Genesis 3:6 - Northern Tepehuan Bible

⁶ Bhodïrï go oki kïïga gï tïgito nïidi go uxi dai kïï tiodikami tïï dai kïï bïïñiaka maaxi ibhiadï ïpï. Dai pobï ïrhi ïgai sai ïgaikïdï bhïi antaada gïdukami tïgibudagai dai bhïiyi ïmo ibhiadï dai gauu. Dai bhodïrï maa ïgai aduñdï bai ïgai uu ïpï.

Genesis 3:6 Referans Kwoze

1 Juan 2:16

Tami oidigi daama óídakami bhaibitukami biaka ïrhidiña naana maaxi ixtumaxi dai naana maaxi ibuada ïrhidiña ïpï. Mos nïidiña ïgai ixtumaxi dai ka biaka ïrhidiña tudu. Dai bhodïrï gïgïrdukïdï gïn ïrhidiña ïgai biakatai naana maaxi ixtumaxi. Dïï gobai gia maiti ïr tïgibudadï Diuxi. Oidigi daama óídakami tïgibudadï gobai bhaiyoma.

1 Tomoteo 2:14

Dai aidïxi gïpiïrï surhi Adán ïmadï Eba go oki Eba ïgai dai buaboitu go diabora ñokidï dai gïpiïrï gïï dai mai xu xi go kïïrhi buaboitu. Kaxkïdï maatiga maaxi sai oki maiti gï agai xi tïanïdagi kïkïïrhi.

Mataibo 5:28

Dai aanï aagai ïpï sai maiti gï agai tomarhi ïmadutai aapimï xi galnaxi gï tïgitoagi ïmo oki bïïtarï ïpï tomaxi mosïkaxi mïkaxdïrï nïidi aapi dai podukai gï tïgito. Aanï aagai tudu saidi xorai podukai gï tïgitokagi ka ïpïan ïxi soimaaxi ibuayi xi ka ïmadï boitadai ïgai.

Genesis 39:7

Dai bhai tïbïpi aatadui Jose kiidïrï go Potifara. Tai oñigadï Potifara ojoida tïï dai aagidi sai abhana boiya ïgai.

Genesis 3:17

Bhodïrï potïtïdai Diuxi go kïïrhi, —Daiñi aapi kïïrhi, kaxi gï aagidi aanï pïsai mai ugana aapi go uxi ibhiadï dïï aapi bhaiyoma ïïgidi gï oñiga daidi gauu— itïtïdai. —Kaxkïdï aapi xibi ïr gï duñi sai ka xia duadamu aanï go dïbïrai. Xibi bhaitiakoga kabami aatabujidamu aapi dai bhai buadamu kuadagai abhiadïrï dïbïraiñdïrï— itïtïdai.

Genesis 3:12

Dai go kïïrhi potïtïdai aidï, —Go oki ix makïdï gin maa aapi gobai ïgai dai gin maa go ibhiadï go uxi antai gauu aanï— itïtïdai.