Genesis 22:12 - Northern Tepehuan Bible

¹² —Maiti soi doada go gï ïrhi— itïtïdai go Nukadakami. —Kaxi aant nïidi ix kïï ïïgidi aapi dai kïïgakïrï xadutudai aapi Diuxi— itïtïdai. —Ka bhai aa aapi bïïxi xi gin urhiñagi gï maara tomaxi mos arhi ïmaduga ïgai— itïtïdai.

Genesis 22:12 Referans Kwoze

Santiago 2:18

Daiñi, kïï bhaiga ïïmo odami ix pokaitadagi sai, kïïgakïrï bubuaki agaiña ibuadatai naana maaxi kïkïïgadukami aaduindagai. Dai jaa ikaitiña sai kïïgakïrï bubuaki agaiña mos kïïga buaboitudaitai. ¿Dai dukatai gï maatïkana ix bhai buaboikïdï buaboitudai ïgai ix maiti ibuadagi ïgai ixtumaxi kïkïïgadukami? Dïï gia aanï ikaiti sai aanï gia ibuayi ixtumaxi ïr kïïga dai podukai maaxitudai aanï jaa buidïrï sai kïïga buaboitudai aanï. Pobuayi aanï tudu.

Romanos 8:32

Daiñi, Diuxi mai tudayitai gatïïgi ïïgi maradï sai mukuna gïr bïïtarï. Kaxkïdï kïïga maatï aatïmï sai gïr maakimu ïgai bïïxi aïkatai go gaa ixtumaxi ix makïdï bia ïgai gïr bïïtarï ïpï.

1 Korintios 10:13

Gï agai ix kïï gï tïgitokagi ïmoko tudu. Daiñi, go soimaaxkami ajïi bïïxi odami. Kaxkïdï maiti gï agai xi po gï ïrhiada aapi sai mosïkaxi ïmoko gï ajïi gobai. Dïï gia kïïga gï maatï sai kïï tuiga Diuxi dai maiti gï dagitomu buaboitudadamikatai aapi dai bhaiyoma gï soikïdamu ïgai sai biakana aapi ix dukatai bui kïïkibagi go soimaaxi.

Mataibo 19:29

—Daiñi, xorai dagitoagi ixtumaxi bia gin oiditai, aanï maakimu muiyoma naana maaxi xi bhai ix makïdï biakatadai ïgai. Dukami xi dagito ïgai kiikidї xiïpï susukurhidï xiïpï xixïgidï xiïpï dïïdïdï xiïpï maamaradï xiïpï dïdïbïragadï, aanï aagai sai mui bamioma biakamu ïgai xi bhai ix makïdï dagito ïgai. Dai ïkobïrakoga bïïxkïrï bïïtarï oidaka agai ïgai. Pobai gï duñimu ïgai ix makïdï dagitoagi ixtumaxi gin oiditai tudu.

Genesis 22:2

—Imiñi mïï Morayamu ïmadï gï maara ïmadugakïdï ix makïdï bia aapi ïmadï Sara. Go ix makïdï kïï oigïdai aapi. Dai ami Morayana gï tïïgidamu aanï ïmo tubidaki xi ami tubidaki dama gïbiña aapi go gï ïrhi dai bhodïrï gin mïitulda ïmo kañiru dukai— itïtïdai Diuxi.

VUAANA 3:16

—Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

Romanos 5:8

Dïï Kristo gia muu gïr bïïtarï aidïxi kia ïr soimaaxi ibuadamikatadai aatïmï dai podukai gïr tïtïgidi Diuxi xïï kïïga gïr oigïdai ïgai.

2 Korintios 8:12

Diuxi kïï bhai ïlda nïidi ïmo odami xïïxkadï bhai ïrhiarakïdï gamaakadagi xïïxi ixtutiadagi tudu tomaxi mai xi gïïpi ixtutiadagi ix gamaakadagi ïgai.

Hechos 9:31

Dai aidï chïki tasai xioma óídakatadai go buaboitudadami Judeïrï dai Galileïrï dai Samarhiïrï mai tipukatai buidïrï bïïtïkami. Kïïga xadutudaiña ïgai Diuxi dai Diuxi Ibhïadï gamaakaiña gubukadagai xi ïgai bamioma kïïga muidaimi.

Mataibo 16:24

Daidi bhodïrï Suxi potïtïdai mamaatïrdamigadï, —Gïn aagidamu aanï ix dukatai gï agai xi ibuadagi odami ix makïdï ipïrhiadagi saidi ïr gin mamaatïrdamigakagi. Gï agai xi dagitoagi ïgai ïïgi tïgibudadï. Ka maiti gï agai xi ibuadagi ïgai ïïgi ixtumaxi ipïrhiadagi ïgai tudu. Xorai gin oijada ïrhiada gï agai bhaiyoma xi bïïx tasai kusukan dukai imïdagi go kuruxi ixtukïdï gï muatuda aagai ïgai. Gobai itïiya ïrhidi sai gï agai xi bïïx tasai bhai gï dukagi ïgai ix soimaaxi taatagi dai asta sai gï muatudagi gin oiditai. Aidï gia bhaigakamu ïgai xi gin oijadagi daidi ïr gin mamaatïrdamigakagi. Ïma dukai gia cho— itïtïdai.

Hebreos 12:28

Gin aaduñi, gobai ix makïdï bïïxkïrï bïïtarï kabaka agai ïr go utudui oidakaragai ix makïdï gïr maa Diuxi. Ami gïr utudui oidakaragïrï gïr nukadai Diuxi dai gïr oigïdaitai gïr tïanïi ïgai. Dai bïï mai ugiti agai gobai tomarhi ïmo imidagai. Kaxkïdï gï agai sai kïïga bhai gïr ïrhiada aatïmï Diuxi ïmadï sai podukai kïïga ñokada aatïmï ïgai bïïtarï dai kïïga xadutuadagi ixdukai ïgai ipïrhidi. Aa gia gï agai xi kïïga xadutuada aatïmï mos ïxi namïakatai ïgai.

Mataibo 5:16

Ïmo kudakarui dukai aapimï tudu buitapi óídakami. Dai kaxkïdï aanï aagai sai gï agai sai kïïga maaxiko dukai óídakagi aapimï ibuadatai ixtumaxi ïr kïïga óídakami buitapi. Podukai go óídakami gïn tïgito nïijadamu ix dukatai óídaga aapimï. Dai maatï nïijadamu ïgai sai Diuxi gïr Oga ix makïdï tïbagiana daja ïgai dai gïn soikïi sai podukai óídakagi aapimï dai kïïga ñokadamu óídakami Diuxi bïïtarï nïiditai gobai— itïtïdai.

Hebreos 11:19

Buaboitudai ïgai sai Diuxi ixtutuidikïi xi ïpamu duakaltudagi go Isaak. Dai bhaitoma po ïrhiadan dui aidïxi Diuxi kïïgakïrï busaitu go Isaak ïmo kañirukïdï.

Genesis 42:18

Daidi gokiïr itïtïdai ïgai, —Aanï xadutudai Diuxi dai kaxkïdï gïn soiñamu aanï dai ix gin ïïgiadagi aapimï ka mai xïduñimu aapimï— itïtïdai.

Apokalipsis 19:5

Dai bhodïrï ami xako daja Diuxi daikaruana sai ño ixtumaxi dai ikaiti, —Bïïxi Diuxi maamaradï gï agai xi oigïda ñokada Diuxi bïïtarï dai aagadagi xïïxi ïr gïdukami ïgai. Bïïxkatai ix makïdï xadutudai ïgai tudu mai xudu xi ïr gatïanïdamikagi ïgai xi maiti ïr gatïanïdamikagi ïpï— ikaiti.

Genesis 22:13

Dai Abraam aipako nïnïaba dai tïï ïmo kañiru kïrhiadï ix makïdï ami uxipïrhiana saï aagadï. Dai mïï bhïiyi ïgai dai daxdakarui dama tïï ïgai dai bhodïrï gïbiji dai mïji maradï bïïtarï.

Genesis 22:16

—Kïï ïïgidi aapi dai bhai aa xi gin maakiagi gï maara. Dai xibi an aagai sai gï abhana maakimu aanï ïmo gïdukami bhai ïrhiaragai. Bïïxi gin gubukadakïdï namïatudai aanï idi ñoki— itïtïdai. —Xïïxi oidaga xixabugai tïbagiana ïmadï orai go gïï sudagi ugidana po kaki gï maakimu aanï gï piipixaraga ïpï. Dai gï piipixara maitïmu buidïrï ix makïdï buidïrï bïïtïkagi— itïtïdai.