Hebreos 11:35 - Northern Tepehuan Bible

³⁵ Ka mui aagai aanï ïïki óídakami ix makïdï kïïga buaboitudaiña Diuxi dïï kia biïga ïpï jaa. Daiñi, oidakatadai oki ix makïdï aaduñdï ïpamu gïn duduakatu ka kokai ïgai. Oidakatadai jaa ix makïdï óídakami soi buididiña ipïrhiditai sai dagitona buaboidaradï. Dïï ïgai bhaiyoma ipïrhidiña ix soimaaxi taatakagi maiti ipïrhiditai ix dagitoagi buaboidaradï. Buaboitudai ïgai sai biaka agai ïgai ïmo kïïgadukamioma oidakaragai gokiïrï xïxkadï gïn duduakatudagi ïgai ïpamu kaxkïdï.

Tepehuan Northern: Diuusi ñiooquidʌ utuducami oodamicʌdʌ

³⁵ Dai ʌʌmo ooqui aaduñdʌ duduaaca. Dai ʌʌmoco gia soimaasi taatatuli sasaayudʌ dai coi. Dʌmos ʌgai baiyoma ipʌli mʌscoodagi dai maisiu gajiaadʌrʌ viaa gʌnvaavoidaraga. Ʌgai maatʌcatadai isʌmo imidagai duduaaca agai dai iimi agai Diuusi ʌʌmadu. Ʌgai maatʌcatadai isvaamioma siooma oidaca agai tʌvaagiʌrʌ istami oidi daama.

Hebreos 11:35 Referans Kwoze

Filipenses 3:11

Dai tomax dukai buaboitudai aanï sai gin duakatuda agai Diuxi ïpamu koidadï saagidañdïrï.

Hechos 9:41

Dai go Piduru nobiañdïrï bhïiyi go oki dai bañigi. Dai bhodïrï otoma báí ïgai go gaa buaboitudadami ïmadï go bipiudu dai baan kïïxi go oki duakakami.

Hechos 24:15

Idi kïkïïrhi ix makïdï gïpiïrï gin bupaimi buaboidadankaiti sai Diuxi duduakalda agai bïïxi go koidadï tomaxi ïr kïï buañixikami iibhïadï xi ïr soimaaxi buadamikagi ïpï. Aanï podukai buaboitudai ïpï tudu.

1 Korintios 15:54

Xïïxkadï ka biakagi aatïmï gïr tukuga utudui aidï ka buaboi busaimu go ojai xakoga ikaiti sai, Diuxi ka maitï go mukigami bui.

Hechos 23:6

Daidi Pabora gï tïgito tïï ix go dudunukami ix makïdï ami daraka ïïmoko ïr saduseo dai jaa ïr fariseo, kaxkïdï gïgïrï ño daidi itïi, —Gin aaduñi, aanï ïr fariseo dai gin oga ïr fariseo ïpï. Dai aanï buaboitudai sai koidadï duduaka agai kaxkïdï gin bua aapimï tanai dai gïn baan kïi— itïtïdai.

Hechos 22:29

Daidi go ix makïdï gïikarsa agaitadai go Pabora otoma maigobai gukiba dai dagito kaïkai xi ïr ïmo romano ïgai. Daidi go komandante máí ïpï ix ka butadai ïgai ïmo romano kadenakïdï dai duadimu.

Hechos 4:19

Dïï mos Piduru ïmadï Juan aa noragi ñokidï daidi itïtïdai, —¿Dukatai nïidi aapimï, bhai xi ïr sïïrhi xi gïn ïïgiadagi aatïmï dai Diuxi gia ka mai ïïgiada aatïmï?

Lukas 14:14

Aidï gia bhai gï ïrhiadamu aapi soikïitai ix makïdï mai bhaiga xi gï aa noraidagi. Kaxkïdï tudu Diuxi gï aa namïidamu xïïxkadï duduakatudagi koidadï ix makïdï buañixi iibhïadï— itïtïdai Suxi go kïïrhi ix makïdï gabaitadai ami kudagiana.

Markos 12:25

Daiñi— itïtïdai, —Xïïxkadï duduakagi koidadï ka mai kukuntai ïgai tomarhi mai ontai, mos ïpïan dukamikana ïgai Diuxi tïtïañikarudï ix makïdï Diuxi ïmadï daraka.

Mataibo 22:30

—Daiñi, xïxkadï gïn duduakagi koidadï ka maiti gaïmadï bipiïdamu ïgai. Amaxi ïpïan maaxkamu ïgai tïtïañikarudï Diuxi ix makïdï tïbagiana daraka. Kïïga gï maatï tudu sai go tïtïañikarudï Diuxi maiti gaïmadï bipiïyi tudu— itïtïdai.

Lukas 20:36

Ka duduaka ïgai ïpamu dai kaxkïdï ïpïan dukamikamu ïgai Diuxi tïtïañikarudï. Ka mai koimu ïgai tudu maamaradïkatai ïgai Diuxi.