpïandukai aatïmï ïmadï Gïr Nukadakami tudu. Daiñi, kajioma aatïmï sai jaa maiti ipïrhidi ix buaboitudada aapimï dai bhaiyoma soi gïn buididiña buaboitudakai aapimï. Dïï gia kajioma aatïmï ïpï sai tomax dukai maiti gïn daadagitoiña aapimï ix gïn maitiagi go soi ïrhiaragai xïxkadï soi gïn buididiña jaa. Saidi as gïn soikïiña Diuxi Ibhïadï sai bhai gïn ïrhidiña aapimï bhaiyoma. Podukai tudu ibuayi aapimï ix dukai ibuayi aatïmï ïmadï Gïr Nukadakami Aatïmï ïpï maiti gïr daadagitoiña ix gïr maitagi go soi ïrhiaragai tomaxi soi gïr buidadagi jaa.

Hechos 14:23

Dai bïïxi aipakoga xako gïn ïmpaidiña buaboitudadami go Pabora ïmadï Bernabe darai bhaitï gukakami bai ïgai nukadakana go buaboitudadami. Dai kaxi po duñakai ïgai sai bhodïrï gadáí ïgai Diuxi go buaboitudadami bïïtarï mai dïïkai kuadagai. Daidi itïtïdai ïgai Diuxi, —Aapi Diuxi ïr nukadakami ka agai idi buaboitudadami— itïtïdai ïgai daanïitai.

Mataibo 24:45

—Daiñi— itïtïdai. —Ïmo ga amu ix makïdï muidukagi pipioñigadï xïxkadï xibhï imi agadagi gaagaiña ïmo pioñigadï ix makïdï kïïga ïïgidaragakagi dai ix makïdï kïïga tïtïitorïi. Dai tïïgakai ïgai ïmoko pomaaxkami nukaturhiña ïgai go gaa pipioñi sai nukadakana ïgai dai bhibhidiña xïïxkadï gï agadagi— itïtïdai.

1 Tomoteo 3:5

Kaxkïdï tudu xi ïmo kïïrhi maiti ixtuidikïdagi xi kïïga tïanïdagi dai nukadakagi ïïgi maamaradï xadïrï ixtuidïna xi kïïga nukadakagi Diuxi maamaradï ïpï. Xadïrï ixtutuidïna xi kïïga nukadakagi go buaboitudadami tudu.

Hebreos 13:24

Diuxkïdï abïr biatulda bïïxi gïn bhaitï gukakamiga Diuxi amadïrï ïmadï bïïxi go gaa buaboitudadami ami ïpï. Go buaboitudadami Italiañdïrï gïn otoxdi ïmo biatuldaragai aapimï ïpï.

1Tesalonicenses 2:13

Gïr susukurhi, dudatai aagidiña aatïmï Diuxi ix bhai gïr ïrhidi maatïkatai sai kïïga buaboitudai aapimï gïr aatagi. Mai xu ix mosïkaxi odami aatagidï dukai kaï aapimï gïr aatagi tudu. Diuxi ñokidï dukai kaï aapimï bhaiyoma dai podukai aba ïgai. Dai Diuxi ñokidï kïïga gïn soikïi gïn ibhïdagïrï buaboitudaitai aapimï gobai.

1 Korintios 4:16

Kaxkïdï gïn maakai aanï ñoki xibi dai gïn daanïi sai gin ïpïandukai óídakagi aapimï.

Romanos 10:17

Mosïkaxi kaïkatai go bhai ïrhiaragai aatagi bhïjïi odami tïgibudagai xi buaboitudagi. Kaxkïdï gï agai ïgai xi kaïkagi go aatagi aagaitai Suxi Kristo.

Hechos 4:31

Daidi mos nato daanïkai ïgai Diuxi sai gigiburhi baaki xako darakatadai ïgai dai Diuxi Ibhïadï tïanïitadai bïïxkatai ïgai dai podukai mai duadimudagaikïdï aagaiña ïgai Diuxi ñokidï.

Apokalipsis 6:9

Dai bhodïrï upai go Arhi Kañiru ïpï ïmo seyugadï go libro dai aidïxi podui ïgai tïï aanï iibhïadï odami ix makïdï gïn koditu buaboidaitai ïgai Diuxi ñokidï dai aagaitai ïgai ixtumaxi ïr buaboi. Uta darakatadai ïgai go daxdakarui xako gï dadaxdi daxdaragai Diuxi.

Apokalipsis 20:4

Dai bhodïrï nïidi aanï gïgïrï daraikarui dai daama daraja ix makïdï ïr Suxi Kristo darasadï dudunukami. Dai tïï aanï ïpï xi duduakatu mui koidadï. Gobai ix makïdï tïï aanï ïr go ïpïgadï duakaragai agaikïdï. Dai aidïpïrï duduakatu koidadï ix makïdï gïn guikomatu kuxibodï aagaitai ïgai Suxi ñokidï dai Diuxi ñokidï. Duduaka ix makïdï mai xadutugi go kïixi dai tomarhi mai xadutugi ubixigadï dai maiti gïn dagito ix gïn tïpaltudagi kokobadïrï xiïpï ïïkadïrï. Ïgai tudu duduakatu ïpamu dai bhïiyi sïïrhikami dai gatïanïda agai Suxi Kristo ïmadï ïmo mirhi umigi.

Apokalipsis 1:9

Gin aaduñi, kïï maatï aanï sai soimaaxi gïn taatamiturhiña jaa bïïna darakatai aapimï Suxi Kristo dai aanï ïpï taataiña xi soimaaxi gin taatamiturhi jaa bïïna dakatai aanï Suxi Kristo ïpï. Ïmo xïgïmï aatïmï tudu soimaaxi gïr taatamiturhitai jaa aatïmï bïïxkatai. Dïï gia ïmaduga Gïr Nukadakami dai ïgai ïr Suxi Kristo. Dai bïïna darakatai aatïmï ïgai buyiña aatïmï gubukarhigai ixtukïdï gïr kabakadagi go soi ïrhiaragai bui. Gïn aagidamu aanï ix dukatai gin daibusai ïmo imidagai tumiñoko. Ïmo arhi oidigana dajatadai aanï aidï ix makïdï go gïï sudagi ïrana kaatï. Patmos tïgidu go arhi oidigi ïgai. Ami gin maixatutadai jaa aagaitai aanï Diuxi ñokidï dai aagaitai Suxi Kristo. Ami dajatadai aanï tudu dai ïmo imidagai gin tïanïitadai Diuxi Ibhïadï dai aanï kïïga ïïgidimi bai todian dukai ïgai gubukadadïkïdï kaï aanï ix gïgïrï ño ïmoko gin gokiañdïrï. Po ïrhiadan kaiti trompeta.

2 Tesalonicenses 3:9

Kïïga biakatadai aatïmï sïïrhikami ix gïn tañiagi soiñi dïï bhaiyoma gaatabuadana aatïmï dai maitïkïiña ixtukïdï óídakagi. Kaxkïdï tudu ipïrhiditadai aatïmï ix gïr nïiditai maatïkagi aapimï ixdukatai gï agai ix oidakagi ïmoko.

1 Korintios 11:1

Daiñi, aanï ïpïan dukai ibuayi Suxi Kristo kaxkïdï abïr gin ïpïan dukai ibuada ïpï.

Lukas 12:42

Dai Suxi potïtïdai, —Go ñoki gobai ïr toma xorai bïïtarï ix makïdï ïr pipioñikagi duu kïïga ïïgidarakan tuigakami dai biakami kïïga tïgibudagai. Daiñi, ïmo ga amu ix makïdï muidukagi pipioñigadï xïxkadï xibhï imi agadagi gaagaiña ïmo pioñigadï ix makïdï kïïga ïïgidarakagi dai ix makïdï kïïgadu tïgibudadï. Dai tïïgakai ïgai ïmoko pomaaxkami nukaturhiña ïgai go gaa pipioñi sai nukadakana ïgai dai sai bhibhidiña xïïxkadï gï agadagi— itïtïdai.

Lukas 8:11

—Gïn aagidamu aanï ix tïiya ïrhidi go maaxidaragai ñoki tudu. Daiñi— itïtïdai. —Go ïxtokai ïr ïmo maaxidaragai aagaitai Diuxi ñokidï.

2 Tesalonicenses 3:7

Kïï maatï aapimï sai gï agai ix gïr ïpïan dukai óídakagi aapimï tudu. Daiñi, kïï nïidi aapimï sai mai paparïgakana aatïmï gïn ïmadï darakatai.

1 Korintios 10:13

Gï agai ix kïï gï tïgitokagi ïmoko tudu. Daiñi, go soimaaxkami ajïi bïïxi odami. Kaxkïdï maiti gï agai xi po gï ïrhiada aapi sai mosïkaxi ïmoko gï ajïi gobai. Dïï gia kïïga gï maatï sai kïï tuiga Diuxi dai maiti gï dagitomu buaboitudadamikatai aapi dai bhaiyoma gï soikïdamu ïgai sai biakana aapi ix dukatai bui kïïkibagi go soimaaxi.

Hechos 13:46

Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.

Lukas 5:1

Daidi ïmo imidagai Suxi gatïtïïgiditadai ñoki ugidïrï go gïï sudagi Galilea tïgidukïdï. Dai kïïga mui gïn ïmpagi odami ami kaïka ïrhiditai Diuxi ñokidï. Dai asta gïn nïituskimi ïgai aipakoga miadïrïioma kaïka ïrhiditai go ñoki. Dai ka mai bii tomarhi xako kïïkibagi Suxi.

1 Pedro 4:11

Dukami, ix makïdï gatïtïïgiadagi ñoki gï agai sai kïïga ñokadagi ñokiturhikatai ïgai Diuxi. Dai ix makïdï soikïdagi jaa gï agai sai kabami gï aajagïdagi soikïitai bïïxi go gubukarhigaikïdï ix makïdï gamamaakai Diuxi. Bïïxi ixtumaxi ibuadagi aapimï abïr Diuxi gubukarhigadïkïdï ibuada saidi jaa xadutuadana Diuxi nïiditai ixtumaxi ibuayi aapimï gïn soikïitai Suxi Kristo. Suxi Kristo ïgai dai bïïxi adaama gï xadutuada agai bïïxkïrï bïïtarï tudu dai bïïxi adaama gatïanïda agai ïgai ïpï. Gobai gia ïr buaboi.