Genesis 19:1 - Northern Tepehuan Bible

¹ Ka didiaymitadai oidigi xi ami dada go bïï goka tïtïañikarudï Diuxi Sodomïrï. Dai akitadï Abraam Lot tïgidukïdï sonoana daja kuuparadï go gïï kurarai ix makïdï bhaabhaki xikorhi kaatï. Ami kuuparagai abhana ibuadana ïmpaiñdaragai oidakami. Dai Lot tïï go tïtïañikarudï Diuxi dai mïï kuiki buidïrï dai biaturhi.

Genesis 19:1 Referans Kwoze

Hebreos 13:2

Gï agai tudu xi bhai dukai miadïgiadagi gïn dadidakamiga tomaxi mai maatïkagi aapimï. Maiti gï maatï xi bhai maiti ïr tïtïañikarudï ïgai Diuxi kaxkïdï. Ïïmo óídakami ka miadïgidiña tïtïañikarudï Diuxi podukai, mai maatïkatai tudu.

Lukas 17:28

—Pobai gï ibuadana aidïxi oidakatadai go Lot ïpï— itïtïdai. —Aidï go óídakami mai buamï gïn ïrhiditadai ïpï. Mos gakuadatadai ïgai ix dukai ïbuadana ïgai bïïx tasai dai gayïdana dai gasapïdaiña naana maaxi dai gaagaraiña naana maaxi ïpï. Mos gaïsïiña ïgai dai gatutusaiña ïgai bhaabhaki ïpï. Pobuadana ïgai mai buamï gïn ïrhiditai.

Genesis 19:2

—Aibïrai gin kii dai ami kokoxi— itïtïdai. —Ami abïr bakuanada gïn ïïkaso dai gïn iibhïxta. Daidi xoroko ïki bhïiya aapimï boi ïpamu— itïtïdai. —Cho— itïtïdai go tïtïañikarudï Diuxi —No baaxi xibhï kayana kokoximu aatïmï— itïtïdai.

Genesis 19:10

Dïï go Diuxi tïtïañikaru ix makïdï ïr dadidakami kupioko kuuparagai dai bhïiyi go Lot dai tukabiako báí ïgai dai oton kuu go kuuparagai ïpamu.

Genesis 13:12

Dai amaxi Kanaanïrï bii Abram. Dai go Lot busai abhiadïrï dai bhaabhaki saagida gï urhi gamo xako kaatï dïjoi sonoana go bhaabhaki Sodoma tïgidukïdï.