Hebreos 12:23 - Northern Tepehuan Bible

²³ Gin aaduñi, ka urabaka aapimï bïïxi go buaboitudadami. Ka bipiatu aapimï ïmo sïïrhikami dai ïmo bhai ïrhiaragai Diuxi amadïrï tudu ïpïan dukai bïïxi buaboitudadami. Daiñi, bïïxi odami ix makïdï ïr gaxixïgi bhïiyi sïïrhikamigadï ogadï. Dai bïïxi buaboitudadami ïr gaxixïgi duu, maamaradïkatai ïgai Diuxi. Bipiatu aapimï ïmo gïdukami bhai ïrhiaragai sïïrhikami tudu aidïxi Diuxi podukai aagai sai aapimï ïr maamaradï. Saidi aapimï ïr gaxixïgi duu tudu. Gin aaduñi, ka urabaka aapimï go buaboitudadami ix makïdï ka ojixi tïbagiana. Xibi ka buaboitudakai aapimï bapakïi aapimï Diuxi buitapi gïn iibhïdagakïdï. Dai ïgai ïr ix makïdï aagada agai xorai kïï dui dai xorai mai kïï dui. Ami Diuxi buitapi xako ajïi aapimï ami daraka go odami ix makïdï kïï buañixi iibhïadï daidi ka koi. Ka urabaka aapimï go buaboitudadami ix makïdï ka kïïgakïrï bubuaka. Ïgai ïr ix makïdï ka bhai duñixi iibhïadï Diuxi bïïtarï tudu.

Hebreos 12:23 Referans Kwoze

Santiago 1:18

Diuxi ïgai dai gïr maa gïr utudui oidakaragai tudu aidïxi buaboitu aatïmï Diuxi ñokidï ix makïdï kïïga ïr buaboi. Podui ïgai saidi ïko darasadïkana aatïmï, saidi podukai aatïmï ix makïdï buaboitudai ïpïgioma ïko ïr darasadïkana ix bhai ïma maaxi ixtumaxi ix makïdï idui ïgai tudu. Podukai aatïmï bamioma namïakami bii Diuxi bïïtarï xi bhai go gaa ixtumaxi ix makïdï idui ïgai. Ïïgi podukai gï tïgito Diuxi dai kaxkïdï podui ïgai.

Hebreos 11:40

Aatïmï gïr tïtïitoitadai Diuxi aidï, kaxkïdï mai otoma maa ïgai ixtumaxi aagidi. Podukai gï tïgito ïgai sai bamioma kïïgadu aatïmï gïr bïïtarï xi go ïïkidadï buaboitudadami nïnïrakagi kia asta xïxkadï bhïiyagi aatïmï ïpï ixtumaxi bia Diuxi gïr bïïtarï. Podukai gï tïgito Diuxi sai gïr aïna gobai bïïxkatai aatïmï buaboitudadami ïmapi tudu dai mai xu xi mosïkaxi go ïïki óídakami aiyagi gobai ïpïgioma. Podukai gï tïgito Diuxi dai kaxkïdï go buaboitudadami ïïkidadï mai otoma biatu ixtumaxi bia Diuxi bïïxkatai aatïmï gïr bïïtarï, ïgai ïmadï aatïmï ïpï tudu.

Lukas 10:20

dïï gia maiti gï agai xi gobai ïr gïn bhai ïrhiaragakagi. Gï agai bhaiyoma xi bhai gïn ïrhiadagi ka ojixikatai gïn tïtiaraga tïbagiana— itïtïdai Suxi ojotosadï.

Apokalipsis 14:4

Go nïdami ïgai ïr kïkïïrhi ix makïdï mai ïmadï dïgabusai oki dai kïï buañixikatadai ibhïadï. Kïïga ïïgidiña ïgai go Arhi Kañiru dai aipakoga oidiña. Ïgai ïr Diuxi ïkobai bubaidadï tudu ix makïdï Diuxi sabïrhi go gaa óídakami saagidañdïrï go Arhi Kañiru ïradïkïdï. Go nïdami ïgai ïr daxdaragai dukai ïpï ïpïan dukai go daxdaragai ix makïdï ibuadana aatïmï judidiu. Aatïmï xïïxkadï gayoba agadagi gïr ïxi ibuadana aatïmï daxdaragai Diuxi bïïtarï tudu. Dadaxdiña aatïmï Diuxi go gïr ïxi ibhiadï ix makïdï ïpïgioma yoobagi aatïmï dai ix makïdï bamioma kïkïïgadu. Pomaaxi go kïkïïrhi ïgai. Ïmo daxdaragai dukai ïgai Diuxi bïïtarï kïï buañixikatai ïgai dai ïko darakatai ïgai Diuxi bïïtarï.

Exodo 4:22

Bhodïrï Diuxi potïtïdai go Moises, —Aagidañi aapi go Rey sai xïïxi oigïdai ïgai maradï gïdukïdioma po kaxi oigïdai aanï gin aaduñi go Israelitas agaikïdï. Gin maara aagai aanï go Israelitas— tïdamu aapi.

Hebreos 9:27

Daiñi, odami mos arhi ïmo imidagai mumukui. Dai gokiïrï arhi ïmo imidagai aagada agai Diuxi ix bhai kïïga dui ïgai xiïpï xi mai kïïga dui ïpï.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.

1 Pedro 2:23

Xïïxkadï odami galnaaxi ñoki aagidi, Suxi apia bhai maaxi ñoki aa noraidiña. Tomaxi soi buididiña jaa bïïxkïrï Suxi mai pokaitiña sai aa noraida agai soimaaxi gï sïïrhiñda agaitai ïgai ïmadï. Dai bhaiyoma nïnïrakana Suxi sai aagana Diuxi xorai kïï idui dai xorai mai kïï idui dai sai Diuxi maakana gïgïbidaragai xorai ajïakagi.

Hebreos 11:4

Gin aaduñi, kïïga gï maatï sai go Abel kïïga buaboitu Diuxi dai kaxkïdï bamioma kïïgadukatadai ïgai daasadï xi bhai go Kain daasadï. Go Abel buaboitu Diuxi dai kaxkïdï Diuxi kïïgakïrï tïï dai aagidi sai bhai gï ïrhidi go daxdaradïkïdï ix makïdï buapi ïgai. Dai xibi tomaxi go Abel ka muu bïïxkïrï ïgaikïdï mamaatïrïi aatïmï ixdukatai buaboitudagi aatïmï Diuxi ïpï.

1 Tomoteo 3:5

Kaxkïdï tudu xi ïmo kïïrhi maiti ixtuidikïdagi xi kïïga tïanïdagi dai nukadakagi ïïgi maamaradï xadïrï ixtuidïna xi kïïga nukadakagi Diuxi maamaradï ïpï. Xadïrï ixtutuidïna xi kïïga nukadakagi go buaboitudadami tudu.

Filipenses 4:3

Dai aapi kïïrhi ix makïdï kïïgakïrï gin soikïiña aaduindagïrï, aapi kïï maatï xorai aapi. Ipïrhidi aanï sai soiñana aapi go Eubodia ïmadï go Síntike sai gïn oigïdada ïgai ïpamu. Ïgai bïï gokatai ïr maamaradï Diuxi tudu dai gin ïmadï gaatabuadaiña ïpï aipakoga gaaiturhitai go bhai ïrhiaragai aatagi. Uurapïkïiña ïgai go Klemente ïmadï go gaa buaboitudadami ïpï ix makïdï gin soikïiña. Ga soikïiña ix makïdï tïtiaradï ojixi go libroana xako ojixi ix makïdï bïïxkïrï bïïtarï óídaka agai. Ipïrhidi aanï sai aapi kïïrhi soiñana sai bhai buada ïgai ñoki tudu saidi gïn oigïdada ïgai ïpamu.

Efesios 1:22

Diuxi maa Suxi Kristo sai ïgai tïanïna bïïxi aïkatai. Dai Diuxi dáí Suxi Kristo saidi ïr modïkana go buaboitudadami bïïtarï, sai podukai bïïxi aïkatïrï tïanïna ïgai go buaboitudadami.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

VUAANA 5:27

Dai gin maa ïgai ïmo sïïrhikami ïpï. Aanï kïïgakïrï odami busai ix kaxkïdï Diuxi gin maa sïïrhikami ix aagada aanï xorai ïr kïïga ibuadami dai xorai ïr mai kïïga ibuadami ïpï— itïtïdai.

Kolosenses 1:24

Gin aaduñi Diuxi amadïrï, aanï soimaaxi taatamai xibi ibuadatai ïmo aaduindagai ix makïdï ïr soiñi gïn bïïtarï. Dïï gia tomaxi soimaaxi taatakagi aanï bïïxkïrï bhai gin ïrhidiña aanï maatïkatai sai aapimï gïn bïïtarï soimaaxi taataimi aanï. Daiñi, Suxi Kristo soimaaxi taata go buaboitudadami bïïtarï baasïkioma dai xibi aanï in ajïga xi soimaaxi taatagi go buaboitudadami bïïtarï ïpï ïpïan dukai ïgai.

Kolosenses 1:12

aagidiña aapimï Diuxi sai kïïga bhai gïn ïrhidi ïgaikïdï. Sai bhai gïn ïrhidiña aapimï tudu Diuxikïdï maatïkatai sai ïgai ka bhai gïr dui sai biakana aatïmï bïïxi ixtumaxi bia Diuxi gïr bïïtarï. Aatïmï gïr bïïtarï tudu ix makïdï kaxi ïr maamaradï. Aatïmï ix makïdï kudagiïrï dukai óídaga ïïgiditai ixtumaxi ïr buaboi tudu.

2 Korintios 5:8

Daiñi, tïtïitoi aatïmï Gïr Nukadakami, ïmadï óídaka rïrhiditai tïbagiana dai kaxkïdï mai buamï rïrhiditai óídaga aatïmï tami oidigi daama. Asta ka bhai duka aatïmï ix dagitoagi gïr tukuga ipïrhiditai ix ïmadï darakagi Suxi Kristo tïbagiana tudu.

1 Korintios 15:54

Xïïxkadï ka biakagi aatïmï gïr tukuga utudui aidï ka buaboi busaimu go ojai xakoga ikaiti sai, Diuxi ka maitï go mukigami bui.

1 Korintios 13:12

Dai pomaaxi aatïmï buaboitudadami ïpï. Xibi kia komaikami maaxi Diuxi gïr bïïtarï ïpïan dukami xi ïmo nïidakaru komaikamiïrï nïijadamudai aatïmï ïgai. Mai maatï aatïmï naana maaxi kia kaxkïdï. Dïï gia kugaidakai Diuxi aaduindadï aidï gia kïïga buijako nïijadamu aatïmï Diuxi. Xibi palïpi maatï aatïmï Diuxi dïï ka kugaidakai ïgai aaduindadï kïïga maatïkamu aatïmï. Aidï gia ix xïï kïïga gïr maatï ïgai po kaxi kïïga maatïkamu aatïmï ïpï ïgai.

1 Korintios 15:49

Daiñi, maa Diuxi tukugadï bïïxi oidakami ix maaxi maa ïgai go tukamïrï kïïrhi oidigi daama oidakami, go Adán tudu. Dai podukai ïpï aatïmï ix makïdï buaboitudai Suxi Kristo gïr maakimu ïgai tukuga ix maaxi bia Suxi Kristo ix makïdï tïbagiana daja.

Hebreos 2:12

Dai kaxkïdï ïpï Suxi potïtïdai Diuxi sai, Ñokadamu aanï gin aaduñi buitapi ix makïdï ïr gin mamaatïrdamiga. Ga aagiadamu aanï xïï kïï tuiga aapi tudu. Ganïdamu aanï ïpï gïr ïmpaiñdaragiana aagaitai xïï kïï tuiga aapi ïpï, itïtïdai.

Apokalipsis 6:9

Dai bhodïrï upai go Arhi Kañiru ïpï ïmo seyugadï go libro dai aidïxi podui ïgai tïï aanï iibhïadï odami ix makïdï gïn koditu buaboidaitai ïgai Diuxi ñokidï dai aagaitai ïgai ixtumaxi ïr buaboi. Uta darakatadai ïgai go daxdakarui xako gï dadaxdi daxdaragai Diuxi.

Apokalipsis 6:11

Dai ïmadutai ix makïdï ami dajatadai maa yukuxi totoakami go buaboitudadami iibhïadï dai potïtïdai, —Diuxi maatï xïïkiduka agai ix makïdï gïn kodituda agai ïpïan dukai aapimï buaboidaitai ïgai dai aagaitai ixtumaxi ïr buaboi dai mai kia ayi go kaaki— itïtïdai. —Kaxkïdï gï agai xi nïnïrakagi aapimï ïpï chïki tasai kia dai gïn iibhïxtagi asta xïxkadï gïr buidïrï bïïtïkamiga kodagi go kaaki buaboitudami— itïtïdai.