Hebreos 13:6 - Northern Tepehuan Bible

⁶ Kaxkïdï bhaiga aatïmï xi mai buamï rïrhiadagi gïr ïmadï dakatai Diuxi, tomaxi mai xii mui ixtumaxi biakagi aatïmï. Dai asta bhaiga aatïmï ïpï xi pokaitadagi sai, Diuxi ïgai dai gin nukadai. Kaxkïdï ¿Ix tuixi buamï iñïrhidiña aanï xi gin buidadagi óídakami? Diuxi gin nukadai di. Daiñi, gï agai bhaiyoma xi bhai gïr ïrhiadagi ixtumaxikïdï bia aatïmï. Ka kïïga bia aatïmï ixtumaxi kabami namïakami gïr ïmadï dakatai Diuxi tudu. Dai gï agai ix mai duduadikuda aatïmï ïpï gïr nukadakatai ïgai.

Tepehuan Northern: Diuusi ñiooquidʌ utuducami oodamicʌdʌ

⁶ Cascʌdʌ aatʌmʌ istutuidi ispocaitiadagi vaavoitudaitai Diuusi: Diuusi ʌgai dai gʌrsoicʌi Cascʌdʌ maiʌʌbʌidi aatʌmʌ tomali ʌmaadutai. Iscaitiadamu aatʌmʌ.

Hebreos 13:6 Referans Kwoze

Romanos 8:31

¿Ix tïiya ïrhidi aidï gïr bïitarï idi ix makïdï gïn aagidimi aanï idi ojiïrï? Diuxi ïgai dai gïr abhana kïïka dai gïr soikïi ¿aba? ¡Xadïrï ixtuidïna gïr buidïrï bïïtïkami gïr bui aidï!

Hebreos 4:16

Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.

Mataibo 10:28

—Gin aaduñi— itïtïdai. —Odami ixtutuidi xi mosïkaxi muagi gïn tukuga dïï gia gïn ibhïdaga maiti ixtutuidi ïgai ix muagi. Kaxkïdï maiti gï agai xi ïbhiadagi aapimï. Gï agai bhaiyoma xi ïbhiadagi aapimï Diuxi. Ïgai gia kïïga ixtutuidi xi xia duadiagi odami tukugadï ïmadï modukai ibhïgadï daitudakai ïgai go ibhïadï go gïï taiyïrï. Pokaxi gubuka ïgai tudu— itïtïdai.

Efesios 3:12

Suxi Kristo kïïga idui ixdukatai Diuxi gï tïgito ïïki kaxkïdï aatïmï xibi mai duadimudakïdï aatagïi Diuxi ïmadï mos buaboidakai aatïmï Suxi Kristo. Xibi kïïga bia aatïmï ïïmadaragai ïmadï Diuxi.

Hebreos 10:19

Gin aaduñi Diuxi amadïrï, ïkioma go bhaitï kïakamigadï go dadaxdadami bapakïiña ïbhïgidïrï go gïï ikuxi ix makïdï kiupiana nagiïkatadai. Ami aïjïiña ïgai xako bïïxi adaama xadutudikïdï tïgidu bhïï aimïraitai buxtaki ïradï. Dïï gia xibi bia aatïmï ïmo utudui baakigai sai aïna aatïmï Diuxi buitapi. Xibi Suxi Kristo ka aaxi ïradï mukukai gïr bïïtarï tudu. Dai kaxkïdï xibi bia aatïmï oigaragai xi mai duadikoitai aiyagi Diuxi buitapi. Ïkioma go gïï ikuxi sobhikïiña óídakami ix aiyagi xako daja Diuxi. Dïï gia Suxi Kristo dáí tukugadï mukukai gïr bïïtarï sai biakana aatïmï oigaragai ix aiyagi Diuxi sai podukai kïïgakïrï óídakana aatïmï.