Genesis 13:11 - Northern Tepehuan Bible

¹¹ Dai Lot bhai ïrhi ix gamo dïjoana oidakagi xako kaatï go aki Jordan tïgidukïdï. Xarhiapako kaatï go dïjoi ïgai abhiadïrï xako gïn aatagidi Abram ïmadï Lot. Dai gamo dui ïgai xi ka ïjïkobai gïn urhi ïgai Abram ïmadï Lot.

Genesis 13:11 Referans Kwoze

Genesis 13:9

—Daiñi, buiduru go oidigi— itïtïdai. —Nïidañi xako bhai ïrhiada aapi dai gamo gï urhiña. Xi norteamako imiagi aapi aanï suramajako imiagi. Dai ix suramajako imiagi aapi aanï norteamako imiagi— itïtïdai ïgai.

1 Pedro 2:17

Kaxkïdï abïr xadutuada bïïxi óídakami daidi abïr oigïdada bïïxi go buaboitudadami. Gïn tïgitobïrai xïïxi ïr gïdukami Diuxi daidi abïr xadutuada ïgai. Dai xadutuadabïrai go gïï dunukami romano ïpï.

Hebreos 10:25

Dai maiti gï agai xi ïpïan buadagi aatïmï jaa buaboitudadami ix makïdï ka maiti ipïrhidi ix gïn ïmapagiadagi. Gï agai bhaiyoma xi gïr abïnakiadagi aatïmï aipakoga dai gupukatudagi gïr buaboidaraga. Dai kïï maatï aatïmï sai ka otoma dibiagai Suxi Kristo dai kaxkïdï bamioma gï agai xi gïr gupurtudagi dai abïnakiadagi aatïmï aipakoga xibi.

Genesis 13:14

Ka imïkai go Lot abhiadïrï xako dajatadai Abram sai Gïr Nukadakami potïtïdai go Abram, —Nïnïabañi oidigi norteamakoga dai suramakoga dai xarhi utapakoga dai uruñi utapakoga— itïtïdai.

Genesis 19:17

Bhodïrï ka maigo gukatai ïgai saidi ïmoko go Diuxi tïtïañikaru itïtïdai, —Otoma abïr boopoi dai kïïgakïrï bubuaki— itïtïdai. —Dai toma lachi abïr mai ajaako nïnïnda dai bïï mai gugukada tanai dïjoana. Mïï daan tutubidakiana abïr boopoi kaxkïdï tudu mai koiyagi aapimï— itïtïdai.

Genesis 13:10

Dai bhodïrï aipako nïnïaba go Lot dai ojoida tïï ïgai dïdïjoi ix makïdï sonoana kaatï go gïï aki Jordan tïgidukïdï. Ïmo gïï ïxikami maaxi tïdogi go dïdïjoi ïgai dai gïïpiga sudagi bïïxi asta mïï ukami xako guka bhaabhaki Soarana. Bhaiton ïpïan maaxi tiodi Ejipituana oidigi. (Ami dïdïjoana gukatadai goka kiiki Sodomïrï dai Gomorïrï tïtïgidukïdï. Aidïpïrï Gïr Nukadakami mai kia xia dodai oidigi ami xako gukatadai bhaabhaki ïgai. Kaxkïdï kia kïïgadukatadai ami oidigi.)

Genesis 13:12

Dai amaxi Kanaanïrï bii Abram. Dai go Lot busai abhiadïrï dai bhaabhaki saagida gï urhi gamo xako kaatï dïjoi sonoana go bhaabhaki Sodoma tïgidukïdï.