Hebreos 12:29 - Northern Tepehuan Bible

²⁹ Kaxkïdï tudu xïxkadï gïr Diuxiga gïgïbituldagi soimaaxi ibuadami ïpïan dukai ibuayi ïgai ïmo táí ix makïdï nato mïmïidi bïïxi ixtumaxi mai buañixikagi.

Tepehuan Northern: Diuusi ñiooquidʌ utuducami oodamicʌdʌ

²⁹ Maatʌcatai isDiuusi gʌrooga sʌʌlicʌdʌ soimaasi taatamituldi vʌʌsi soimaasi ivuaadami.

Hebreos 12:29 Referans Kwoze

Hebreos 10:27

Ix modukai maiti ipïrhiada ïgai ix buaboitudagi aidï gia ka mos duadimuka agai ïgai nïnïrakatai sai Diuxi aagadagi ix bhai kïïga dui ïgai ix mai kïïga dui ïpï. Dai gokiïrï taatamu ïgai gïgïbidaragai go gïï taiyïrï xako xia gïn duñimu go buidïrï bïïtïkamigadï Diuxi.

2 Tesalonicenses 1:8

Dai aidï gï sïïrhiñdamu Suxi ïmadï go odami ix makïdï maiti ipïrhi ix urabagi Diuxi. Gïgïbituldamu ïgai tudu ix makïdï mai buaboitu go bhai ïrhiaragai aatagi ix makïdï aagai Suxi Kristo.

2 Korintios 5:11

Sïïrhikïdï gïr tïgito ajiopaiña aatïmï sai ayi agai ixtuigako aagada agai Gïr Nukadakami ix tumaxi ajïaka agai bïïxi óídakami tudu. Dai kaxkïdï kabami abïnakidiña aatïmï óídakami saidi buaboitudaiña ïgai gïr ñoki. Diuxi kïï maatï ix tutuiga aatïmï dai ix mai yaatagïi aatïmï gatïtïïgiditai ñoki. Dai ipïrhidi aatïmï sai aapimï ïpï maatïkana gïn iibhïdagïrï ix tutuiga aatïmï dai sai mai yaatagïi aatïmï.

2 Tesalonicenses 1:7

Go gaa soimaaxi gïn taatamiturhi dïï Diuxi gïn maakai ïmo ibhïxtaragai gïn ibhïdagïrï. Dai gokiïrioma gïr maakimu ïgai ibhïxtaragai bïïxkatai aatïmï buaboitudadami xïïxkadï gï maaxitudagi Suxi Gïr Nukadakami dibiakai ïgai tïbagiañdïrï. Amaxi dibiamu ïgai ïmadï tïtïañikarudï kabami gupukami dai ïmadï imïdamu ïmo táí kabami gubuakami ïpï.

Hebreos 10:31

Daiñi, Diuxi buaboikïdï ïr go duakakami Diuxi dai kïïga gubuka ïgai. Kaxkïdï kabami ïbhiaraga bïïtarï ix makïdï Diuxi gïgïbituldagi.

2 Pedro 3:7

Dai xibi go ñokidï gubukadadïkïdï nukadai ïgai go oidigi ïmadï tïbagi asta xïïxkadï bïïxi mïidagi ïgai táíkïdï. Po gï duñimu gobai xïïxkadï aiyagi ix aagadagi Diuxi xorai kïïga idui dai xorai mai kïïga idui tudu. Amaxi bïïxi nato xia duadamu ïgai go odami ix makïdï mai ïïgidi.