Hebreos 13:14 - Northern Tepehuan Bible

¹⁴ Idi oidigi mai kïïgakïrï ïr gïr kii tudu. Tami mosïkaxi chïki tasai bïïtarï óídaka ragai. Nïnïraka aatïmï ïmai kiiki kia tudu ix makïdï gokiïrioma kïkiba agai dai bïïxkïrï bïïtarïka agai.

Tepehuan Northern: Diuusi ñiooquidʌ utuducami oodamicʌdʌ

¹⁴ Cʌʌ maatʌ aatʌmʌ sai istumaasi oidaga tami oidigi daama ugitia agai cascʌdʌ nʌnʌra aatʌmʌ istuigaco iimia ragai tʌvaagiamu siaaco daja Diuusi dai ʌʌmadu oidaca ragai tomastuigaco.

Hebreos 13:14 Referans Kwoze

Filipenses 3:20

Dïï aatïmï gia bia gïr oidakaraga tïbagiana dai bhai ïrhiarakïdï nïnïraka aatïmï xi mïkadïrï dibiagi Suxi Kristo Gïr Nukadakami ix makïdï ïr gïr kïïgakïrï bubiadamiga.

Hebreos 12:22

Dïï gia aapimï buaboitudadami xibi mai iji ïmo tubidakïrï podukai aidïxi buaboitu aapimï go utudui sïïrhikami ix makïdï bhai dui Diuxi gïn ïmadï. Gïïpi bamioma bhai ïrhiaraga xako iji aapimï. Mai iji aapimï go Sinaí tubidakïrï ix dukai idui go Israelitas ïïki aidïxi maa Moises go ïïkidadï sïïrhikami tudu. Bhaiyoma sïïrhi bapakïi aapimï xako odaga Diuxi ka buaboitudakai aapimï. Daiñi, gobai ïr ïpïan dukami ix makïdï ibuadana gïn aaduñi ïïkidadï. Aïjïiña ïgai xako Zión Gidiïrï tïgidu xadutuada agaitai Diuxi ïïki. Ajïiña ïgai Jerusalenïrï tudu dai ami xadutudaiña ïgai Diuxi. Dai xibi buaboitudakai aapimï kaxi ïr ïpïandukami gobai ïpï ix ka aiyandui aapimï Ziónïrï ïpï dai go utudui Jerusalenïrï ix makïdï tïbagiana daja xakoga kabami muidu mirhi tïtïañikarudï Diuxi. Ayi aapimï Diuxi tudu dai xadutudai aapimï oigïda ñokaitai aapimï.

Efesios 2:19

Kaxkïdï xibi Diuxi ka mai xibhïadïrï óídakami dukai gïn nïidi, aapimï ix makïdï maiti ïr judidiu. Xibi kïïga bia aapimï ïïmadaragai ïmadï Diuxi. Ïmo gïn aadunumï dukai aapimï ïmadï ix makïdï Diuxi ïko bubaitu, ïmadï go judidiu tudu. Xibi kaxi ïr Diuxi aaduñdï aapimï.

2 Korintios 4:17

Go soi ïrhiaragai ix makïdï taatamai aatïmï xibi mai xii kabami bïïtï tudu daidi otoma daibuskïi. Dai gokiïrï gïr buapidamu gobai go bhai ïrhiaragai ix makïdï bïïxi adaama bhai ïrhiaraga dai bïïxkïrï bïïtarïka agai gobai.

1 Korintios 7:29

Gin aaduñi, gïn aagidamu aanï ix tïiya ïrhidi go ñoki ix makïdï gïn maa aanï. Daiñi, ka mai xii mui tasai gïr bii tami idi oidigi daama ix kaxkïdï gï agai ix kïïga gïr urabakatai óídakagi Diuxi Gïr Nukadakami ïmadï. Ix makïdï ïmadï daja aduñdï maiti gï agai ix otïrhioma urabagi Diuxi kabami tïgito aimïraitai aduñdï tudu.

1 Pedro 4:7

Gin aaduñi, ka miadaimi ix ugitiagi oidigi. Kaxkïdï abïr kïïga gïn tïtïgitoda dai kïïga nïnïasïrhigan dukai abïr daanïda Diuxi.

Hebreos 4:9

Kia oidaga ïmai ibhïxtaragai Diuxi aaduñdï bïïtarï tudu, ix makïdï ibhïxtaragai tasïrï gï dukami.

Hebreos 2:5

Dai gï agai xi maatïkagi aapimï ïpï sai Diuxi podukai aagai sai mai xu xi go tïtïañikarudï Diuxi ïr ïgai ix makïdï gatïanïda agai xïxkadï ka bhïiyagi aatïmï gïr utudui oidakaragai. Jaa ïgaikamu ix makïdï gatïanïda agai.

Hebreos 9:11

Xibi Suxi Kristo ïr ï gabhaitïkïakami dadaxdadami gïr bïïtarï tudu. Dai ka bhai dui ïgai gïïpi bhai ïrhiaragai gïr bïïtarï. Ïgai gia baa go bïïxi adaama xadutudikïdï kiupiïrï ix makïdï maiti ïr duñidï odami. Go kiupai ix makïdïrï baa ïgai mai biïga toma lïïchi. Mai tami oidigi daama kïïka ïgai kaxkïdï. Mïï tïbagiana kïïka tudu.

Hebreos 10:34

Soi gïn ïrhidiña aapimï ïgai bïïtarï ix makïdï gïn maamaixatudiña ïpï. Dai tomaxi go dudunukami gïn bopoidiña gïn buxtuidaga aapimï bïïxkïrï mai buamï ïrhidiña. Bhai gïn ïrhidiña aapimï bhaiyoma maatïkatai sai bia aapimï ixtumaxi bamioma kïïgadukami ix makïdï tomarhi ïmo imidagai mai ugiti agai.

Hebreos 12:27

Dai gobai itïiya ïrhidi sai xia duadamu ïgai bïïxi ixtumaxi idui ix makïdï mai bïïxkïrï bïïtarï kabaka agai, mai xudu xi ïr ixtumaxi tïbagiana xi ïr tami oidigi daama ïpï. Bïïxi xia duadamu ïgai. Poduñimu ïgai sai mosïkaxi biïna ixtumaxi gia bïïxkïrï bïïtarï kaapakana.

Apokalipsis 3:12

Daiñi, xorai maitiagi go soimaaxi bui bïïxkïrï bïïtarï óídaka agai kiidïrï gin Diuxiga. Ka mai maigobai iimimu ïgai abhiadïrï. Ix xïïxi kabakami guka sasarakami kiidïrï Diuxi pokaxi kabakami gukakamu ami odami ix makïdï maitiagi soimaaxi bui ïpï. Ami Diuxi kiidïrï tutusamu aanï odami ix makïdï maitiagi soimaaxkami bui tudu sai ka mai tipukana ixdukatai bubaidagi abhiadïrï. Dai kokobadïrï ojamu aanï tïtiaradï gin Diuxiga dai tïtiaradï go gïï kiiki xako oidakami Diuxi ïpï. Gobai ïr go utudui Jerusalen ix makïdï tïbañimu tïbagiañdïrï. Dai ojamu aanï go utudui tïtiaragai ix makïdï biakamu aanï aidï ïpï.